ദേശീയ തലസ്ഥാനമേഖല

വിക്കിപീഡിയ, ഒരു സ്വതന്ത്ര വിജ്ഞാനകോശം.

ഇന്ത്യയുടെ തലസ്ഥാന നഗരമായ ഡെൽഹിയും അതിനോട് ചേർന്നു കിടക്കുന്ന നഗരപ്രദേശങ്ങളേയും ചേർത്ത് അറിയപ്പെടുന്നതാണ് ദേശീയ തലസ്ഥാനമേഖല ( നാഷണൽ കാപിറ്റൽ റീജിയൺ National Capital Region അഥവ എൻ.സി.ആർ NCR). ഡെൽഹിയുടെ അയൽ സംസ്ഥാനങ്ങളായ ഹരിയാന, ഉത്തർപ്രദേശ്, രാജസ്ഥാൻ എന്നീ സംസ്ഥാനങ്ങളിലെ പ്രദേശങ്ങൾ കൂടിച്ചേർന്നതാണ് ദേശീയ തലസ്ഥാനമേഖല. ഇതിന്റെ മൊത്തം വിസ്തീർണ്ണം 33,578 കി.m2 (12,965 ച മൈ) ആണ്. ഇത് ലോകത്തിലെ തന്നെ ഏറ്റവും വിസ്തീർണ്ണം കൂടിയ നഗരസമൂഹമാണ്.

ചരിത്രം[തിരുത്തുക]

ദേശീയ തലസ്ഥാനമേഖല (നാഷണൽ കാപിറ്റൽ റീജിയൺ ) എന്ന ആശയം 1962 ലെ ഡെൽഹി മാസ്റ്റർ പ്ലാൻ ആസൂത്രണ പദ്ധതിയിലാണ്. ഡെൽഹിയുടെ ചുറ്റുപാടുകളുള്ള നഗരങ്ങളെ വികസിപ്പിക്കുക എന്ന ഉദ്ദേശ്യത്തോടെയാണ് ഈ ആസൂത്രണ പദ്ധതി കൊണ്ടു വന്നത്. ഇതോടു കൂടി തന്നെ ഡെൽഹിയിലെ ഉയരുന്ന ജനപ്പെരുപ്പത്തെ നിയന്ത്രിക്കുകയും ജന സാന്ദ്രത അടുത്ത പ്രദേശത്ത് ഉൾക്കൊള്ളുക വഴി, ഡെൽഹിയിലെ ജനസാന്ദ്രത കുറക്കുക എന്നതും പ്രധാന ഉദ്ദേശ്യമായിരുന്നു.

സംസ്ഥാനങ്ങൾ[തിരുത്തുക]

വിസ്തീർണ്ണ പ്രകാരം സംസ്ഥാനങ്ങളുടെ പങ്ക്.
സംസ്ഥാനം വിസ്തീർണ്ണം
ഡെൽഹി 1,483 കി.m2 (573 ച മൈ)
ഹരിയാന 13,413 കി.m2 (5,179 ച മൈ)
ഉത്തർപ്രദേശ് 10,853 കി.m2 (4,190 ച മൈ)
രാജസ്ഥാൻ 7,829 കി.m2 (3,023 ച മൈ)

നാലു സംസ്ഥാനങ്ങൾക്കാണ് എൻ.സി.ആർ ൽ പ്രധാനമായും ഭാഗങ്ങളുള്ളത്. ഇവ താഴെ പറയുന്നവയാണ്.

ഡെൽഹി[തിരുത്തുക]

തലസ്ഥാന നഗരമായ ഡെൽഹി എൻ.സി.ആർ ലെ പ്രധാന സംസ്ഥാനമാണ്.

ഹരിയാന[തിരുത്തുക]

ഡെൽഹിയുടെ പടിഞ്ഞാറ് ഭാഗത്തായി സ്ഥിതി ചെയ്യുന്ന ഹരിയാനയുടെ മൊത്തം 13,413 കി.m2 (5,179 ച മൈ) വിസ്തീർണ്ണം എൻ.സി.ആർ ൽ ഉണ്ട്. ഇതിൽപ്പെടുന്ന ജില്ലകൾ താഴെപ്പറയുന്നവയാണ്.

(1 lakh = 100,000)

രാജസ്ഥാൻ[തിരുത്തുക]

ഡെൽഹിയുടെ വടക്ക് പടിഞ്ഞാറ് സ്ഥിതി ചെയ്യുന്ന രാജസ്ഥാൻ ഡെൽഹിയുമായി അതിര് പങ്കുവെക്കുന്നില്ലെങ്കിലും എൻ.സി.ആർ ലേക്ക് സുപ്രധാന പങ്ക് നൽകുന്നു. ജില്ല താഴെ പറയുന്നവയാണ്.

ഉത്തർ പ്രദേശ്[തിരുത്തുക]

ഉത്തർ പ്രദേശ് എൻ.സി.ആർ ലേക്ക് പ്രധാന സംഭാ‍വനകൾ നൽകുന്നു. ഇതിലെ എൻ.സി.ആർ. ൽ പെടുന്ന ജില്ലകൾ താഴെ പറയുന്നവയാണ്.

അവലംബം[തിരുത്തുക]

പുറത്തേക്കുള്ള കണ്ണികൾ[തിരുത്തുക]

"http://ml.wikipedia.org/w/index.php?title=ദേശീയ_തലസ്ഥാനമേഖല&oldid=1728476" എന്ന താളിൽനിന്നു ശേഖരിച്ചത്