ദളിത് ഹ്യൂമൻ റൈറ്റ്സ് മൂവ്മെന്റ്

വിക്കിപീഡിയ, ഒരു സ്വതന്ത്ര വിജ്ഞാനകോശം.

കേരളത്തിലെ ദളിത് മേഖലയിൽ പ്രവത്തിക്കുന്ന ഒരു സംഘടനയാണ് ദളിത് ഹ്യൂമൻ റൈറ്റ്സ് മൂവ്മെന്റ് (ഡി.എച്.ആർ.എം). മനുഷ്യാവകാശ സംഘടന എന്നവകാശപ്പെടുന്ന ഈ സംഘടന സമീപകാലത്തു വർക്കലയിൽ നടന്ന ഒരു കൊലപാതകത്തിന്റെ പേരിൽ കേരളാ പോലീസിന്റെ കർശന നിരീക്ഷണത്തിലാണു്. [1][2][3]

1997-ൽ എറണാകുളം ജില്ലയിലെ വടക്കൻ പറവൂരിൽ ഒരു സോപ്പ് നിർമ്മാണ യൂണിറ്റായിട്ടായിരുന്നു ഈ സംഘടനയുടെ തുടക്കം[4]. വർക്കലയിൽ സി.പി.ഐ.എമ്മിന്റെ സജീവ പ്രവർത്തകനായിരുന്ന ദാസ് കെ വർക്കലയുടെ നേതൃത്വത്തിലാണ് 2005ൽ വർക്കലയിൽ ഡി.എച്ച്.ആർ.എം രൂപികരിക്കുന്നത്.[5] എറണാകുളത്ത്‌ 1955ൽ തിരുകൊച്ചി ധർമ ശാസ്‌ത്ര സംഘങ്ങളുടെ രജിസ്റ്റർ നിയമപ്രകാരം 2007 ഡിസംബർ 6ന് രജിസ്റ്റർ ചെയ്യപെട്ടു (രജിസ്റ്റർ നമ്പർ ER637/2007). പട്ടിക ജാതി വർഗങ്ങളുടെ ക്ഷേമവും സാമൂഹിക പുരോഗതിയുമായിരുന്നു ലക്ഷ്യം. അവരനുഭവിക്കുന്ന ജാതീയമായ പീഡനങ്ങൾക്കും അസമത്വങ്ങൾക്കും ശാശ്വത പരിഹാരമുണ്ടാക്കാൻ പ്രവർത്തിക്കുമെന്നുമാണ്‌ അതിന്റെ നിയമാവലികളിൽ പറയുന്നത്‌.[6] മദ്യത്തിനും മയക്കുമരുന്നിനുമെതിരായ പ്രചരണങ്ങളാണ് സംഘടനയെ ദലിത് കോളനികളിൽ ശക്തിപ്പെടുത്തിയത്. നുറ് കണക്കിന് കടുംബങ്ങളെ ലഹരി വിമുക്തമാക്കിമാറ്റി സ്ത്രികളുടെ സ്വീകാര്യത നേടി.[5] ഈ സംഘടനയുടെ പ്രവർത്തനം തീവ്രവാദപരമാണെന്ന് ആരോപണങ്ങളുണ്ട്.[7]

ഘടന[തിരുത്തുക]

ദക്ഷിണം, ഉത്തരം എന്നീ രണ്ട് വിഭാഗമായിട്ടാണ്‌ ഈ സംഘടയുടെ സംസ്ഥാന കമ്മിറ്റികൾ ഉള്ളത്. ഇതുകൂടാതെ ജില്ല, മണ്ഡലം, യൂണിറ്റ് എന്നിങ്ങനേയും സംഘടനയ്ക്ക് ഘടനയുണ്ട്. ഓർഗൈസർക്കാണ്‌ ഈ ഘടകങ്ങളുടെ ചുമതല നൽകിയിട്ടുള്ളത്[4]. കാസർക്കോട് മുതലൽ തിരുവനന്തപുരം വരെയുള്ള ദലിത് മേഖലകളിൽ സംഘടനാ പ്രവർത്തനം ഉണ്ട് എന്ന് സംഘടനാ അവകാശപ്പെടുന്നു.[8].


അവലംബം[തിരുത്തുക]

  1. "വർക്കല കൊലപാതകം: മുഖ്യപ്രതികൾ പിടിയിൽ" (ഭാഷ: മലയാളം). മാതൃഭൂമി. 
  2. "Kerala Dalit group under scanner: Police" (ഭാഷ: ഇംഗ്ലീഷ്). The New Indian Express. 28. 
  3. "കവർസ്റ്റോറി" (ഭാഷ: മലയാളം). മാധ്യമം ആഴ്ചപ്പതിപ്പ് ലക്കം 684. 2011 ഏപ്രിൽ 04. ശേഖരിച്ചത്: 2013 മാർച്ച് 12. 
  4. 4.0 4.1 മാതൃഭൂമി ദിനപത്രം. 2009 സെപ്റ്റംബർ 29. പുറം 5.
  5. 5.0 5.1 ജോൺ, ബൈജു (2). "കേരളം ആഘോഷിച്ച ദളിത് തീവ്രവാദത്തിന് എന്ത് സംഭവിച്ചു? അന്വേഷണം" (ഭാഷ: മലയാളം). ഡൂൽന്യൂസ്. 
  6. ആലുങ്ങൽ, ഹംസ. "ഭീതിയൊഴിയാതെ ഇന്നും ദളിത്‌ കോളനികൾ". ബൂലോകം. 
  7. "Kerala Dalit group under scanner: Police" (ഭാഷ: ഇംഗ്ലീഷ്). Hindustan Times. 29. 
  8. "ജീവൻ ന്യൂസ് സംസ്ഥാന സെക്രട്ടറിയുടെ അഭിമുഖം"