തേയില
വിക്കിപീഡിയ, ഒരു സ്വതന്ത്ര വിജ്ഞാനകോശം.
 |
||||||||||||||
|---|---|---|---|---|---|---|---|---|---|---|---|---|---|---|
 Camellia sinensis foliage
|
||||||||||||||
| ശാസ്ത്രീയ വര്ഗീകരണം | ||||||||||||||
|
||||||||||||||
|
|
||||||||||||||
| '''Camellia sinensis''' (L.) Kuntze |
ചായ നിര്മ്മിക്കുന്നതിനുപയോഗിക്കുന്ന ഇലകളുണ്ടാകുന്ന ചെടിയാണ് തേയിലച്ചെടി. തേയിലച്ചെടി യഥാര്ത്ഥത്തില് ഒരു നിത്യഹരിതവനവൃക്ഷമാണ്. ആവശ്യമായ രീതിയിലുള്ള ഇല ലഭിക്കുന്നതിന് ഇതിനെ നുള്ളി കുറ്റിച്ചെടി രൂപത്തില് നിലനിര്ത്തുന്നതാണ്. വനവൃക്ഷമായതു കൊണ്ട് കാടിനു സമാനമായ പരിതസ്ഥിതിയില് ഇത് നന്നായി വളരുന്നു. വര്ഷത്തില് ഏതാണ്ടെല്ലാസമയത്തും മഴ ലഭിക്കുന്നത് തേയിലച്ചെടിക്ക നല്ലതാണ്. 200 മുതല് 300 സെന്റീമീറ്റര് വരെയുള്ള വാര്ഷികവര്ഷപാതമാണ് തേയിലച്ചെടിക്ക് അനുയോജ്യം[1].
ഉള്ളടക്കം |
[തിരുത്തുക] കൃഷി
തേയിലച്ചെടിയുടെ പ്രത്യേകതകള് മൂലം മലഞ്ചെരുവുകളാണ് ഇത് കൃഷിചെയ്യുന്നതിന് യോജിച്ചയിടം. ഇവിടെ ഭൂമിശാസ്ത്രപരമായി ഉന്നതിയെ സൂചിപ്പിക്കുന്ന കോണ്ടൂര് രേഖക്ക് സമാന്തരമായാണ് തേയിലച്ചെടികള് നടുന്നത്. ഇതിനെയാണ് കോണ്ടൂര് നടീല് അഥവാ കോണ്ടൂര് പ്ലാന്റിങ് എന്നു പറയുന്നത്. ഒരു പ്രത്യേകവിസ്തീര്ണ്ണം സ്ഥലത്ത് പരമാവധി ചെടികള് നടാം (ഏക്കറില് മുവായിരത്തോളം) എന്നതാണ് ഇത്തരത്തിലുള്ള നടല് കൊണ്ടുള്ള ഗുണം. ഇതിനു പുറമേ, ഈ രീതി, മണ്ണൊലിപ്പിനെയും ഫലപ്രദമായി തടയുന്നു. നേരിട്ട് സൂര്യപ്രകാശമേല്ക്കുന്നത് തേയിലച്ചെടിക്ക് ദോഷമായതിനാല് ഇടവിട്ട നിരയായി തണല് മരങ്ങള് വച്ചു പിടിപ്പിക്കാറുണ്ട്. ഇത് തണല് നല്കുന്നതോടൊപ്പം വലിയ കാറ്റിനെ തടയുകയും ചെയ്യുന്നു[1].
[തിരുത്തുക] വിളവെടുപ്പ്
-2008-07-06.jpg)
ഒരു ചെടി നട്ടാല് അതില് നിന്നും വിളവ് ലഭിക്കുന്നതിന് മൂന്നു മുതല് ഒമ്പത് വര്ഷം വരെ എടുക്കാറുണ്ട്. താഴ്ന്ന പ്രദേശങ്ങളിലെ തേയിലത്തോട്ടങ്ങള് പെട്ടെന്ന് വിളവ് നല്കുന്നെങ്കിലും ഇവിടെ നിന്നും ലഭിക്കുന്ന തേയില ഗുണനിലവാരം കുറഞ്ഞതായിരിക്കും. എന്നാല് കൂടുതല് ഉയരമുള്ള പ്രദേശങ്ങളില് നിന്നും ലഭിക്കുന്ന തേയില കൂടുതല് ഗുണനിലവാരമുള്ളവയായിരിക്കും.
തേയിലച്ചെടിയുടെ തളിരിലകള് (flush) മാത്രമേ ചായയുണ്ടാക്കുന്നതിന് ഉപയോഗിക്കാന് സാധിക്കുകയുള്ളൂ. അതായത് ഇലയുടെ കൂമ്പും രണ്ടു തളിരിലകള്ഊം മാത്രമാണ് ഇതിനായി നുള്ളിയെടുക്കുന്നത്. തളിര് നുള്ളിയെടുക്കുന്നയിടങ്ങളില് പുതിയ തളിരിലകള് വീണ്ടും വളര്ന്നു വരുന്നു. വലിയ തേയിലത്തോട്ടങ്ങളീല് തേയില നുള്ളല്, വര്ഷം മുഴുവനും തുടരുന്ന ഒരു ജോലിയായിരിക്കും. വര്ഷം മുഴുവനും ഇല നുള്ളുമെങ്കിലും പുതിയ തളിരിലകള് വളരുന്നതിന് ഓരോയിടത്തും നിശ്ചിത ഇടവേളകള് നല്കുന്നു. തോട്ടത്തിന്റെ സമുദ്രനിരപ്പില് നിന്നുള്ള ഉയരത്തിനനുസരിച്ച് ഈ ഇടവേളയുടെ ദൈര്ഘ്യം വ്യത്യാസപ്പെട്ടിരിക്കും. താഴ്ന്ന പ്രദേശങ്ങളില് ഈ ഇടവേള ഒരാഴ്ചയാണെങ്കില് ഉയര്ന്ന പ്രദേശങ്ങളില് ഇത് രണ്ടാഴ്ച വരെയാണ്.
തേയില നുള്ളൂന്നത് വളരെ വൈദഗ്ദ്ധ്യം ആവശ്യമുള്ള തൊഴിലാണ്. ശ്രീലങ്കയില് തമിഴ് സ്ത്രീകളാണ് ഈ തോഴിലില് ഏര്പ്പെടുന്നത്. ഇവര് തളിരിലകള് നുള്ളി പുറത്ത് കെട്ടിയിട്ടുള്ള തൊട്ടിയില് നിക്ഷേപിക്കുന്നു. ഈ തോട്ടികള് അവരുടെ നെറ്റിയിലേക്കായിരിക്കും കെട്ടിയിരിക്കുക.
തേയില നുള്ളുന്നതിനു പുറമേ ചെടികള്ക്കിടയിലെ കള നീക്കം ചെയ്യലും തോട്ടങ്ങളിലെ പ്രധാനപ്പെട്ട ജോലിയാണ്. ചെടിയുടെ കടയിലെ മണ്ണീളക്കുക, വളമിടുക, ഗുണനിലവാരം കുറഞ്ഞ ചെടീകളെ നീക്കം ചെയ്ത് പുതിയവ നടുക എന്നിങ്ങനെ വര്ഷം മുഴുവനും നീണ്ടുനില്ക്കുന്ന ജോലിയാണ് തേയിലത്തോട്ടങ്ങളിലേത്[1].
[തിരുത്തുക] തേയില സംസ്കരണം
തേയില നുള്ളി സംസ്കരണശാലയിലെത്തിക്കുന്ന്നതു വരെ അത് കൈകാര്യം ചെയ്യുന്നതിലുള്ള പാകപ്പിഴകളും സംസ്കരണശാലയിലെ താപനിലയിലും സമയദൈര്ഘ്യത്തിലുമുള്ള ചെറിയ വ്യത്യാസങ്ങളും മറ്റും തേയിലയുടെ ഗന്ധത്തിലും ഗുണനിലവാരത്തിലും കാര്യമായ മാറ്റം ഉണ്ടാക്കുന്നു. അതുകൊണ്ട് തേയിലസംസ്കരണം വളരെ ശ്രദ്ധയോടെ ചെയ്യേണ്ട പ്രക്രിയയാണ്. ഓരോ തേയിലത്തോട്ടവും അവിടെ നിന്നുള്ള തേയിലയുടെ ഗുണനിലവാരം ഒരേപോലെ കാത്തുസൂക്ഷിക്കാന് ശ്രമിക്കാറുണ്ട്. രുചിച്ചുനോക്കി ഏതു തേയിലത്തോട്ടത്തിലെ തേയിലയാണെന്നു തിരിച്ചറിയാന് സാധിക്കാറുണ്ട്[1].
തേയിലസംസ്കരണത്തിന് 6 ഘട്ടങ്ങളാണ് ഉള്ളത്
1. ഉണക്കല്
നുള്ളിയെടുത്ത ഇലകളെ, തട്ടുകളില് ഒരേ കനത്തില് നിരത്തിയിട്ട് അതിലെ ഈര്പ്പം പോകാനനുവദിക്കുന്നു. സൌകര്യമുള്ള സ്ഥലങ്ങളില് വെയിലത്തിട്ടാണ് ഉണക്കുന്നത്. എന്നാല് മിക്കവാറും സ്ഥലങ്ങളിലും വലിയ മുറികളില് ഈ തട്ടുകള് അടുക്കിവച്ച് ചൂടുകാറ്റ് പ്രവഹിപ്പിച്ചാണ് ഉണക്കിയെടുക്കുന്നത്.
2. ചതക്കല് (Rolling)
ഉണക്കിയെടുത്ത തേയില ഒരു റോളറിലൂടെ കടത്തിവിട്ട് ചതച്ചെടുക്കുന്നു. ഇതിലൂടെ ഇല കഷണങ്ങളാകുന്നതോടൊപ്പം, ഇലക്കകത്തെ ചാറ് പുറത്തേക്കെത്തുന്നു.
3. റോള് ബ്രേക്കിങ് (Roll breaking)
ചതച്ചെടുത്ത് വരുന്ന ഇലകള് കമ്പിവലക്കു മുകളിലൂടെ കടത്തിവിടൂന്നു. അങ്ങനെ വലുപ്പം കുറഞ്ഞ ഇലക്കഷണങ്ങള് താഴേക്കു വീഴുകയും മിച്ചം വരുന്ന ഇലകളെ വീണ്ടും ചതക്കുന്നതിന് റോളറിലേക്കയക്കുന്നു.
4. പുളിപ്പിക്കല് (Fermentation)
ചതച്ചെടുത്ത ഇലകളെ ഒരു തണുത്തതും ഈര്പ്പമുള്ളതുമായ മുറിയില് കോണ്ക്രീറ്റ് തട്ടുകള്ക്കു മുകളില് വിതറിയിടുന്നു. ഇവിടെയാണ് പുളിക്കല് (Fermentation) നടക്കുന്നത്. പച്ച നിറത്തിലുള്ള ഇലകള് ഇതോടെ ഉപഭോക്താക്കള്ക്ക് പരിചിതമായ കറുത്ത നിറമായി മാറുന്നു.
5. Firing
നിശ്ചിത കാലയളവിനു ശേഷം ഇലകളെ ഒരു ഓട്ടോമാറ്റിക് ടീ ഡ്രയറിലൂടെ കടത്തിവിടുന്നു. ഇവിടെ ചൂടുകാറ്റ് ഉപയോഗിച്ച് ഇലകളെ ഉണക്കുകയും അതോടൊപ്പം പുളിക്കല് പ്രക്രിയ അവസാനിക്കുകയും ചെയ്യുന്നു. ഇവിടെ ഉപയോഗിക്കുന്ന ചൂടുകാറ്റിന്റെ താപനിലയും പ്രവഹിപ്പിക്കുന്ന സമയവും ശ്രദ്ധയോടുകൂടി നിയന്ത്രിക്കേണ്ടതുണ്ട്. അല്ലാത്തപക്ഷം ഇല വെന്തുപോകുകയും ഗുണനിലവാരം കുറയുകയോ തീര്ത്തും ഉപയോഗശൂന്യമാകുകയോ ചെയ്യും.
6. തരം തിരിക്കല് : ഇലയുടെ വലുപ്പത്തിനനുസരിച്ച് തേയിലയെ പലതായി തരം തിരിക്കുന്ന പ്രക്രിയയാണിത്.
[തിരുത്തുക] അവലംബം
[തിരുത്തുക] പുറത്തേക്കുള്ള കണ്ണികള്
ഈ ലേഖനവുമായി ബന്ധപ്പെട്ട കൂടുതല് പ്രമാണങ്ങള് ലഭ്യമാണ്
- Camellia sinensis (TSN 506801). Integrated Taxonomic Information System. Retrieved on 16 February 2006.
- Camellia sinensis from Purdue University
- Plant Cultures: botany and history of the tea plant
- Camellia sinensis Classification from Toklai Tea Research Station, Jorhat, Assam.
- Antibacterial Activity of Green Tea Extracts against Streptococcus anginosus group: http://ci.nii.ac.jp/naid/10017425510/en/
- The effect of a component of tea (Camellia sinensis) on methicillin resistance in Staphylococcus: http://jac.oxfordjournals.org/cgi/content/abstract/42/2/211
- List of Chemicals in Camellia sinensis (Dr. Duke's Databases)
