ജാഗ്വാർ കാറുകൾ

വിക്കിപീഡിയ, ഒരു സ്വതന്ത്ര വിജ്ഞാനകോശം.
ജാഗ്വാർ കമ്പനി ലിമിറ്റഡ്
Jaguar logo.png
വ്യവസായം വാഹനനിർമ്മാണം
സ്ഥാപിക്കപ്പെട്ടത് 11 സെപ്തംബർ 1922-ൽ സ്വല്ലൊ സൈഡ്കാർ കമ്പനി എന്ന പേരിൽ പ്രവർത്തനമാരംഭിച്ചു. 9 ഏപ്രിൽ 1945-ൽ ജാഗ്വാർ എന്നു പേരു മാറ്റി
ആസ്ഥാനം കവൊൻട്രി, യുണൈറ്റഡ് കിങ്ഡം
പ്രധാന ആളുകൾ രത്തൻ ടാറ്റ ചെയർമാൻ ഡോ.റാൽഫ് സ്പെത് സി.ഇ.ഒ
ഉടമസ്ഥത ടാറ്റ മോട്ടോർസ്
ജീവനക്കാർ 10,000[1]
വെബ്‌സൈറ്റ് Jaguar.com

ഇംഗ്ലണ്ടിലെ കവൊൻട്രി ആസ്ഥാനമായി പ്രവർത്തിക്കുന്ന ബ്രിട്ടീഷ് ആഡംബര കാർ നിർമ്മാതാക്കളാണു ജാഗ്വാർ കമ്പനി ലിമിറ്റഡ് അഥവാ ജാഗ്വാർ. ഇന്ത്യൻ കമ്പനിയായ ടാറ്റാ മോട്ടോർസിന്റെ പൂർണ്ണ ഉടമസ്ഥതയിൽ പ്രവർത്തിക്കുന്ന ജാഗ്വാർ ഇപ്പോൾ ജാഗ്വാർ-ലാൻഡ്റോവർ സംരഭത്തിന്റെ ഭാഗമാണ്.[2] [3] 1922-ൽ സർ വില്ല്യം ലയൊൺസിന്റെ ഉടമസ്ഥതയിൽ സ്വല്ലൊ സൈഡ്കാർ കമ്പനി എന്ന പേരിൽ പ്രവർത്തനമാരംഭിച്ച ജാഗ്വാർ കമ്പനി തുടക്കത്തിൽ ഇരുചക്ര വാഹനങ്ങളുടെ അനുബന്ധമായ സൈഡ്കാറുകളുടെ നിർമ്മാണത്തിലായിരുന്നു ശ്രദ്ധവച്ചിരുന്നത്.[4] പിന്നീട് രണ്ടാംലോകമഹായുദ്ധ കാലത്ത് പ്രതിക്കൂല സാഹചര്യങ്ങളെത്തുടർന്ന് ജാഗ്വാർ എന്നു പേരു മാറ്റുകയാണുണ്ടായത്.[5]

1968-ൽ ബ്രിട്ടീഷ് മൊട്ടോർ കോർപറേഷനുമായും, പിന്നീട് ബ്രിട്ടീഷ് ലെയ്ലൻഡുമായും ലയിച്ച ജാഗ്വാർ അതിനെത്തുടർന്ന് ബ്രിട്ടീഷ് ലെയ്ലൻഡ് എന്ന പേരിൽ ദേശസാൽക്കരിക്കപ്പെട്ടു. 1984-ൽ ലണ്ടൻ സ്റ്റോക് എക്സ്ചേഞ്ച് പട്ടികയിൽ ഇടം നേടാൻ ജാഗ്വാർ കമ്പനിക്കു സാധിച്ചു.[6] ബ്രിട്ടീഷ് രാജാവിന്റെ കൊട്ടാരം വക വാഹനങ്ങൾ നിർമ്മിക്കുവാനുള്ള പ്രത്യേക അവകാശം ജാഗ്വാർ കമ്പനിക്കു ലഭിച്ചിട്ടുണ്ട്. 2010 മുതൽ ബ്രിട്ടീഷ് പ്രധാനമന്ത്രിയുടെ വാഹനങ്ങൾ നിർമ്മിക്കുവാനുള്ള അവകാശവും ജാഗ്വാർ കമ്പനിക്കു ലഭിച്ചു.[7] 1999-ൽ കമ്പനിയുടെ ഓഹരികൾ സ്വന്തമാക്കിയതു വഴി ജാഗ്വാർ ഫോർഡ് മോട്ടോർസിന്റെ ഉടമസ്ഥതയിലായി. 2008-ൽ ജാഗ്വാർ ലാൻഡ്റോവർ സംരഭം ഏറ്റെടുക്കാൻ താത്പര്യം കാണിച്ച് ടാറ്റ കമ്പനി രംഗത്തെത്തി.[8] അതിനെത്തുടന്ന് 17 കോടി അമേരിക്കൻ ഡോളറിനു ജാഗ്വാർ- ലാൻഡ്റോവർ സംരഭത്തെ ടാറ്റ മോട്ടോർസ് ഏറ്റെടുക്കുകയും ചെയ്തു.[9] ജാഗ്വാർ-ലാൻഡ്റോവർ സംരഭത്തിന്റെ അധീനതയിലുള്ള മറ്റ് മൂന്ന് പ്രമുഖ കമ്പനികളാണു ഡെയ്ംലർ, ലാൻചെസ്റ്റർ, റോവർ എന്നിവ. ജാഗ്വാർ-ലാൻഡ്റോവർ സംരഭത്തിന്റെ ഉടമസ്ഥതയിൽ ബർമിങ്ഹാം , ലിവർപൂൾ എന്നിവിടങ്ങളിലുള്ള നിർമ്മാണ കേന്ദ്രങ്ങ്ളിലാണു ജാഗ്വാർ കാറുകൾ നിർമ്മിക്കുന്നത്.[10] ‘മൂന്നാം തലമുറ’ ശ്രേണിയിൽപ്പെടുന്ന അത്യാഡംബര കാറുകളായ 'XF', 'XJ', 'XK' എന്നിവയാണു ജാഗ്വാർ കാറുകളിൽ ഏറ്റവും പുതിയ മോഡലുകൾ.[11] [12]

അവലംബം[തിരുത്തുക]

  1. "Employee relations". Jaguar - Environmental and Social Reporting. ശേഖരിച്ചത് 2009-07-03. 
  2. http://www.autoblog.com/2008/03/26/officially-official-tata-buys-jaguar-land-rover-for-2-3-billio/ Autoblog.com. ശേഖരിച്ചത്: 2009-06-19.
  3. http://www.jaguar.com/gb/en/#/ Jaguar Cars Ltd.. ശേഖരിച്ചത്: 2009-06-18.
  4. http://www.jaguar.com/gb/en/#/ Jaguar Cars Ltd..ശേഖരിച്ചത്: 2009-06-19
  5. http://www.jaguar.com/gb/en/#/ Jaguar Cars Ltd.. ശേഖരിച്ചത്:2009-06-19
  6. http://www.jaguar.com/gb/en/#/ Jaguar Cars Ltd.. ശേഖരിച്ചത്: 2009-06-19
  7. http://web.archive.org/web/20071212175255/http://www.royalwarrant.org/DirectorySQL.asp on 2007-12-12. ശേഖരിച്ചത്: 2007-12-24.
  8. ^ Krisher, Tom (3 January 2008) https://archive.is/20120524091237/www.time.com/time/ Time. Associated Press. ശേഖരിച്ചത്: 2008-01-04
  9. http://www.hindustantimes.com/News-Feed/corporatenews/Tata-gets-3-bln-loan-from-Citi-JPMorgan-source/Article1-282956.aspx Reuters. 18 March 2008. ശേഖരിച്ചത്: 2008-03-18.
  10. http://www.jaguar-enthusiasts.org.uk/jaguar-history.html The Surrey Region Jaguar Enthusiasts Club
  11. http://www.carpages.co.uk/guide/jaguar/jaguar-xj-guide.asp Autocars.co.uk. ശേഖരിച്ചത്: 2009-06-19
  12. ^ Plisner, Peter (9 July 2009) http://news.bbc.co.uk/2/hi/uk_news/england/west_midlands/8140482.stm BBC News. ശേഖരിച്ചത്: 2009-07-15.
"http://ml.wikipedia.org/w/index.php?title=ജാഗ്വാർ_കാറുകൾ&oldid=1989592" എന്ന താളിൽനിന്നു ശേഖരിച്ചത്