കെ. ബാലാജി

വിക്കിപീഡിയ, ഒരു സ്വതന്ത്ര വിജ്ഞാനകോശം.
കെ. ബാലാജി
Balajisir.jpg
ജനനം 1934 ഓഗസ്റ്റ് 5(1934-08-05)
മരണം 2009 മേയ് 2(2009-05-02) (പ്രായം 74) [1]
ചെന്നൈ, തമിഴ്‌നാട്, ഇന്ത്യ
മരണ കാരണം വൃക്കകളുടെ പ്രവർത്തനം നിലച്ചത്[2]
ഭവനം ചെന്നൈ, തമിഴ്‌നാട്, ഇന്ത്യ
ദേശീയത ഇന്ത്യൻ
തൊഴിൽ നടൻ, നിർ‍മ്മാതാവ്
സജീവം 1951–2009
പ്രശസ്തി Billa (1980) - Producer
മതം ഹിന്ദു[3]
ജീവിത പങ്കാളി(കൾ) Anandavally (died in 1995)
കുട്ടികൾ Suresh Balaje
Sujatha
Suchitra Mohanlal
ബന്ധുക്കൾ

പ്രശസ്ത ചലച്ചിത്ര നിർമ്മാതാവും, നടനുമായിരുന്നു കെ. ബാലാജി. (ജനനം:1934 മരണം:2009, മെയ് 3) നായകനും, ഉപനായകനുമായി തമിഴിൽ അരങ്ങേറ്റം കുറിച്ച ബാലാജി പ്രശസ്ത നടൻ മോഹൻലാലിന്റെ ഭാര്യാപിതാവ് കൂടിയാണ്. 1950-ൽ ഔവ്വയാർ എന്ന ചിത്രത്തിലൂടെയാണ് ബാലാജി ചലച്ചിത്രജീവിതത്തിലേക്കെത്തുന്നത്. ഏകദേശം 50-ഓളം ചിത്രങ്ങൾ ഇദ്ദേഹം നിർമ്മിച്ചിട്ടുണ്ട്. മലയാളത്തിൽ അദ്ദേഹം നിർമിച്ച ജീവിതം, പ്രേമാഭിഷേകം ഉൾപ്പെടെയുള്ള ചിത്രങ്ങൾ വമ്പൻ വിജയം കൈവരിച്ചവയായിരുന്നു.[4] 2009 മെയ് 3-ന് ഹൃദയസ്തംഭനം മൂലം മരണമടഞ്ഞു.

ജീവിതരേഖ[തിരുത്തുക]

1934-ലാണ് ബാലാജി ജനിച്ചത്. ഇദ്ദേഹത്തിറ്റ്നെ അച്ഛൻ കൃഷ്‌ണമാചാരിയും, അമ്മ ജാനകിയമ്മയുമാണ്. ബാലാജി പഠിച്ചതും വളർന്നതും ചെന്നൈയിലായിരുന്നു. എറണാകുളം നെടുങ്ങയിലും ഇദ്ദേഹത്തിന്‌ കുടുംബവേരുകൾ ഉണ്ട്.

1950-ൽ ജമിനി പ്രൊഡക്ഷൻസ്‌ നിർമിച്ച ഔവ്വയാർ‍ എന്ന തമിഴ്‌ ചിത്രത്തിൽ അഭിനയിച്ചുകൊണ്ടാണ് ബാലാജി അഭിനയരംഗത്തേക്കെത്തുന്നത്. പിന്നീട് ചെന്നൈയിലെ നരസു സ്റ്റുഡിയോവിൽ പ്രൊഡക്ഷൻ മാനേജരായി ജോലിയിൽ പ്രവേശിച്ചു. അവിടെ വെച്ചാണ് നരസു നിർമിച്ച പ്രേമപാശം എന്ന തമിഴ് ചിത്രത്തിൽ വേഷമണിയുന്നത്. ഈ ചിത്രത്തിൽ ഉപനായകന്റെ വേഷമായിരുന്നു ബാലാജിക്ക്. നടൻ ദുരൈരാജ്‌ നിർമിച്ച വാനൈപിടിത്തവൾ ഭാഗ്യശാലി എന്ന ചിത്രത്തിൽ നായകവേഷത്തിലും കെ. ബാലാജി അഭിനയിച്ചിട്ടുണ്ട്.

ശിവാജി ഗണേശനെ നായകനാക്കി ധാരാളം ചിത്രങ്ങൾ നിർമ്മിച്ചിട്ടുള്ള ബാലാജി. 1966-ലാണ് ആദ്യമായി ശിവാജി ഗണേശനെ നായകനാക്കി ചലച്ചിത്രമെടുക്കുന്നത്. കെ.ആർ. വിജയ നായികയായി അഭിനയിച്ച ഈ ചിത്രത്തിന്റെ പേര് അണ്ണാവിൻ ആശൈ എന്നായിരുന്നു. ഏകദേശം 50 ചിത്രങ്ങളോളം അദ്ദേഹം നിർമിച്ചിട്ടുണ്ട്‌. ഇതിൽ അണ്ണാവിൻ ആശൈ, തന്തൈ, എൻ അണ്ണൻ തുടങ്ങിയ ചിത്രങ്ങൾക്ക്‌ അദ്ദേഹം സ്വന്തം കഥകളൊരുക്കി.[4] ഇദ്ദേഹത്തിന്റെ നിർമ്മാണക്കമ്പനിയായ സുജാത സിനി ആർട്‌സ്‌ ഒടുവിൽ നിർമിച്ച ചിത്രം അജിത്തിനെ നായകനാക്കിയുള്ള കിരീടം എന്ന തമിഴ് ചിത്രം ആയിരുന്നു.

പുറത്തേക്കുള്ള കണ്ണികൾ[തിരുത്തുക]

അവലംബം[തിരുത്തുക]

"http://ml.wikipedia.org/w/index.php?title=കെ._ബാലാജി&oldid=1789473" എന്ന താളിൽനിന്നു ശേഖരിച്ചത്