കാല്വിനും ഹോബ്സും
വിക്കിപീഡിയ, ഒരു സ്വതന്ത്ര വിജ്ഞാനകോശം.
| കാല്വിനും ഹോബ്സും | |
|---|---|
 കാല്വിന്റേയും ഹോബ്സിന്റേയും ഒരുപാടു സവാരികളിലൊന്ന്. ആദ്യ കാല്വിന് കോമിക് സ്ട്രിപ്പ് സമാഹാരത്തിന്റെ മുഖചിത്രമാണ് ഈ ചിത്രം. |
|
| Author(s) | ബില് വാട്ടേഴ്സണ് |
| Current status | അവസാനിച്ചു |
| Genre(s) | ഫലിതം |
കാല്വിന് ആന്റ് ഹോബ്സ് (കാല്വിനും ഹോബ്സും) വിശ്വപ്രസിദ്ധമായ കോമിക് സ്ട്രിപ്പ് ആണ്. കാല്വിന് എന്ന ഭാവനാശാലിയായ ആറു വയസ്സുകാരന് കുട്ടിയുടേയും അവന്റെ കളിപ്പാവയായ ഹോബ്സ് എന്ന പഞ്ഞിക്കടുവയുടേയും ജീവിതം പ്രമേയമാക്കുന്ന ഈ കാര്ട്ടൂണ് സ്ട്രിപ്പ് ബില് വാട്ടേഴ്സണ് ആണ് രചിക്കുകയും ചിത്രീകരിക്കുകയും ചെയ്തിരുന്നത്. കാല്വിന് എന്ന പേര് പതിനാറാം നൂറ്റാണ്ടില് ജീവിച്ചിരുന്ന ഫ്രഞ്ച് മതപണ്ഡിതനായ ജോണ് കാല്വിനില് നിന്നും ഹോബ്സ് എന്ന പേര് പതിനേഴാം നൂറ്റാണ്ടില് ജീവിച്ചിരുന്ന തോമസ്സ് ഹോബ്സ് എന്ന ഇംഗ്ലീഷ് രാഷ്ടീയ ദാര്ശനികനില് നിന്നുമാണ് ബില് വാട്ടേഴ്സണ് കണ്ടെടുത്തത് 1985 നവംബര് 18 മുതല് 1995 ഡിസംബര് 31 വരെ തുടര്ച്ചയായി ഈ കാര്ട്ടൂണ് സ്ട്രിപ്പ് പുറത്തിറക്കിയിരുന്നു. യൂണിവേഴ്സല് കാര്ട്ടൂണ് സിന്റിക്കേറ്റ് എന്ന മാധ്യമ സിന്റിക്കേറ്റിനായിരുന്നു ഈ സ്ട്രിപ്പുകളുടെയെല്ലാം പ്രസിദ്ധീകരണാവകാശം. ഏതാണ്ട് 2400 ല് പുറമേ പത്രങ്ങളില് വരെ കാല്വിന് ആന്റ് ഹോബ്സ് ഒരേ സമയം പ്രസിദ്ധീകരിക്കപ്പെട്ടിട്ടുണ്ടായിരുന്നു.ഇന്നു വരെ 30 ദലലക്ഷത്തില് പരം കാല്വിന് ആന്റ് ഹോബ്സ് പുസ്തകങ്ങള് അച്ചടിച്ചിറക്കിയിട്ടുണ്ട്.,[1] പൊതു സംസ്കാരത്തെ പല രീതിയിലും ഈ കാര്ട്ടൂണ് കഥാപാത്രങ്ങള് സ്വാധീനിക്കുന്നുമുണ്ട്.
സമകാലിക മധ്യപൂര്വ അമേരിക്കയിലെ നഗര പ്രാന്തപ്രദേശങ്ങളാണ് കാല്വിന്റേയും ഹോബ്സിന്റേയും കഥയ്ക്കു പശ്ചാത്തലം ഒരുക്കുന്നത്. വാട്ടേഴ്സന്റെ ജന്മ സ്ഥലമായ ഒഹിയോയിലെ ചഗ്രിന് ഫാള്സില് നിന്നാണ് ഈ സ്ഥല നിര്മിതിയുണ്ടാക്കപ്പെട്ടിട്ടുള്ളതെന്നു അനുമാനിക്കപ്പെടുന്നു. ഏതാണ്ട് എല്ലാ കാര്ട്ടൂണ് സ്ട്രിപ്പുകളിലും കാല്വിനും ഹോബ്സും ഒരുമിച്ചാണ് പ്രത്യക്ഷപ്പെടാറുള്ളത്. ചില കാര്ട്ടൂണുകളില് കാല്വിന്റെ കുടുംബാംഗങ്ങള് പ്രധാന കഥാപാത്രങ്ങളായി പ്രത്യക്ഷപ്പെടുന്നുണ്ട്. കാല്വിന്റെ ഭാവനാ ലോകമാണ് ഈ കാര്ട്ടൂണ് സ്ട്രിപ്പുകളില് ഉടനീളമുള്ള കഥാതന്തു. ഭാവനാലോകത്തെ പോരാട്ടങ്ങള്, ഹോബ്സുമായുള്ള സൗഹൃദം, സാഹസികാബദ്ധങ്ങള്, രാഷ്ട്രീയം, സാമൂഹികം, സംസ്കാരം തുടങ്ങിയ വിഷയങ്ങളില് കാല്വിന്റെ വീക്ഷണം, അച്ഛനമ്മമാരോടുള്ള ബന്ധവും ഇടപെടലുകളും, സഹപാഠികള്, അദ്ധ്യാപകര്, മറ്റു സാമൂഹ്യബന്ധങ്ങള് തുടങ്ങി തികച്ചും വൈവിദ്ധ്യമാര്ന്ന കഥാപരിസരങ്ങളിലൂടെയാണ് കാല്വിനും ഹോബ്സും മുന്നോട്ടു പോകുന്നത്. ഹോബ്സിന്റെ ദ്വന്ദ വ്യക്തിത്വവും മറ്റൊരു പ്രധാന വിഷയമാണ്. (കാല്വിന് ഹോബ്സിനെ ജീവനുള്ള ഒരു കടുവയായി കാണുമ്പോള്, മറ്റു കഥാപാത്രങ്ങള്ക്കെല്ലാം ഹോബ്സ് ഒരു കളിപ്പാവ മാത്രമാണ്.)
ഗാരി ട്രുഡേയുടെ 'ഡൂണ്സ്ബറി' പോലുള്ള രാഷ്ട്രീയ കാര്ട്ടൂണ് സ്ട്രിപ്പുകളെ പോലെ വ്യക്തമായ രാഷ്ട്രീയ വിമര്ശനം കാല്വിന് ആന്റ് ഹോബ്സില് കാണാന് കഴിയില്ലെങ്കിലും പരിസ്ഥിതിവാദം, അഭിപ്രായ സര്വേകളുടെ പൊള്ളത്തരം തുടങ്ങിയ വിശാല രാഷ്ട്രീയ സങ്കല്പ്പനങ്ങളെ അത് പരിശോധിക്കാറുണ്ട്. സ്വന്തം വീട്ടിലെ ആറു വയസ്സുള്ള വെളുത്ത ആണ്കുട്ടികളുടെ ഇടയിലും പഞ്ഞിക്കടുവകളുടെ ഇടയിലും തന്റെ അച്ഛനുള്ള സ്ഥാനത്തെ പറ്റി കാല്വിന് നടത്തുന്ന അഭിപ്രായ സര്വേകള് ഒന്നിലധികം കാര്ട്ടൂണുകളില് പ്രമേയമാക്കപ്പെട്ടിട്ടുണ്ട്.
തന്റെ സൃഷ്ടികളുടെ വാണിജ്യ സാധ്യതകള് ചൂഷണം ചെയ്യുന്നതിന് വാട്ടേഴ്സണ് തികച്ചും എതിരായിരുന്നു. മാത്രവുമല്ല മാധ്യമ ശ്രദ്ധയില് നിന്നുമകന്നു നില്ക്കാനും അദ്ദേഹം ശ്രമിച്ചിരുന്നു.അതു കൊണ്ടു തന്നെ കാല്വിന് - ഹോബ്സ് പുസ്തകങ്ങളല്ലാതെ മറ്റൊരു അംഗീകൃത അനുബന്ധ ഉല്പന്നങ്ങളും ഇന്നു ലഭ്യമല്ല. പരസ്യ ആവശ്യങ്ങള്ക്കായി ചില ഔദ്യോഗിക ഉല്പ്പന്നങ്ങള് പുറത്തിയിറക്കിയിരുന്നെങ്കിലും അവ ഇപ്പോള് സ്വകാര്യ ശേഖരങ്ങളില് മാത്രമേയുള്ളൂ. രണ്ട് 16-മാസ ചുവര് കലണ്ടറുകള്, കാല്വനും ഹോബ്സും പഠിപ്പിക്കുന്ന പാഠപുസ്തകങ്ങള് എന്നിവ ലൈസന്സിങ്ങില് നിന്നു ഒഴിവാക്കപ്പെട്ട രണ്ടു പ്രധാന ഉല്പന്നങ്ങളാണ്. എന്നാല് കാല്വിന്റേയും ഹോബ്സിന്റേയും വര്ദ്ധിച്ച ജനകീയത അനധികൃതമായ ഒട്ടനവധി ഉല്പ്പന്നങ്ങള്ക്കു വഴി വച്ചിട്ടുണ്ട്. ഒട്ടനവധി ടീ-ഷര്ട്ടുകള്, താക്കോല് ചെയിനുകള്, സ്റ്റിക്കറുകള്, ജനല്ച്ചിത്രങ്ങള് എന്നിവ ഇപ്രകാരം പുറത്തിറങ്ങിയിട്ടുണ്ട്. ഇവയില് പലതിലും വാട്ടേഴ്സന്റെ സ്വാഭാവിക നര്മമോ, ദര്ശനങ്ങളോ ഒന്നും തന്നെ പ്രതിനിധീകരിക്കാത്ത ഭാഷയും ചിത്രങ്ങളുമാണുള്ളത്. പലതും ശ്ലീല പരിധി ലംഘിക്കുന്നവയുമാണ്.
ഉള്ളടക്കം |
[തിരുത്തുക] ചരിത്രം
തനിക്കിഷ്ടമില്ലാതിരുന്ന ഒരു പരസ്യക്കമ്പനി ജോലിക്കിടയിലാണ് വാട്ടേഴ്സണ് കാല്വിനേയും ഹോബ്സിനേയും ആദ്യമായി സൃഷ്ടിക്കുന്നത്. ജോലിക്കിടയിലെ വിരസത മാറ്റാനായി ഒഴിവു സമയങ്ങളില് അദ്ദേഹം തന്റെ സ്വകാര്യ വിനോദമായ കാര്ട്ടൂണിങ്ങിലേക്കു തിരിയുകയായിരുന്നു.
ആദ്യ കാലങ്ങളില് വാട്ടേഴ്സണ് രൂപപ്പെടുത്തിയ ആശയങ്ങളൊക്കെ തന്നെ കാര്ട്ടൂണ് സിന്റിക്കേറ്റുകള് നിഷ്കരുണം തള്ളിക്കളയുകയാണുണ്ടായത്. ഒരിക്കല് ഒരു പ്രധാന കഥാപാത്രത്തിന്റെ അനുജനായി പ്രത്യക്ഷപ്പെട്ട ഒരു പഞ്ഞിക്കടുവയെ സ്വന്തമായുള്ള ഒരു ചെറിയ കുട്ടി പ്രസാധകരുടെ ശ്രദ്ധ പിടിച്ചു പറ്റി. തുടര്ന്ന് വാട്ടേഴ്സണ് ഈ കഥാപാത്രങ്ങളെ കേന്ദ്ര സ്ഥാനത്തു നിര്ത്തി പുതിയ ഒരു കാര്ട്ടൂണ് സ്ട്രിപ്പ് തുടങ്ങി. എന്നാല് ഈ സ്ട്രിപ്പിനേയും സിന്റിക്കേറ്റു(യുണൈറ്റഡ് ഫീച്ചേഴ്സ് സിന്റിക്കേറ്റ്) തള്ളിക്കളഞ്ഞു. തുടര്ന്ന് വീണ്ടും ചില നിരാകരണങ്ങള്ക്കൊടുവിലാണ് യൂണിവേഴ്സല് പ്രസ്സ് സിന്റിക്കേറ്റ് ആ സ്ട്രിപ്പിനെ ഏറ്റെടുത്തത്.
1985 നവംബര് 18 നാണ് ആദ്യത്തെ കാല്വിന് ആന്റ് ഹോബ്സ് കാര്ട്ടൂണ് സ്ട്രിപ്പ് പുറത്തിറങ്ങിയത്. തുടര്ന്ന് വളരെപ്പെട്ടന്നായിരുന്നു പ്രശസ്തിയുടെ പടവുകള് കാല്വിനേയും ഹോബ്സിനേയും തേടി വന്നത്. ഒരു വര്ഷത്തെ സിന്റിക്കേഷന് കൊണ്ടു തന്നെ ഏതാണ്ട് 250ല് പരം പത്രങ്ങളില് ഈ സ്ട്രിപ്പ് പ്രസിദ്ധീകരിക്കപ്പെടാന് തുടങ്ങി. 1987 ഏപ്രില് 1 ആയപ്പോള്, വെറും പതിനാറു മാസം മാത്രം പ്രായമുണ്ടായിരുന്ന 'കാല്വിന് ആന്റ് ഹോബ്സ് ' ഉം ബില് വാട്ടേഴ്സണും അമേരിക്കയിലെ പ്രമുഖ പത്രമായ ലോസ് ഏയ്ഞ്ചലസ് ടൈംസില് ഫീച്ചര് ലേഖനത്തിനു വിഷയമാക്കപ്പെട്ടു. നാഷണല് കാര്ട്ടൂണിസ്റ്റ് സൊസൈറ്റിയുടെ 'ഔട്ട്സ്റ്റാന്റിങ്ങ് കാര്ട്ടൂണിസ്റ്റ് ഓഫ് ദ ഇയര്' - കാര്ട്ടൂണിസ്റ്റ് മികവിനുള്ള വാര്ഷിക പുരസ്കാരം, കാല്വിന് ആന്റ് ഹോബ്സിലൂടെ രണ്ടു തവണ ബില് വാട്ടേഴ്സണ് സ്വന്തമാക്കി. 1986ലും 1988ലുമായിരുന്നു അവ. തുടര്ന്ന് 1992ല് വീണ്ടും അതേ പുരസ്കാരത്തിന് അദ്ദേഹത്തിന്റെ പേര് നിര്ദ്ദേശിക്കപ്പെടുകയുണ്ടായി. 1988 ല് ഏറ്റവും രസകരമായ കോമിക് സ്ട്രിപ്പിനുള്ള പുരസ്കാരവും സൊസൈറ്റി അദ്ദേഹത്തിനു സമ്മാനിക്കുകയുണ്ടായി
അധിക കാലം കഴിയുന്നതിനു മുന്പു തന്നെ അമേരിക്കയ്ക്കു പുറത്തും കാല്വിനും ഹോബ്സും പ്രശസ്തരായി. കാല്വനും ഹോബ്സും പ്രസിദ്ധീകരിച്ചിരുന്ന കാലത്ത് രണ്ട് ദീര്ഘങ്ങളായ അവധിയും വാട്ടേഴ്സണ് എടുത്തിട്ടുണ്ടായിരുന്നു. 1991 മെയ് മുതല് 1992 ഫെബ്രുവരി വരെയും 1994 ഏപ്രില് മുതല് ഡിസംബര് വരെയുമായിരുന്നു ആ കാലയളവുകള്.
1995-ല് കാല്വിന് ആന്റ് ഹോബ്സിന്റെ രചന നിര്ത്തന്നതിനു മുന്നോടിയായി, ആ കാര്ട്ടൂണ് പ്രസിദ്ധീകരിച്ചിരുന്ന ലോകമൊട്ടാകെയുള്ള പത്രങ്ങള്ക്ക് വാട്ടേഴ്സണ് ഒരു കുറിപ്പു തയാറാക്കിയിരുന്നു. ഇത് തന്റെ സിന്റിക്കേറ്റ് വഴിയാണ് അദ്ദേഹം വിതരണം ചെയ്തത്.
ആ കുറിപ്പിന്റെ സ്വതന്ത്ര പരിഭാഷ താഴെ കൊടുത്തിരിക്കുന്നു.
| “ | ഞാന് കാല്വിനും ഹോബ്സും ഈ വര്ഷാവസാനത്തോടെ അവസാനിപ്പിക്കുകയാണ്. ഈ തീരുമാനം പെട്ടെന്നെടുത്തതോ എളുപ്പത്തിലുള്ളതോ അല്ല, എന്നല്ല ഈ പിരിഞ്ഞു പോക്ക് ദു:ഖകരം കൂടിയാണ്. എന്റെ താല്പര്യങ്ങള് മാറിയിരിക്കുന്നു. ചെറു പാനലുകള്ക്കുള്ളിലും ദൈനന്തിന തിരക്കുകള്ക്കുള്ളിലും എനിക്കു ചെയ്യാനാവുന്നതെല്ലാം ഞാന് ചെയ്തു എന്നു തന്നെ ഞാന് വിശ്വസിക്കുന്നു. കലാപരമായ എന്റെ താല്പര്യങ്ങളോട് ചുരുങ്ങിയ വിട്ടു വീഴ്ച മാത്രം പുലര്ത്തി, കുറേക്കൂടി ചിന്താപരമായ ഒരു വേഗത്തില് പ്രയത്നിക്കുവാന് എനിക്കു തിടുക്കമായി. ഭാവി പ്രവര്ത്തനങ്ങളെ പറ്റി ഒരു തീരുമാനത്തില് ഞാന് എത്തിയിട്ടില്ല. എന്നാല് യൂണിവേഴ്സല് പ്രസ്സ് സിന്റിക്കേറ്റുമായുള്ള എന്റെ ബന്ധം തുടരുക തന്നെ ചെയ്യും.
|
” |
1995 ഡിസംബര് 31 -നാണ് കാല്വിനും ഹോബ്സും അവസാന സ്ട്രിപ്പ് (ലക്കം : 3,160) പ്രസിദ്ധീകരിച്ചത്. കാല്വിനും ഹോബ്സും മഞ്ഞുകാലത്തിന്റെ വിസ്മയങ്ങള് കാണുന്ന ഒരു കഥാചിത്രീകരണമായിരുന്നു അത്. "ഹോബ്സേ.. ഈ ലോകം എന്തു രസമാ.. ചങ്ങാതീ.." എന്നു കാല്വിന് അതില് പറയുന്നുണ്ട്. ഒടുവിലത്തെ പാനലില് കാല്വിനും ഹോബ്സും ഒരു സ്ലെഡിലിരുന്ന് അകലേക്കു തെന്നിപ്പോകുന്നതാണ്. "വാ.. നമുക്കെല്ലാം ചുറ്റി കാണാം" എന്നു കാല്വിന് വിളിച്ചു പറയുന്നുമുണ്ട്..
[തിരുത്തുക] പ്രധാന കഥാപാത്രങ്ങള്
- കാല്വിന്
- ഹോബ്സ്
[തിരുത്തുക] സഹ കഥാപാത്രങ്ങള്
- കാല്വിന്റെ കുടുംബം
- സൂസി ഡെര്ക്കിന്സ്
- മിസ്സ് വോംവുഡ്
- റോസലിന്
- മോ
- പ്രിന്സിപ്പല് സ്പിറ്റില്
[തിരുത്തുക] അവലംബം
- ↑ Andrews McMeel Press Release. ശേഖരിച്ചത് 2006-05-03.
[തിരുത്തുക] തുടര് വായന
- Chris Suellentrop. "The last great newspaper comic strip", Slate magazine, November 7, 2005.
- James Renner. "Missing! Calvin and Hobbes creator Bill Watterson.", Cleveland Scene, November 26, 2003.
- Neely Tucker. "The Tiger Strikes Again", The Washington Post, October 4, 2005.
[തിരുത്തുക] പുറത്തേക്കുള്ള കണ്ണികള്
Official sites
- CalvinAndHobbes.com: The Official Calvin and Hobbes site at GoComics
- Official Calvin and Hobbes Publicity site at Andrews McMeel Publishing
Fan sites
- Calvin and Hobbes :: Magic on Paper
- CaHA - The Calvin and Hobbes Album
- The Calvin and Hobbes Online Museum
- Cool Calvin and Hobbes Collection
- Calvin and Hobbes at the Open Directory Project
Multimedia
- Radio show in which fans of the comic strip express their views about the ending of Calvin and Hobbes (mp3). CBC Canada (1995).
- Review of The Complete Calvin and Hobbes featuring an interview with Bill Watterson's editor Lee Salem (Real, Windows Media). NPR (2005).
- In Search of Bill Watterson: A podcast interview with Bill Watterson's mother (mp3). Jawbone Radio (2005).
| Calvin and Hobbes by Bill Watterson |
|---|
| Characters |
| Calvin | Hobbes | Secondary characters | Calvin's alter egos |
| Terms and objects |
| Recurring themes | Horrendous Space Kablooie | Transmogrifier |
| Other |
| Calvin and Hobbes in translation | List of Calvin and Hobbes books |
