ഇന്ത്യയിലെ തമിഴ്‌നാട്ടിലെ മയിലാടുതുറൈ ജില്ലയിൽ അചൽപുരത്ത് സ്ഥിതി ചെയ്യുന്ന ഒരു ഹിന്ദു ക്ഷേത്രമാണ് ആച്ചാൽപുരം ശിവലോകത്യാഗർ ക്ഷേത്രം.[1] ശിവലോകത്യാഗർ എന്നറിയപ്പെടുന്ന ശിവനാണ് ഇവിടത്തെ പ്രതിഷ്ഠ. അദ്ദേഹത്തിന്റെ പത്നി പാർവ്വതി തിരുവെണ്ണേട്രു ഉമൈഅമ്മായി എന്നാണ് അറിയപ്പെടുന്നത്.
തമിഴ് ശൈവനായ നായനാർ തിരുജ്ഞാനസംബന്ധാർ രചിച്ച മധ്യകാലത്തിലെ തേവാരം കവിതകളിൽ പ്രകീർത്തിക്കപ്പെട്ടിട്ടുള്ള 275 പാടൽ പെട്ര സ്ഥലങ്ങളിലെ - ശിവ ക്ഷേത്രങ്ങളിൽ ഒന്നാണിത്. സമ്ബന്തരുടെ ചൈതന്യം ദേവനുമായി ലയിച്ച സ്ഥലമാണ് ഈ ക്ഷേത്രമെന്ന് വിശ്വസിക്കപ്പെടുന്നു.[2] സംബന്ദർ ഇവിടെ വെച്ചാണ് മുക്തി നേടിയതെന്നാണ് വിശ്വാസം. തിരുനീലകണ്ഠ യജ്‌പാനാർ, മദംഗ സൂദാമണി, തിരുനീലനക്ക നായനാർ, മുരുക നായനാർ തുടങ്ങിയ നിരവധി സന്യാസിമാരും ഇവിടെ മോക്ഷം പ്രാപിച്ചു. കാവേരി നദിയുടെ തീരത്ത് നിർമ്മിച്ച ക്ഷേത്രങ്ങളിലൊന്നായാണ് ഈ ക്ഷേത്രം കണക്കാക്കുന്നത്.[3]
