സതീഷ് കെ. സതീഷ്

ഇംഗ്ലീഷ് വിലാസം

https://ml.wikipedia.org/wiki/Satheesh_K._Satheesh

കേരളത്തിലെ പ്രശസ്ത നാടകകൃത്തുക്കളിലൊരാളാണ് സതീഷ് കെ. സതീഷ്. ഇരുപതുവർഷത്തിലധികമായി ഇദ്ദേഹം മലയാളനാടകരംഗത്ത് പ്രവർത്തിക്കുന്നുണ്ട്. ഇദ്ദേഹത്തിന് കേരള സാഹിത്യ അക്കാദമി പുരസ്കാരം, ഇടശ്ശേരി പുരസ്കാരം തുടങ്ങി ധാരാളം പുരസ്കാരങ്ങൾ ലഭിച്ചിട്ടുണ്ട്. ഇദ്ദേഹം കഥാരചന, ചലച്ചിത്രങ്ങളിലും ടെലിവിഷനിലും തിരക്കഥാരചന എന്നീ മേഘ‌ലകളിലും പ്രവർത്തിക്കുന്നുണ്ട്.

എൺപതുകളിലും തൊണ്ണൂറുകളിലും രംഗത്തെത്തിയ യുവ നാടകപ്രവർത്തകരുടെ കൂട്ടത്തിൽ ഇദ്ദേഹവും ഉൾപ്പെടുന്നു. നാടകത്തിന്റെ ഭാഷയിൽ നവീകരണം ആവശ്യമുണ്ട് എന്ന് വിശ്വസിക്കുന്നയാളാണിദ്ദേഹം.

ജീവിതരേഖ

കോഴിക്കോട് എരഞ്ഞിപ്പാലത്താണ് ഇദ്ദേഹം ജനിച്ചത്. കോഴിക്കോട് കാഴ്ച്ച് തിയേറ്റർ ഗ്രൂപ്പിന്റെ സ്ഥാപകാംഗമാണ് ഇദ്ദേഹം. കഥാകൃത്ത് കൂടിയായ ഇദ്ദേഹം ടി.വി., ചലച്ചിത്രം തുടങ്ങിയ മാദ്ധ്യമങ്ങൾക്കുവേണ്ടിയും രചന സംവിധാനം എന്നീ മേഘകളിൽ പ്രവർത്തിച്ചിട്ടുണ്ട്. വിനീതയാണ് ഭാര്യ. ആദിത്ത്, അഥീന എന്നിവരാണ് മക്കൾ.

ഇദ്ദേഹം കോഴിക്കോട് മേധ ബുക്ക്സിന്റെ എഡിറ്റർ ഇൻ ചാർജ്ജ് ആണ്.

പുരസ്കാരങ്ങൾ

• കേരള സാഹിത്യ അക്കാദമി പുരസ്കാരം (പദപ്രശ്നങ്ങൾക്കിടയിൽ അവളും അയാളും എന്ന നാടകത്തിന്)
• ഇടശ്ശേരി പുരസ്കാരം (റോസ്മേരി പറയാതിരുന്നത് എന്ന നാടകത്തിന്)
• ബഹറിൻ കേരള ആർട്ട്സ് സെന്റർ അവാർഡ്
• കലാഷാർജ അവാർഡ്
• ചെറുകാട് അവാർഡ്
• ശക്തി അവാർഡ്

കൃതികൾ

നാടകങ്ങൾ

• ദി മാസ്ക്, അഥവാ അഭിനന്ദനങ്ങൾ കൊണ്ട് എങ്ങനെ വിശപ്പുമാറ്റാം
• കൊച്ചുസ്വപ്നങ്ങളുടെ തമ്പുരാൻ (ദി ഗോഡ് ഓഫ് സ്മോൾ തിങ്ങ്സ് എന്ന കൃതിയെ അവലംബിച്ചുള്ള രചിതപാഠം)
• പദപ്രശ്‌നങ്ങൾക്കിടയിൽ അവളും അയാളും
• മുത്തശ്ശികഥ
• റോസ്‌മേരി പറയാനിരുന്നത്‌
• ഇലകൾ മഞ്ഞ പൂക്കൾ പച്ച
• ചെമ്പൻപ്ലാവ്
• അവൾ
• പൂമ്പാറ്റകളുടെ വീട്

എഡിറ്റ് ചെയ്ത പുസ്തകങ്ങൾ

• നാടകകാലം
• വായനയുടെ രസതന്ത്രം
• തിയേറ്റർ ടെക്‌സ്‌റ്റ്‌
• യുവജനോത്സവ നാടകങ്ങൾ.
• കളിവീട്‌

നോവൽ

• ചെറിയ ചെറിയ മഴസ്‌പർശങ്ങൾ
• മഴവില്ലിന്റെ മനസ്സ്‌
• ചിറക്‌
• കളിവീട്‌

പുറത്തേയ്ക്കുള്ള കണ്ണികൾ

• അരങ്ങും അണിയറയും ഉണരുന്നു; നാടകം ഇവിടെ ഭദ്രം വർഷകാലം ബ്ലോഗ് പോസ്റ്റ്