വ്ലാഡിമിര് നബക്കോവ്
വിക്കിപീഡിയ, ഒരു സ്വതന്ത്ര വിജ്ഞാനകോശം.
| വ്ലാദിമിര് വ്ലാദിമിറോവിച്ച് നബക്കോവ് | |
|---|---|
 |
|
| തൊഴില് | നോവലിസ്റ്റ്, lepidopterist, പ്രൊഫസര് |
| സാഹിത്യ പ്രസ്ഥാനം | ആാധുനികത, ഉത്തരാധുനികത |
|
Influences
|
|
|
Influenced
|
|
വ്ലാദിമിര് വ്ലാദിമിറോവിച്ച് നബക്കോവ് (റഷ്യന്: Влади́мир Влади́мирович Набо́ков) (ജനനം: 1899 ഏപ്രില് 23, മരണം: 1977 ജൂലൈ 2), ഒരു റഷ്യന്-അമേരിക്കന് സാഹിത്യകാരനായിരുന്നു. അദ്ദേഹത്തിന്റെ ആദ്യകാല സാഹിത്യ സംഭാവനകള് റഷ്യന് ഭാഷയിലായിരുന്നു. എങ്കിലും ഇംഗ്ലീഷ് ഭാഷയിലെ സാഹിത്യ സംഭാവനകള് ശൈലീവല്ലഭന് എന്ന നിലയില് അദ്ദേഹത്തെ അന്താരാഷ്ട്ര പ്രശസ്തിയിലേക്കുയര്ത്തി. സാഹിത്യത്തെ കൂടാതെ ചിത്രശലഭങ്ങളുടെ ശേഖരണത്തിനും ചെസ്സ് പ്രഹേളികകള് നിര്മ്മിക്കുന്നതിനും പ്രശസ്തനായിരുന്നു നബക്കോവ്.
1955-ല് പുറത്തിറങ്ങിയ ലോലിത എന്ന പുസ്തകം ആണ് നബക്കോവിന്റെ ഏറ്റവും പ്രധാനപ്പെട്ട കൃതിയായി കണക്കാക്കപ്പെടുന്നത്. വാക്കുകള് ചാരുതയോടെ സംയോജിപ്പിക്കുവാനുള്ള അദ്ദേഹത്തിന്റെ പാടവവും വിവരണപാടവവും ഈ പുസ്തകം പ്രദര്ശിപ്പിക്കുന്നു. [1] പുഷ്കിന്റെ യെവ്ഗെനി ഒനേഗിന് എന്ന കൃതിയുടെ നാലു വാല്യങ്ങളിലായുള്ള വിവര്ത്തനം തന്റെ മറ്റൊരു പ്രധാന നേട്ടമായി അദ്ദേഹം കരുതുന്നു. എങ്കിലും ബി.ബി.സിയില് 1962-ല് സംപ്രേഷണം ചെയ്ത അഭിമുഖത്തില് അദ്ദേഹം ഇങ്ങനെ പറഞ്ഞു.
 |
ലോലിത എനിക്ക് പ്രത്യേകമായി വാത്സല്യം ഉള്ള പുസ്തകമാണ്. എന്റെ വൈകാരിക ജീവിതത്തില് നിന്നും വളരെ വിദൂരമായ, വളരെ അകന്ന ഒരു വിഷയത്തെ കൈകാര്യം ചെയ്യുന്ന ഈ പുസ്തകം രചിക്കാന് വളരെ കഠിനമായിരുന്നു . എന്റെ സംയോജന കഴിവുകള് ഉപയോഗിച്ച് ഈ പുസ്തകത്തെ സാക്ഷാത്കരിക്കാന് കഴിഞ്ഞത് എനിക്ക് ഒരു സവിശേഷമായ ആനന്ദം നല്കുന്നു. |
 |
രണ്ടുവര്ഷത്തിനു ശേഷം, 1964-ല് പ്ലേബോയ് മാസികയുമായുള്ള അഭിമുഖത്തില് അദ്ദേഹം പറഞ്ഞു,
|
|
ഞാന് ഒരിക്കലും ലോലിത രചിച്ചതോര്ത്ത് ദു:ഖിക്കില്ല. ലോലിത ഒരു സുന്ദരമായ പ്രഹേളിക നിര്മ്മിക്കുന്നതുപോലെ ആയിരുന്നു. പ്രഹേളികയും അതിന്റെ ഉത്തരവും ഒരേ സമയത്ത് നിര്മ്മിക്കുന്നു, കാരണം ഒന്ന് മറ്റൊന്നിന്റെ പ്രതിബിംബമാണ് - നിങ്ങളുടെ വീക്ഷണകോണ് അനുസരിച്ച്. എങ്കിലും ലോലിത എന്റെ മറ്റു കൃതികളെ പൂര്ണ്ണമായും മറച്ചുകളഞ്ഞു - എന്റെ ആംഗലേയ ഭാഷയിലെ കൃതികളെ എങ്കിലും: സെബാസ്റ്റ്യന് നൈറ്റിന്റെ യതാര്ത്ഥ ജീവിതം, ബെന്റ് സിനിസ്റ്റര്, എന്റെ ചെറുകഥകള്, എന്റെ ഓര്മ്മകളുടെ പുസ്തകം: എങ്കിലും ഞാന് ഇതിനെ ചൊല്ലി ലോലിതയോട് വിദ്വേഷം പുലര്ത്തുന്നില്ല. ഈ സാങ്കല്പിക കുമാരിക്ക് (നിംഫെറ്റിന്) ഒരു സവിശേഷമായ, തരളിതമായ സൗന്ദര്യമുണ്ട്. |
|
അതേ വര്ഷം തന്നെ, ലൈഫ് മാസികയുമായുള്ള അഭിമുഖത്തില് “താങ്കളെ ഏറ്റവും സന്തോഷിപ്പിച്ച പുസ്തകം എന്താണ്?” എന്ന ചോദ്യത്തിന് ഉത്തരമായി നബക്കോവ് ഇങ്ങനെ പറഞ്ഞു.
[തിരുത്തുക] ആധാരസൂചിക
|
|
എന്റെ എല്ലാ പുസ്തകങ്ങളിലും വെച്ച് ലോലിത ആണ് എനിക്ക് എഴുതിക്കഴിഞ്ഞപ്പോള് ഏറ്റവും സന്തോഷപ്രദമായ അനുഭൂതി നല്കിയത്. എന്റെ ഏറ്റവും ശുദ്ധമായ കൃതിയും ഏറ്റവും അമൂര്ത്തം ആയ കൃതിയും ഏറ്റവും ശ്രദ്ധയോടെ നിര്മ്മിച്ച കൃതിയും ആയതുകൊണ്ടാവാം ഇങ്ങനെ. ആളുകള് തങ്ങളുടെ പെണ്മക്കള്ക്ക് ലോലിത എന്ന പേര് ഇപ്പോള് ഇടാറില്ലാത്തതിന് ഉത്തരവാദി ഞാന് ആയിരിക്കാം. 1956 മുതല് പൂഡില് പെണ്പട്ടികള്ക്ക് ലോലിത എന്ന പേര് ഇട്ടതായി കേട്ടിട്ടുണ്ടെങ്കിലും മനുഷ്യര്ക്ക് ഈ പേര് ഇട്ടതായി കേട്ടിട്ടില്ല. |
|
 |
ഈ ലേഖനം അപൂര്ണ്ണമാണ്. ഇതു പൂര്ത്തിയാക്കുവാന് സഹകരിക്കുക. |
