ലേസർ പ്രിന്റർ

ഇംഗ്ലീഷ് വിലാസം

http://ml.wikipedia.org/wiki/Laser_printer

ഉയർന്ന നിലവാരമുള്ള ടെക്സ്റ്റുകളും ചിത്രങ്ങളും ഒരു കടലാസ് പ്രതലത്തിൽ പ്രിന്റ് ചെയ്യുന്നതിനായി ഉപഗോഗിക്കുന്ന കമ്പ്യൂട്ടർ പ്രിന്ററുകളെയാണ്‌ ലേസർ പ്രിന്റർ എന്ന് പറയുന്നത്.

ക്സീറോക്സ് കമ്പനിയിലെ ഗവേഷകനായ ഗാരി സ്റ്റാർക്‌വെതർ, 1969-ലാണ്‌ ലേസർ പ്രിന്റർ കണ്ടുപിടിച്ചത്.^[1]

പ്രവർത്തനം [തിരുത്തുക]

സ്ഥിത വൈദ്യുതി എന്ന തത്ത്വമാണ് ലേസർ പ്രിൻററിന് പിന്നിലുള്ളത്. എതിർ ചാർജ്ജുള്ള ആറ്റങ്ങൾ പരസ്പരം ആകർഷിക്കുന്നതുപോലെ എതിർ വൈദ്യുത മണ്ഡലങ്ങളും പരസ്പരം ആകർഷിക്കും. ഇതിനെ അടിസ്ഥാനമാക്കിയാണ് ലേസർ പ്രിൻററിൽ പ്രിൻറിങ്ങ് നടത്തുന്നത്. ഒരു ഫോട്ടോ കണ്ടക്ടീവ് ഡ്രം, ട്യൂണർ, കൺട്രോളർ, ലേസർ അസംബ്ലി, ടോണർ എന്നിവയാണ് ലേസർ പ്രിൻററിൻറെ പ്രധാന ഭാഗങ്ങൾ.

ഡ്രം [തിരുത്തുക]

ആദ്യം ഡ്രമ്മിന് ഒരു പോസിറ്റീവ് ചാർജ്ജ് നൽകും. വൈദ്യുത കറൻറ് ഒഴുകുന്ന ഒരു വയർ വഴിയായിരിക്കും ഇത് നൽകുന്നത്. കൊറോണ വയർ എന്നാണ് ഇതറിയപ്പെടുന്നത്. ചില പ്രിൻററുകളിൽ ഒരു ചാർജ്ജഡ് റോളർ ആണ് ഈ ആവശ്യത്തിനായി ഉപയോഗിക്കുന്നത്. എങ്കിലും ഇവയുടെ പ്രവർത്തനതത്വം ഒന്നു തന്നെയാണ്. ഡ്രം കറങ്ങുമ്പോൾ ഒരു ചെറിയ ലേസർ ബീം ഡിസ്ചാർജ്ജ് ചെയ്യുന്നത് വഴി പ്രിൻറ് ചെയ്യാനുള്ള വാക്കുകൾ അല്ലെങ്കിൽ ചിത്രത്തിൻറെ വൈദ്യുത ചാർജ്ജ് കൊണ്ടുള്ള ഒരു പാറ്റേൺ സൃഷ്ടിക്കുന്നു. ഇല്ക്ട്രോസ്റ്റാറ്റിക് ഇമേജ് എന്നാണ് ഇതറിയപ്പെടുന്നത്. പാറ്റേൺ രൂപവത്കരിച്ചതിന് ശേഷം ഡ്രം പോസിറ്റീവ് ചാർജ്ജുള്ള ടോണർ കൊണ്ട് കോട്ട് ചെയ്യപ്പെടുന്നു. ടോണറിന് പോസിറ്റീവ് ചാർജ്ജ് ഉള്ളതിനാൽ പ്രിൻറ് ചെയ്യാനായി ഉള്ള നെഗറ്റീവ് ചാർജ്ജ് ഉള്ള പാറ്റേണിലേക്ക് ടോണർ പറ്റിപിടിക്കുന്നു. പൌഡർ പാറ്റേണോടു കൂടിയ ഡ്രം പേപ്പറിന് മുകളിലൂടെ ചലിക്കുന്നു. ഈ പേപ്പറിന് അതിന് മുൻപു തന്നെ ഡ്രമ്മിലുള്ളതിനേക്കാൾ ശക്തിയുള്ള നെഗറ്റീവ് ചാർജ്ജ് നൽകപ്പെടുന്നു. അതുമൂലം കടലാസിന് ഡ്രമ്മിലെ പോസിറ്റീവ് ചാർജ്ജുള്ള ടോണറിനെ അതേപടി കടലാസിലേക്ക് പതിപ്പിച്ചെടുക്കാനാകും.