റ്റുപാക് ഷക്കൂര്
വിക്കിപീഡിയ, ഒരു സ്വതന്ത്ര വിജ്ഞാനകോശം.
| റ്റുപാക് ഷക്കൂര് | |
|---|---|
| പ്രമാണം:2Pac2.jpg |
|
| Background information | |
| Also known as | 2പാക്, മകവെലി |
| Born | ജൂണ് 16 1971 ഈസ്റ്റ് ഹാര്ലെം, മാന്ഹട്ടന്, ന്യൂയോര്ക്ക് നഗരം, ന്യൂയോര്ക്ക്, യുണൈറ്റഡ് സ്റ്റേറ്റ്സ് |
| Origin | ദ ബ്രോങ്സ്, ന്യൂയോര്ക്ക്, യുണൈറ്റഡ് സ്റ്റേറ്റ്സ്[1] |
| Died | സെപ്റ്റംബര് 13 1996 (പ്രായം 25) ലാസ് വെഗസ്, നെവാഡ, യുണൈറ്റഡ് സ്റ്റേറ്റ്സ് |
| Genre(s) | ഹിപ് ഹോപ് |
| Occupation(s) | റാപ്പര്, ഗാനരചയിതാവ്, അഭിനേതാവ്, റെക്കോര്ഡ് നിര്മാതാവ്, കവി, തിരക്കഥാകൃത്ത്, സാമൂഹ്യപ്രവര്ത്തകന് |
| Years active | 1990 – 1996 |
| Label(s) | ഇന്റര്സ്കോപ്, ഔട്ട് ഡ ഗുട്ട, ഡെത്ത് റോ, മകവെലി, അമാറു |
| Associated acts | ഡിജിറ്റല് അണ്ടര്ഗ്രൗണ്ട്, റിച്ചി റിച്ച്, ഡേവ് ഹൊളിസ്റ്റര്, കുറപ്റ്റ്, സ്നൂപ് ഡോഗ്, ഔട്ട്ലോസ്, ഡാസ് ഡിലിങ്കെര് |
| Website | 2paclegacy.com |
പ്രസിദ്ധനായിരുന്ന ഒരു അമേരിക്കന് റാപ് ഗായകനായിരുന്നു റ്റുപാക് അമാറു ഷക്കൂര്. 2പാക്, മകവെലി എന്നീ അപരനാമങ്ങളിലറിയപ്പട്ടിരുന്നു. വളരെയധികം വിജയം നേടിയ ഗായകന് എന്നതിനുപുറമേ റ്റുപാക് ഒരു മികച്ച നടനും സാമൂഹ്യപ്രവര്ത്തകനുമായിരുന്നു.[2] അക്രമാസക്തവും കഷ്ടപ്പാടുകള് നിറഞ്ഞതുമായ ചേരിയിലെ ജീവിതം, വര്ഗ്ഗീയത, സാമൂഹികപ്രശ്നങ്ങള്, മറ്റ് റാപ്പര്മാരുമായുള്ള തര്ക്കങ്ങള് തുടങ്ങിയവയാണ് ഇദ്ദേഹത്തിന്റെ മിക്ക പാട്ടുകളിലേയും വിഷയങ്ങള്.
[തിരുത്തുക] ജീവിതരേഖ
1971 ജൂണ് 16-ന് ന്യൂയോര്ക്ക് നഗരത്തിലെ മാന്ഹട്ടന്റെ ഭാഗമായ കിഴക്കന് ഹാര്ലെമില് ജനിച്ചു.
ഓള്ട്ടര്നെറ്റ് ഹിപ് ഹോപ് ബാന്റായ ഡിജിറ്റല് അണ്ടര്ഗ്രൗണ്ടിന്റെ റോഡിയും പശ്ചാത്തല നര്ത്തകനുമായാണ് ഷക്കൂര് സംഗീതരംഗത്തേക്കെത്തിയത്.[3][4] ആദ്യ ആല്ബമായ 2പാകാലിപ്സ് നൗ നിരൂപകരുടെ പ്രശംസ നേടിയെങ്കിലും വിവാദപരമായ വരികള്മൂലം പല തിരിച്ചടികളും നേരിടേണ്ടിവന്നു.
പല നിയമവ്യവഹാരങ്ങളില് പ്രതിയാക്കപ്പെട്ട ഷക്കൂറിന് മറ്റ് നിയമപ്രശ്നങ്ങളും നേരിടേണ്ടിവന്നു. ന്യൂയോര്ക്ക് നഗരത്തിലെ ഒരു റെക്കോര്ഡിങ് സ്റ്റുഡിയോയുടെ ലോബിയില് വച്ച് ഇദ്ദേഹത്തിന് 5 തവണ വെടിയേല്ക്കുകയും കൊള്ളയടിക്കപ്പെടുകയും ചെയ്തു. ഈ സംഭവത്തേക്കുറിച്ച് മറ്റ് പല റാപ്പര്മാര്ക്കും അറിവുണ്ടായിരുന്നുവെന്നുങ്കിലും തനിക്ക് മുന്നറിയിപ്പ് തന്നില്ലെന്ന് ഷക്കൂര് സംശയിച്ചു. ഈ വിവാദം കുപ്രസിദ്ധമായ ഈസ്റ്റ് കോസ്റ്റ്-വെസ്റ്റ് കോസ്റ്റ് ഹിപ് ഹോപ് ശത്രുതക്ക് തിരികൊളുത്തി. പിന്നീട്, ഷക്കൂര് ഒരു ലൈംഗിക പീഡനക്കേസില് കുറ്റക്കാരനായി വിധിക്കപ്പെട്ടു. 11 മാസം ജയില്ശിക്ഷ അനുഭവിച്ച ഷക്കൂര് ഒരു അപ്പീലിലൂടെ പുറത്തിറങ്ങി. ഡെത്ത് റോ റെക്കോര്ഡ്സിന്റ് സി.ഇ.ഒ. ആയ മരിയോണ് "സ്യൂജ്" നൈറ്റ് ആണ് ആ അപ്പീലിന്റെ ചെലവുകള് നടത്തിയത്. ഈ സഹായത്തിനു പകരമായി ഡെത്ത് റോ ലേബലിനു കീഴില് 3 ആല്ബങ്ങള് പുറത്തിറക്കാമെന്ന് ഷക്കൂര് സമ്മതിച്ചു.
1996 സെപ്റ്റംബര് 17-ന് ലാസ് വേഗസില് നടന്ന ഒരു ഡ്രൈവ്-ബൈ വെടിവെപ്പില് ഷക്കൂറിന് നാല് തവണ വെടിയേറ്റു. യൂണിവേഴ്സിറ്റി മെഡിക്കല് സെന്ററില് പ്രവേശിപ്പിക്കപ്പെട്ട ഷക്കൂര്, ആറ് ദിവസങ്ങള്ക്ക് ശേഷം ശ്വാസകോശ തകാരാറും ഹൃദയ സ്തംഭനവും മൂലം മരണമടഞ്ഞു.[5]
2006-ല് എം.റ്റി.വി. പ്രഖ്യാപിച്ച എക്കാലത്തെയും മികച്ച എംസികളുടെ പട്ടികയില് ഷക്കൂര് രണ്ടാം സ്ഥാനത്തിനര്ഹനായി.[6]
[തിരുത്തുക] അവലംബം
- ↑ Tupac Interviews. ശേഖരിച്ചത് 2008-07-10.
- ↑ http://www.npr.org/templates/story/story.php?storyId=6067116
- ↑ (2002). Tupac Shakur - Thug Angel (The Life of an Outlaw).
- ↑ Tupac Shakur - hotshotdigital.com
- ↑ Tupac Shakur's death certificate details reported by Cathy Scott. Retrieved on 2007-10-05.
- ↑ The Greatest MCs of All Time MTV. Retrieved on 2006-12-26
