റ്റുപാക് ഷക്കൂർ

വിക്കിപീഡിയ, ഒരു സ്വതന്ത്ര വിജ്ഞാനകോശം.
റ്റുപാക് ഷക്കൂർ
ജീവിതരേഖ
അറിയപ്പെടുന്നത് ഈ പേരിലും 2പാക്, മകവെലി
സ്വദേശം ദ ബ്രോങ്സ്, ന്യൂയോർക്ക്, യുണൈറ്റഡ് സ്റ്റേറ്റ്സ്[1]
സംഗീതശൈലി ഹിപ് ഹോപ്
തൊഴിലുകൾ റാപ്പർ, ഗാനരചയിതാവ്, അഭിനേതാവ്, റെക്കോർഡ് നിർമാതാവ്, കവി, തിരക്കഥാകൃത്ത്, സാമൂഹ്യപ്രവർത്തകൻ
സജീവമായ കാലയളവ് 1990 – 1996
റെക്കോഡ് ലേബൽ ഇന്റർസ്കോപ്, ഔട്ട് ഡ ഗുട്ട, ഡെത്ത് റോ, മകവെലി, അമാറു
Associated acts ഡിജിറ്റൽ അണ്ടർഗ്രൗണ്ട്, റിച്ചി റിച്ച്, ഡേവ് ഹൊളിസ്റ്റർ, കുറപ്റ്റ്, സ്നൂപ് ഡോഗ്, ഔട്ട്ലോസ്, ഡാസ് ഡിലിങ്കെർ
വെബ്സൈറ്റ് 2paclegacy.com

പ്രസിദ്ധനായിരുന്ന ഒരു അമേരിക്കൻ റാപ് ഗായകനായിരുന്നു റ്റുപാക് അമാറു ഷക്കൂർ. 2പാക്, മകവെലി എന്നീ അപരനാമങ്ങളിലറിയപ്പട്ടിരുന്നു. വളരെയധികം വിജയം നേടിയ ഗായകൻ എന്നതിനുപുറമേ റ്റുപാക് ഒരു മികച്ച നടനും സാമൂഹ്യപ്രവർത്തകനുമായിരുന്നു.[2] അക്രമാസക്തവും കഷ്ടപ്പാടുകൾ നിറഞ്ഞതുമായ ചേരിയിലെ ജീവിതം, വർഗ്ഗീയത, സാമൂഹികപ്രശ്നങ്ങൾ, മറ്റ് റാപ്പർമാരുമായുള്ള തർക്കങ്ങൾ തുടങ്ങിയവയാണ് ഇദ്ദേഹത്തിന്റെ മിക്ക പാട്ടുകളിലേയും വിഷയങ്ങൾ.

ജീവിതരേഖ[തിരുത്തുക]

1971 ജൂൺ 16-ന് ന്യൂയോർക്ക് നഗരത്തിലെ മാൻഹട്ടന്റെ ഭാഗമായ കിഴക്കൻ ഹാർലെമിൽ ജനിച്ചു.

ഓൾട്ടർനെറ്റ് ഹിപ് ഹോപ് ബാന്റായ ഡിജിറ്റൽ അണ്ടർഗ്രൗണ്ടിന്റെ റോഡിയും പശ്ചാത്തല നർത്തകനുമായാണ് ഷക്കൂർ സംഗീതരംഗത്തേക്കെത്തിയത്.[3][4] ആദ്യ ആൽബമായ 2പാകാലിപ്സ് നൗ നിരൂപകരുടെ പ്രശംസ നേടിയെങ്കിലും വിവാദപരമായ വരികൾമൂലം പല തിരിച്ചടികളും നേരിടേണ്ടിവന്നു.

പല നിയമവ്യവഹാരങ്ങളിൽ പ്രതിയാക്കപ്പെട്ട ഷക്കൂറിന് മറ്റ് നിയമപ്രശ്നങ്ങളും നേരിടേണ്ടിവന്നു. ന്യൂയോർക്ക് നഗരത്തിലെ ഒരു റെക്കോർഡിങ് സ്റ്റുഡിയോയുടെ ലോബിയിൽ വച്ച് ഇദ്ദേഹത്തിന് 5 തവണ വെടിയേൽക്കുകയും കൊള്ളയടിക്കപ്പെടുകയും ചെയ്തു. ഈ സംഭവത്തേക്കുറിച്ച് മറ്റ് പല റാപ്പർമാർക്കും അറിവുണ്ടായിരുന്നുവെന്നുങ്കിലും തനിക്ക് മുന്നറിയിപ്പ് തന്നില്ലെന്ന് ഷക്കൂർ സംശയിച്ചു. ഈ വിവാദം കുപ്രസിദ്ധമായ ഈസ്റ്റ് കോസ്റ്റ്-വെസ്റ്റ് കോസ്റ്റ് ഹിപ് ഹോപ് ശത്രുതക്ക് തിരികൊളുത്തി. പിന്നീട്, ഷക്കൂർ ഒരു ലൈംഗിക പീഡനക്കേസിൽ കുറ്റക്കാരനായി വിധിക്കപ്പെട്ടു. 11 മാസം ജയിൽശിക്ഷ അനുഭവിച്ച ഷക്കൂർ ഒരു അപ്പീലിലൂടെ പുറത്തിറങ്ങി. ഡെത്ത് റോ റെക്കോർഡ്സിന്റ് സി.ഇ.ഒ. ആയ മരിയോൺ "സ്യൂജ്" നൈറ്റ് ആണ് ആ അപ്പീലിന്റെ ചെലവുകൾ നടത്തിയത്. ഈ സഹായത്തിനു പകരമായി ഡെത്ത് റോ ലേബലിനു കീഴിൽ 3 ആൽബങ്ങൾ പുറത്തിറക്കാമെന്ന് ഷക്കൂർ സമ്മതിച്ചു.

1996 സെപ്റ്റംബർ 17-ന് ലാസ് വേഗസിൽ നടന്ന ഒരു ഡ്രൈവ്-ബൈ വെടിവെപ്പിൽ ഷക്കൂറിന് നാല് തവണ വെടിയേറ്റു. യൂണിവേഴ്സിറ്റി മെഡിക്കൽ സെന്ററിൽ പ്രവേശിപ്പിക്കപ്പെട്ട ഷക്കൂർ, ആറ് ദിവസങ്ങൾക്ക് ശേഷം ശ്വാസകോശ തകാരാറും ഹൃദയ സ്തംഭനവും മൂലം മരണമടഞ്ഞു.[5]

2006-ൽ എം.റ്റി.വി. പ്രഖ്യാപിച്ച എക്കാലത്തെയും മികച്ച എംസികളുടെ പട്ടികയിൽ ഷക്കൂർ രണ്ടാം സ്ഥാനത്തിനർഹനായി.[6]

അവലംബം[തിരുത്തുക]

  1. "Tupac Interviews". ശേഖരിച്ചത് 2008-07-10.  Unknown parameter |Publisher= ignored (|publisher= suggested) (സഹായം)
  2. http://www.npr.org/templates/story/story.php?storyId=6067116
  3. (2002). Tupac Shakur - Thug Angel (The Life of an Outlaw).
  4. Tupac Shakur - hotshotdigital.com
  5. Tupac Shakur's death certificate details reported by Cathy Scott. Retrieved on 2007-10-05.
  6. The Greatest MCs of All Time MTV. Retrieved on 2006-12-26
"http://ml.wikipedia.org/w/index.php?title=റ്റുപാക്_ഷക്കൂർ&oldid=1766399" എന്ന താളിൽനിന്നു ശേഖരിച്ചത്