മൗലാന വഹീദുദ്ദീൻ ഖാൻ

വിക്കിപീഡിയ, ഒരു സ്വതന്ത്ര വിജ്ഞാനകോശം.
മൗലാന വഹീദുദ്ദീൻ ഖാൻ
ജനനം 1925 ജനുവരി 1(1925-01-01)
Azamgarh, ഉത്തർപ്രദേശ്, ഇന്ത്യ
തൊഴിൽ ഇസ്ലാമിക പണ്ഡിതനും,പ്രഭാഷകനും ഗ്രന്ഥകാരനും
രചനാ സങ്കേതം ഇസ്ലാമിക സാഹിത്യം
പ്രധാന കൃതികൾ തഥ്കിറുൽ ഖുർ‌ആൻ

ഇന്ത്യയിലെ ഒരു ഇസ്ലാമിക പണ്ഡിതനാണ്‌ മൗലാന വഹീദുദ്ദീൻ ഖാൻ.[1] പത്മഭൂഷൺ അവാർഡ് ഉൾപ്പെടെ ദേശീയ, അന്തർദേശീയ അംഗീകാരങ്ങൾ നേടിയിട്ടുള്ള വഹീദുദ്ദീൻ ഖാൻ ഒരു മികച്ച ഗ്രന്ഥകാരൻ കൂടിയാണ്‌.[2] ഖുർ‌ആന്റെ ലളിതവും സമകാലികവുമായ ഇംഗ്ലീഷ് വിവർത്തനം രചിചിട്ടുണ്ട് അദ്ദേഹം.[3] ഇ.ടി.വി ഉർദു,ബ്രിഡ്ജസ് ടി.വി.,ഐ.ടി.വി ,ക്യു ടി.വി.,ആജ് ടി.വി., തുടങ്ങിയ ടി.വി ചാനലുകൾക്ക് വേണ്ടി പ്രഭാഷണങ്ങൾ നടത്തിവരുന്നു ഇപ്പോൾ അദ്ദേഹം.[4] മില്ലിഗസറ്റ് പത്രാധിപരും പ്രമുഖ പണ്ഡിതനുമായ സഫറുൽ ഇസ്ലാം ഖാൻ, വഹീദുദ്ദീൻ ഖാന്റെ പുത്രനാണ്‌.

ജീവിതം[തിരുത്തുക]

1925 ൽ ഉത്തർപ്രദേശിലെ അസംഗഡിലാണ്‌ വഹീദുദ്ദീൻ ഖാൻ ജനിച്ചത്.[5] പരമ്പരാഗത ഇസ്ലാമിക പാഠശാലയിൽ നിന്ന് ബിരുദം നേടിയ അദ്ദേഹം മാഗസിനുകളിലും മറ്റും ലേഖനങ്ങൾ എഴുതുമായിരുന്നു. 1970 ൽ ഡൽഹിയിൽ ഒരു ഇസ്ലാമിക് സെന്റർ സ്ഥാപിച്ചു. 1976 അർ‌-രിസാല എന്നൊരു ഉർദു മാഗസിൻ പ്രസിദ്ധീകരണം ആരംഭിച്ചു. പ്രധാനമായും അദ്ദേഹത്തിന്റെ തന്നെ രചനകളായിരുന്നു ഇവയിൽ കൂടുതലായും വെളിച്ചം കണ്ടത്. ഇതേ മാഗസിന്റെ ഇംഗ്ലീഷ് പതിപ്പ് 1984 ഫെബ്രുവരിയിലും ഹിന്ദി പതിപ്പ് 1990 ഡിസംബറിലും തുടങ്ങുകയുണ്ടായി. "ഹൈജാക്കിംഗ്-എ ക്രൈം" [6] , "റൈറ്റ്സ് ഓഫ് വുമൺ ഇൻ ഇസ്ലാം",[7] "ദ കൺസപ്റ്റ് ഓഫ് ചാരിറ്റി ഇൻ ഇസ്ലാം"[8] , ദ കൺസപ്റ്റ് ഓഫ് ജിഹാദ്".[9] എന്നിവ അദ്ദേഹത്തിന്റെ ശ്രദ്ധേയങ്ങളായ ലേഖനങ്ങളാണ്‌. അദ്ദേഹത്തിന്റെ പല പുസ്തകങ്ങളും ലേഖനങ്ങളും മലയാളത്തിലും പ്രസിദ്ധീകരിക്കപ്പെട്ടിട്ടുണ്ട്

കാഴ്ചപ്പാട്[തിരുത്തുക]

മുസ്ലിംകൾ തങ്ങളുടെ പ്രശ്നങ്ങളെ അസുഖകരവും അനാവശ്യവുമായ സാഹചര്യങ്ങളായി പരിഗണിക്കാതെ അവയെ ഭാവാത്മകമായി കാണുകയും ഒരു വെല്ലുവിളിയായി സ്വീകരിച്ച് അതിനെ മറികടക്കാൻ ശ്രമിക്കുകയുമാണ്‌ വേണ്ടത്.[10]

കൃതികൾ[തിരുത്തുക]

വഹീദുദ്ദീൻ ഖാന്റെ തിരഞെടുത്ത ഏതാനും കൃതികൾ [11]:

  • ദ പ്രൊഫറ്റ് ഓഫ് പീസ്
  • ദ ഖുർ‌ആൻ എ ന്യൂ ട്രാൻസ്ലേഷൻ
  • എ ട്രഷറി ഓഫ് ദ ഖുർ‌ആൻ
  • തഥ്കിറുൽ ഖുർ‌ആൻ
  • ഇന്ത്യൻ മുസ്ലിംസ്: ദി നീഡ് ഫോർ എ പോസിറ്റീവ് ഔട്ട്‌ലുക്
  • ഇൻ‌ട്രഡ്യൂസിംഗ് ഇസ്ലാം:എ സിമ്പിൾ ഇൻ‌ട്രോടക്ഷൻ ടു ഇസ്ലാം
  • ഇസ്ലാം റീഡിസ്കവേർഡ്: ഡിസ്കവറിംഗ് ഇസ്ലാം ഫ്രം ഇറ്റ്സ് ഒറിജിനൽ സോർസ്
  • ഇസ്ലാം ആന്റ് പീസ്
  • ഇസ്ലാം:ക്രീയേറ്റർ ഓഫ് ദ മോഡേൺ ഏജ്
  • വേർഡ്സ് ഓഫ് പ്രൊഫറ്റ് മുഹമ്മദ്

പുരസ്കാരങ്ങൾ[തിരുത്തുക]

  • പതിനെട്ടാമത് രാജീവ് ഗാന്ധി സദ്ഭാവന പുരസ്കാരം (2010)[12]
  • പത്മഭൂഷൺ പുരസ്കാരം
  • ഡെമിർഗസ് പീസ് ഇന്റർ നാഷണൽ അവാർഡ്- മുൻ റഷ്യൻ പ്രധാനമന്ത്രി മിഖായേൽ ഗോർബച്ചേവിന്റെ അംഗീകാരത്തോടെയുള്ള പുരസ്‌കാരം
  • നാഷണൽ സിറ്റിസൺ അവാർഡ്-മദർ തെരേസ സമ്മാനിച്ചത്

അവലംബം[തിരുത്തുക]

അധിക വായനക്ക്[തിരുത്തുക]

"http://ml.wikipedia.org/w/index.php?title=മൗലാന_വഹീദുദ്ദീൻ_ഖാൻ&oldid=1751589" എന്ന താളിൽനിന്നു ശേഖരിച്ചത്