മഡോണ ആന്റ് ചൈൽഡ് വിത്ത് സെയിന്റ്സ് ലൂക്ക്ആന്റ് കാതറിൻ ഓഫ് അലക്സാണ്ട്രിയ
| Madonna and Child with Saints Luke and Catherine of Alexandria | |
|---|---|
 | |
| കലാകാരൻ | Titian |
| വർഷം | around 1560 |
| Medium | Oil on canvas |
| അളവുകൾ | 127.8 cm × 169.7 cm (4.19 ft × 5.57 ft) |
പതിനാറാം നൂറ്റാണ്ടിലെ വെനീഷ്യൻ സ്കൂൾ ഇറ്റാലിയൻ ചിത്രകാരന്മാരിൽ പ്രമുഖനായിരുന്ന ടിഷ്യൻ വെസല്ലി 1560-ൽ ചിത്രീകരിച്ച ഒരു എണ്ണഛായാചിത്രമാണ് വിശുദ്ധ സംഭാഷണം (Holy Conversation) എന്നും അറിയപ്പെടുന്ന മഡോണ ആന്റ് ചൈൽഡ് വിത്ത് സെയിന്റ്സ് ലൂക്ക് ആന്റ് കാതറിൻ ഓഫ് അലക്സാണ്ട്രിയ. അദ്ദേഹത്തിന്റെ മഡോണയുടെയും കുട്ടിയുടെയും കാനോനിക്കൽ ചിത്രങ്ങളുടെ നിരവധി പതിപ്പുകളിൽ ഒന്നാണിത്. 2011-ൽ, ഈ ചിത്രം ടിഷ്യന്റെ ചിത്രങ്ങളുടെ എക്കാലത്തെയും ഉയർന്ന ലേല വില 16.9 ദശലക്ഷം ഡോളർ നേടി.[1] 1977-ൽ ഭർത്താവ് അന്തരിച്ചതിനെ തുടർന്ന് ഹെൻസ് കിസ്റ്റേഴ്സിൽ നിന്ന് പാരമ്പര്യമായി ലഭിച്ച വസ്തുക്കളുടെ കൂട്ടത്തിൽ ലഭിച്ച ഈ ചിത്രത്തിന്റെ ഉടമ ജെർലിൻഡ കിസ്റ്റേഴ്സാണ് അവസാനം കൈവശമുണ്ടായിരുന്ന ഈ ചിത്രം വിറ്റത്.[2]
വിവരണം[തിരുത്തുക]
ടിഷ്യൻ തന്റെ കലാപരമായ കഴിവുകളുടെയും പ്രശസ്തിയുടെയും ഉന്നതിയിൽ ആയിരുന്നപ്പോൾ ചിത്രീകരിച്ച പക്വതയാർന്ന ഒരു ചിത്രമാണ് മഡോണ ആന്റ് ചൈൽഡ് വിത്ത് സെയിന്റ്സ് ലൂക്ക്ആന്റ് കാതറിൻ ഓഫ് അലക്സാണ്ട്രിയ. ക്രിസ്തുവിനെ കളിച്ചുകൊണ്ടിരിക്കുന്ന ഒരു കുഞ്ഞായി ചിത്രീകരിച്ചിരിക്കുന്നു, കാതറിനു നേരെ കൈകൾ നീട്ടി മുന്നോട്ട് നീങ്ങുമ്പോൾ അല്പം സമനില മാറി കുഞ്ഞ് സൗമ്യമായി കാതറിനു നേരെ ചായുന്നു.[3]
ടിഷ്യന്റെ വെനീസ് ചിത്രശാലയിലെ അംഗങ്ങൾ ഒരുപക്ഷേ തിരശ്ശീലയും ലൂക്കും വരച്ചതായിരിക്കാം, കാരണം ആ ഭാഗങ്ങളുടെ ഗുണനിലവാരം കുറവാണ്.[4]
ചരിത്രം[തിരുത്തുക]
1560 ഓടെയാണ് ഈ ചിത്രം വരച്ചത്. പ്രദർശനങ്ങളിലോ ലേലങ്ങളിലോ വളരെ അപൂർവമായി മാത്രമേ ചിത്രം പ്രത്യക്ഷപ്പെട്ടിരുന്നുള്ളൂ. കലാകാരന്റെ സുഹൃത്തായ പാദുവയിലെ ഡോണ്ടി ഡെൽ ഒറോളജിയോയുടെ കുടുംബത്തിന് വേണ്ടിയാണ് ഈ ചിത്രം വരച്ചതെന്ന് പറയപ്പെടുന്നു. 1970 കളുടെ അവസാനം മുതൽ 2011-ൽ ലേലത്തിന് വാഗ്ദാനം ചെയ്യുന്നതുവരെ ഇത് പൊതുവായി പ്രദർശിപ്പിച്ചിരുന്നില്ല.[3]1793 മുതൽ 1797 വരെ ബ്രിട്ടീഷ് റെസിഡന്റ് ഓഫ് വെനീസ് ആയി ഇറ്റലിയിൽ താമസിക്കുമ്പോൾ സർ റിച്ചാർഡ് വോർസ്ലി ചിത്രം വാങ്ങുന്നതുവരെ ഈ ചിത്രം ഡോണ്ടി ഡെൽ ഒറോളജിയോ കുടുംബത്തിൽ തുടർന്നു. [5] ചിത്രം ഇംഗ്ലണ്ടിലേക്ക് തിരികെ കൊണ്ടുപോകുന്ന കപ്പൽ ഒരു ഫ്രഞ്ച് സ്വകാര്യവ്യക്തി പിടിച്ചെടുത്തതിനെ തുടർന്ന് അന്നത്തെ മാഡ്രിഡിലെ നെപ്പോളിയൻ അംബാസഡറായിരുന്ന ലൂസിയൻ ബോണപാർട്ടാണ് ഈ ചിത്രം സ്വന്തമാക്കിയത്.[6]
1814 ആയപ്പോഴേക്കും ഇംഗ്ലണ്ടിലെ നാലുവർഷത്തെ പ്രവാസത്തിനുശേഷം, ലൂസിയൻ ബോണപാർട്ടെ വർദ്ധിച്ചുവരുന്ന സാമ്പത്തിക ബുദ്ധിമുട്ടുകൾ നേരിടുകയും ലണ്ടനിലെ ലേലത്തിൽ ചിത്രം വിൽക്കുകയും ചെയ്തു. കൺസർവേറ്റീവ് രാഷ്ട്രീയക്കാരനും ധനകാര്യജ്ഞനും ബാങ്ക് ഓഫ് ഇംഗ്ലണ്ടിന്റെ ഗവർണറുമായ സർ ജോൺ റേ റീഡിന്റെ സ്വത്തായി ഈ ചിത്രം മാറി. 1936 ആയപ്പോഴേക്കും, വിവാഹത്തിലൂടെയും അനന്തരാവകാശത്തിലൂടെയും, ചിത്രം ഇംഗ്ലണ്ടിലെ ഹെർട്ട്‌ഫോർഡ്ഷയറിലെ പാൻഷാംഗർ എസ്റ്റേറ്റിന്റെ ഭാഗമായിത്തീർന്നു. ബാരന്റെയും ലേഡി ഡെസ്ബറോയുടെയും ഉടമസ്ഥതയിലുള്ള എസ്റ്റേറ്റ് ഗാലറിയിൽ തൂക്കിയിട്ടു. എട്ടി ഡെസ്ബറോ [7] അവരുടെ പ്രായത്തിലെ ഏറ്റവും പ്രശസ്തമായ കുലീനജനങ്ങളുടെ ആതിഥേയ ആയിരുന്നു. ഹെൻ‌റി ഇർ‌വിംഗ്, വീറ്റ സാക്ക്വില്ലെ-വെസ്റ്റ്, എഡ്വേർഡ് ഏഴാമൻ, എച്ച്. ജി. വെൽസ്, എഡിത്ത് വാർ‌ട്ടൺ, ഓസ്കാർ വൈൽഡ് എന്നിവരുൾപ്പെടെ "ദ സോൾസ്" എന്നറിയപ്പെടുന്ന ഡെസ്ബറോ വസതിയിൽ പ്രശസ്തരായ പ്രഭുക്കന്മാരുടെയും രാഷ്ട്രീയ, സാഹിത്യകാരന്മാരുടെയും കൂടികാഴ്ചകൾ അവർ പതിവായി നടത്തിയിരുന്നു.
ലേഡി ഡെസ്ബറോയ്ക്ക് മൂന്ന് ആൺമക്കളും ഒരു മകളുമുണ്ടായിരുന്നുവെങ്കിലും പാൻ‌ഷാംഗറിന്റെ മഹത്തായ കലാസമാഹാരത്തിന്റെ തുടർച്ചയും അതിജീവനവും സുരക്ഷിതമാണെന്ന് തോന്നിയെങ്കിലും, അവരുടെ രണ്ട് ആൺമക്കൾ ഒന്നാം ലോകമഹായുദ്ധത്തിൽ കൊല്ലപ്പെടുകയും മൂന്നാമത്തേത് 1926-ൽ ഒരു വാഹനാപകടത്തിൽ കൊല്ലപ്പെടുകയും ചെയ്തു. എസ്റ്റേറ്റിന്റെ വ്യക്തമായ അവകാശികളൊന്നും അവശേഷിച്ചിരുന്നില്ല. 1952 മെയ് മാസത്തിൽ അവരുടെ മരണശേഷം, പാൻ‌ഷാംഗറിനെ ഒരു പൊളിച്ചുനീക്കൽ കരാറുകാരന് 17,750 ഡോളറിന് വിൽക്കുകയും പിന്നീട് നശിപ്പിക്കുകയും ചെയ്തു. കലാസമാഹാരത്തിന്റെ ഒരു ഭാഗം 1931-ൽ ആറാമത്തെ വിസ്‌കൗണ്ട് ഗേജിനെ വിവാഹം കഴിച്ച ലേഡി ഡെസ്ബറോയുടെ മകൾ ലേഡി ഇമോഗന് കൈമാറി. എന്നിരുന്നാലും, ഹോളി കോൺവെർസേഷൻ ഉൾപ്പെടെ പാൻ‌ഷാംഗറിലെ മിക്ക ചിത്രങ്ങളും 1954-ൽ ക്രിസ്റ്റീസിൽ ലേലം ചെയ്യപ്പെട്ടു.
ക്രിസ്റ്റിയുടെ ലേലത്തിൽ ചിത്രം വാങ്ങിയ ന്യൂയോർക്ക് ആർട്ട് ഡീലർമാരിൽ നിന്ന് 1956-ൽ സ്വിറ്റ്സർലൻഡിൽ താമസിക്കുന്ന ജർമ്മൻ വ്യവസായിയായ ഹൈൻസ് കിസ്റ്റേഴ്സ്, ചിത്രം സ്വന്തമാക്കി. 1977-ൽ അദ്ദേഹം മരിച്ചപ്പോൾ ചിത്രം അദ്ദേഹത്തിന്റെ വിധവയായ ഗെർലിൻഡ കിസ്റ്റേഴ്സിന്റെ സ്വത്തായി മാറി.
2011-ൽ, ഹൈൻസ് കിസ്റ്റേഴ്സിന്റെ ശേഖരത്തിലെ കലാസൃഷ്ടികളെ പ്രോത്സാഹിപ്പിക്കുകയും സംരക്ഷിക്കുകയും ചെയ്യുന്ന സോതെബിസ് ഹൈൻസ് കിസ്റ്റേഴ്സ് ഫൗണ്ടേഷനുവേണ്ടി ന്യൂയോർക്കിൽ നടന്ന ലേലത്തിൽ ചിത്രം വിറ്റു.[8]
ടിഷ്യന്റെ ചിത്രങ്ങളുടെ ഏറ്റവും ഉയർന്ന ലേല വില 16.9 ദശലക്ഷം ഡോളർ ഈ ചിത്രം നേടി. 2011 ജനുവരി 28 ന് ഇത് ഒരു യൂറോപ്യൻ ടെലിഫോൺ ബിഡ്ഡറിന് സോതെബീസ് ഈ ചിത്രം വിറ്റു.[9]
ചിത്രകാരനെക്കുറിച്ച്[തിരുത്തുക]
പതിനാറാം നൂറ്റാണ്ടിലെ വെനീഷ്യൻ സ്കൂൾ ചിത്രകാരന്മാരിൽ പ്രമുഖനായിരുന്ന പ്രമുഖ ഇറ്റാലിയൻ ചിത്രകാരനായിരുന്നു ടിഷ്യൻ. മൈക്കലാഞ്ജലൊയോടൊപ്പം ഇദ്ദേഹം ഇറ്റാലിയൻ ചിത്രകലയുടെ പ്രശസ്തി വർദ്ധിപ്പിച്ചു. ടിഷ്യൻ വെനിഷ്യൻ ചിത്രകലാവിദഗ്ദ്ധനായിരുന്ന ജിയോവന്നി ബെല്ലിനിയുടെ കീഴിൽ പരിശീലനം നേടിയിരുന്നതായി കരുതപ്പെടുന്നു. ക്ലാസ്സിക്കൽ കലയുടെയും മൈക്കലാഞ്ജലോയുടെയും സ്വാധീനത്താൽ ടിഷ്യന്റെ ചിത്രങ്ങളിൽ പ്രകടമായ പരിവർത്തനം വന്നുചേർന്നു. നിറക്കൂട്ടുകളുടെ നിയന്ത്രണവും നൂതനത്വവും ടിഷ്യൻ ചിത്രങ്ങളുടെ സവിശേഷതയായി മാറിയിരുന്നു.
അവലംബം[തിരുത്തുക]
- ↑ "Titian painting sells for $16.9m". 5 November 2018 – via www.bbc.co.uk.
- ↑ Vogel, Carol. "Titian Work to Go on Display at Sotheby's".
- ↑ 3.0 3.1 Villarreal, Ignacio. "Sotheby's to Offer Most Important Work by Titian to Appear at Auction in Nearly Twenty Years". www.artdaily.com.
- ↑ "Titian: Sacra Conversazione".
- ↑ "Accredited Diplomatic Agents in Venice - British History Online". www.british-history.ac.uk.
- ↑ "Sothebys.com: Sotheby's "Important Old Master Painting & Sculpture" Sale N08712 New York, Thu 27 Jan 10.00am)".[പ്രവർത്തിക്കാത്ത കണ്ണി]
- ↑ "Ettie: The Intimate Life and Dauntless Spirit of Lady Desborough" by Richard Davenport-Hines, Weidenfeld & Nicolson, ISBN 978-0-7538-2595-2, 2009 )
- ↑ "Stiftung Heinz Kisters". Moneyhouse.
- ↑ "Titian painting sells for $16.9m". 5 November 2018 – via www.bbc.co.uk.
