ബേഗം റുക്കയാ
ബേഗം റുക്കയാ | |
|---|---|
 റുക്കയാ ഷെഖാവത് ഹൊസൈൻ | |
| ജന്മനാമം | রোকেয়া সাখাওয়াত হোসেন |
| ജനനം | റുക്കയാ ഖാതൂൺ 9 ഡിസംബർ 1880 പായ്റാബന്ദ്, മിഥാപുകൂർ|ഉപജില്ല , രംഗ്പൂർ, ബംഗാൾ പ്രസിഡൻസി, [[ബ്രിട്ടീഷ് ഇന്ത്യ]] (ഇപ്പോൾ ബംഗ്ലാദേശ്) |
| മരണം | 9 ഡിസംബർ 1932 (പ്രായം 52) കൊൽക്കത്ത, ബംഗാൾ പ്രസിഡൻസി, ബ്രിട്ടീഷ് ഇന്ത്യ |
| തൊഴിൽ | എഴുത്തകാരി, സാമൂഹ്യപ്രവർത്തക, സ്ത്രീശാക്തീകരണം |
| സാഹിത്യ പ്രസ്ഥാനം | സ്ത്രീശാക്തീകരണം |
| ശ്രദ്ധേയമായ രചന(കൾ) | മതിചൂർ, സുൽത്താനയുടെ കിനാവ്, പദ്മരാഗ്, അവരോധ്വാസിനി", |
| പങ്കാളി | ഖാൻ ബഹാദൂർ ഷെഖാവത് ഹോസൈൻ |
ബേഗം റുക്കയാ ഷെഖാവത് ഹൊസേൻ ( রোকেয়া সাখাওয়াত হোসেন) (9 December 1880 – 9 December 1932), അവിഭക്ത ബംഗാളിലെ സാമൂഹ്യപ്രവർത്തകയും എഴുത്തുകാരിയും മുസ്ലീംസമൂഹത്തിൽ സ്ത്രീ ശാക്തീകരണപ്രസ്ഥാനത്തിന്റെ നേതാവും ആയിരുന്നു[1]. 2004-ൽ ബി.ബിസി. സർവശ്രേഷ്ഠരായ നൂറു ബംഗാളികളെ നാമനിർദ്ദേശം ചെയ്യാൻ ലോകമെമ്പാടുമുള്ള ബംഗാളി ശ്രോതാക്കളോട് ആവശ്യപ്പെട്ടപ്പോൾ (Opinion Poll) , ഫലപ്പട്ടികയിൽ ആറാമത്തെ സ്ഥാനത്ത് ബേഗം റുക്കയാ ആയിരുന്നു[2][3]. ബേഗം റുക്കയുടെ ചരമദിനം, ഡിസമ്പർ ഒമ്പത് റുക്കയാ ദിനമായി ബംഗ്ലാദേശ് ആചരിക്കുന്നു.
ജീവചരിത്രം[തിരുത്തുക]
ജനനം, ബാല്യം[തിരുത്തുക]
ധനികരും യാഥാസ്ഥിതികരുമായ ജമീന്ദാരി കുടുംബത്തിലാണ് റുക്കയാ ജനിച്ചത്. പിതാവ് സഹീറുദ്ദീൻ സബറിന് നാലു നിയമാനുസൃത ഭാര്യമാരും വെപ്പാട്ടിമാരും ഉണ്ടായിരുന്നു. പെണ്മക്കൾ ബംഗാളിയും ഇംഗ്ലീഷും പഠിക്കുന്നതിന് എതിരായിരുന്നു മാത്രമല്ല അഞ്ചു വയസ്സു മുതൽ പർദ്ദ ആചരിക്കേണ്ടിയുമിരുന്നു. ജ്യേഷ്ഠസഹോദരനാണ് രാത്രികാലങ്ങളിൽ രഹസ്യമായി ഈ രണ്ടു ഭാഷകളും റുക്കിയയെ പഠിപ്പിച്ചത്.[4]
വിവാഹം, വൈധവ്യം[തിരുത്തുക]
1896-ൽ പതിനാറുകാരിയായ റുക്കിയയുടെ വിവാഹം നാല്പതുകാരനും വിധുരനുമായിരുന്ന ഷെഖാവത് ഹോസൈനുമായി നടന്നു. ഹോസൈൻ ബിഹാറിലെ ഭഗൽപൂരിൽ ഡിസ്റ്റ്രിക്റ്റ് മജിസ്ട്രേറ്റ് ആയിരുന്നു. ഹൊസൈൻ റുക്കിയെ ഇംഗ്ലീഷു പഠിപ്പിക്കുകയും ലേഖനങ്ങളെഴുതി പ്രസിദ്ധീകരിക്കാൻ പ്രോത്സാഹിപ്പിക്കയും ചെയ്തു.[5] . റുക്കിയക്ക് രണ്ടു പെൺകുഞ്ഞുങ്ങൾ പിറന്നെങ്കിലും ശിശുപ്രായത്തിലേ മരണമടഞ്ഞു[6]. പ്രമേഹരോഗിയായിരുന്ന ഭർത്താവ് 1909-ൽ അന്തരിച്ചു. റുക്കിയക്കായി ഭർത്താവ് പതിനായിരം രൂപ എഴുതിവെച്ചിരുന്നു. അതുപയോഗിച്ച് റുക്കിയ ഉടനെത്തന്നെ ഭഗൽപൂരിൽ മുസ്ലീം ബാലികമാർക്കായി ഒരു വിദ്യാലയം തുടങ്ങി. പക്ഷെ ഭർതൃകുടുംബത്തിന് ഇതൊട്ടും രസിച്ചില്ല. റുക്കിയക്ക് ഈ ഉദ്യമം തത്കാലം ഉപേക്ഷിക്കേണ്ടി വന്നു[1].
ഷെഖാവത് മെമോറിയൽ ഗേൾസ് സ്കൂൾ[തിരുത്തുക]
ഭർതൃഗ്രഹത്തിൽ നിന്ന് പുറത്താക്കപ്പെട്ട റുക്കിയ കൊൽക്കത്തയിലേക്ക് താമസം മാറ്റി, അവിടെ,1910-ൽ ഷെഖാവത് മെമോറിയൽ സ്കൂൾ തുറന്ന് പ്രവർത്തനമാരംഭിച്ചു. തുടക്കത്തിൽ എട്ടു വിദ്യാർഥിനികളും രണ്ടു ബെഞ്ചുകളും മാത്രമേ ഉണ്ടായിരുന്നുള്ളു. സ്കൂൾ ഇന്നും നിലവിലുണ്ട്. ലോർഡ് സിഹ്ന റോഡിൽ സ്ഥിതിചെയ്യുന്ന ഈ സ്കൂൾ പശ്ചിമബംഗാൾ ഗവണ്മെന്റിന്റെ വിദ്യാഭ്യാസ വകുപ്പിനു കീഴിലാണ്. 2010-ൽ സ്കൂളിന്റെ ശതവാർഷികം ആഘോഷിക്കപ്പെടുകയുണ്ടായി[7].
അഞ്ജുമൻ-എ-ഖവാതീൻ-എ-ഇസ്ലാം[തിരുത്തുക]
മുസ്ലീം വനിതകളെ ബോധവത്കരിക്കുന്നതിനായി ബേഗം റുക്കയാ നേതൃത്വം നല്കിയ സംഘടനയാണ് ഇത്. പർദ്ദക്കെതിരായും നാരീവിവേചനത്തിനെതിരായും നാരീ വിദ്യാഭ്യാസത്തിനായും റുക്കയാ സജീവമായി എഴുതുകയും പ്രവർത്തിക്കുകയും ചെയ്തു[8]. ഖുർആനും ശരീഅത്തും സ്ത്രീകൾക്ക് പർദ്ദ വിധിച്ചിട്ടില്ലെന്ന് റുക്കയാ വാദിച്ചു[9].
മരണം[തിരുത്തുക]
ഹൃദയസംബന്ധമായ അസുഖം ബാധിച്ച് 1932 ഡിസമ്പർ 9-ന് കൊൽക്കത്തക്കടുത്ത് സോദ്പൂരിൽ വെച്ച് റുക്കയാ ബേഗം മരണമടഞ്ഞു. ഡിസമ്പർ 9 റുക്കയാ ദിനമായി ബംഗ്ലാദേശ് ആചരിക്കുന്നു. ബേഗം റുക്കയയുടെ സ്മരണാർഥം, അവരുടെ ജന്മസ്ഥലമായ രംഗ്പൂരിൽ ബംഗ്ലാദേശ് സർക്കാർ 2008-ൽ ബേഗം റുക്കയാ യൂണിവഴ്സിറ്റി ആരംഭിച്ചു[10].
രചനകൾ[തിരുത്തുക]
1902-മുതൽ മിസിസ്. ആർ.എസ്. ഹോസൈൻ എന്നപേരിൽ റുക്കയാ ബംഗാളിയിലും ഇംഗ്ലീഷിലും ലേഖനങ്ങളും ചെറുകഥകളും എഴുതിത്തുടങ്ങി.ഇവയുടെ സംഗ്രഹമാണ് മതിചൂർ ഒന്നും രണ്ടും ഭാഗങ്ങൾ. സുൽതാനയുടെ കിനാവ് (Sultana's Dream) 1908-ൽ പുറത്തു വന്ന ഇംഗ്ലീഷു കൃതിയാണ്[11]. പദ്മരാഗ് എന്ന നോവൽ 1924-ലാണ് എഴുതപ്പെട്ടത്. സ്ത്രീകളുടെ ദുരവസ്ഥ എടുത്തു കാണിക്കുന്ന അമ്പതോളം സംഭവകഥകളുടെ വിവരണമാണ് അബരോധ് ബാസിനി (1931). ഈ കൃതി റുക്കയാ തന്റെ അമ്മ, റഹമുന്നീസാ സബേരാ ചൗധരാണിക്കാണ് സമർപ്പിച്ചിരിക്കുന്നത്[9].
അവലംബം[തിരുത്തുക]
- ↑ 1.0 1.1 Mahmud, Rashed (2016-09-30). "Rokeya Sakhawat Hossain: Tireless Fighter of Female Education and their Independence – A Textual Analysis" (PDF). arcjpournals.org. Retrieved 2019-03-09.
- ↑ "BBC News|South Asia|Listeners name 'greatest Bengali'". Newsbbc.co.uk. 2004-04-14. Retrieved 2019-03-09.
- ↑ "The Daily Star Wed edition". archive.thedailystar.net. 2004-04-16. Archived from the original on 2018-12-25. Retrieved 2019-03-09.
- ↑ Amin, Sonia Nishat (1996). The World of Muslim Women in Colonial Bengal 1876-1939. Leiden: E J Brill. pp. 72, 152. ISBN 9004106421.
- ↑ Editors, Sumit Sarkar (2008). Women and Social Reform in Modern India: A Reader. Bloomington: Indian University Press. pp. 70–71. ISBN 978025322049-3.
{{cite book}}:|last=has generic name (help) - ↑ "Hossein,Roquiah Sakhawat". en.banglapedia.org. 2015-03-24. Retrieved 2019-03-11.
- ↑ Choudhury, Iqbal Bahar (2012-12-09). "Rokeya and Sakhawat Memorial School: One Hundred Years after". The dailystar.net. Retrieved 2019-03-11.
- ↑ Bagchi, Barnita. "Inside Tarini Bhavan: Rokeya Sakhawat Hossain's Padmarag and the Richness of South Asian Feminism in Furthering Unsectarian, Gender-Just Human Development" (PDF). igidr.ac.in. Retrieved 2019-03-13.
- ↑ 9.0 9.1 Hakeem, Shagufta (2015-11-30). "The Writings of Rokeya Hossain: A pioneer of her time whose writings hold relevance today". dukespace.lib.duke.edu. Archived from the original on 2017-04-22. Retrieved 2019-03-13.
- ↑ "Begum Rokeya University, Rangpur". brur.ac.bd. Retrieved 2019-03-11.
- ↑ Hossein, Rokeya S. "A celebration of Women Writers: Sultana's Dream by Rokeya S. Hossain". digital.library.upenn.edu. Retrieved 2019-03-13.