ബാവുൾ

വിക്കിപീഡിയ, ഒരു സ്വതന്ത്ര വിജ്ഞാനകോശം.
തീർത്ഥദാസ് ബാവുൾ

ഇ­ന്ത്യൻ നാ­ടോ­ടി സം­സ്‌­കാ­ര­ത്തി­ലെ അവ­ധൂ­ത­പാ­ര­മ്പ­ര്യ­മു­ള്ള ഒരു­വി­ഭാ­ഗ­മാ­ണ്‌ ബാ­വുൾ (Bengali: বাউল ). ഇവ­രു­ടെ സം­ഗീ­ത­ത്തി­നാ­ണ്‌ ബാ­വുൾ ­സം­ഗീ­തം­ എന്ന്‌ പറ­യു­ന്ന­ത്‌. ­ബാ­വു­ലു­കൾ­ക്ക്‌ ബൗ­ദ്ധ-വൈ­ഷ്‌­ണവ-സൂ­ഫി-താ­ന്ത്രി­ക്ക്‌ ദർ­ശ­ന­ങ്ങൾ­ക്ക­നു­സ­രി­ച്ചു­ള്ള വ്യ­ത്യാ­സ­ങ്ങ­ളു­ണ്ട്‌. അതി­ന­നു­സ­രി­ച്ച്‌ പതി­നാ­യി­ര­ക്ക­ണ­ക്കി­ന്‌ പാ­ട്ടു­ക­ളു­മു­ണ്ട്. അടു­ത്ത­കാ­ലം വരെ ജീ­വി­ച്ചി­രു­ന്ന ലാ­ലൻ ഫക്കീർ എന്ന കവി­യാ­ണ്‌ നി­ല­വി­ലു­ള്ള എൺ­പ­ത്‌ ശത­മാ­ന­ത്തോ­ളം പാ­ട്ടു­കൾ എഴു­തി­യി­ട്ടു­ള്ള­ത്‌. രവീന്ദ്രനാഥ ടാഗോറിന്റെ കവിതയെയും സംഗീതത്തെയും ബാവുൾ സംസ്കാരം ആഴത്തിൽ സ്വാധീനിച്ചതായി വിലയിരുത്തപ്പെട്ടിട്ടുണ്ട്.

ചരിത്രം[തിരുത്തുക]

പതിന്നാറാം നൂ­റ്റാ­ണ്ടിൽ ചൈ­ത­ന്യ­ദേ­വ­ന്റെ കാ­ല­ത്താ­ണ്‌ ബാ­വു­ലു­കൾ ഉത്ഭ­വി­ച്ച­തെ­ന്ന്‌ കരു­ത­പ്പെ­ടു­ന്നു. ബാ­വു­ൽ എന്ന വാക്കിന് ഭ്രാ­ന്ത്‌ (mad) എന്ന അർ­ത്ഥ­മാ­ണ്‌ സാ­ധാ­ര­ണ­യാ­യി ഉപ­യോ­ഗി­ച്ചു­വ­രു­ന്ന­ത്‌. ഭ്രാ­ന്ത്‌ എന്നർ­ത്ഥ­മു­ള്ള ബാ­തുൽ (batul meaning divinely inspired insanity) എന്ന സം­സ്‌­കൃ­ത­പ­ദ­ത്തിൽ നി­ന്നാ­ണ്‌ ബാ­വുൽ (baul) എന്ന വാ­ക്കു­ണ്ടാ­യ­ത്‌. ഇവർ ഗ്രാ­മീണ ബം­ഗാ­ളി­ലെ കു­ടി­ലു­ക­ളിൽ വസി­ക്കു­ക­യും, ഗ്രാ­മാ­ന്ത­ര­ങ്ങ­ളിൽ അല­ഞ്ഞു­ന­ട­ന്ന്‌ പാ­ടി­യും ആടി­യും ഉപ­ജീ­വ­നം കഴി­ക്കു­ക­യും ചെ­യ്യു­ന്നു. ബൗ­ദ്ധ-വൈ­ഷ്‌­ണവ-സൂ­ഫി ദർ­ശ്ശ­ന­ങ്ങ­ളു­ടെ ആഴ­ത്തി­ലു­ള്ള സ്വാ­ധീ­നം അവ­രു­ടെ പാ­ട്ടു­ക­ളി­ലു­ണ്ട്. ആചാ­രാ­നു­ഷ്‌­ഠാ­ന­ങ്ങ­ളു­ടെ­യും മത­പ്രാർ­ത്ഥ­ന­ക­ളു­ടേ­യും ­മു­ദ്ര­ക­ളെ ബാ­വു­ലു­കൾ നി­രാ­ക­രി­ക്കു­ന്നു.[1]

ബാവുൾ ആശയങ്ങളും രീതികളും[തിരുത്തുക]

ബാവുൾ ഒരു സമൂഹമാണ്‌. ഉപാധികളില്ലാത്ത പരസ്പര സ്നേഹത്താൽ ബന്ധിക്കപ്പെട്ട ബാവുൾ സമൂഹം സങ്കുചിതമായ എല്ലാ ചിന്തകൾക്കും അതീതമാണ്‌. സമർപണവും സൗഹാർധവും ത്യാഗവുമുള്ള ഒരു വ്യക്തിക്കു മാത്രമേ ഒരു ബാവുൾ ആകാൻ സാധിക്കു.സത്യ­മെ­ന്ന­ത്‌ തി­രി­ച്ച­റി­യ­ല­ല്ല, വ്യ­ക്തി­കൾ­ക്കു­ള്ളിൽ സ്‌­നേ­ഹ­പ്പെ­ടു­ന്ന സ്വ­യം­ബോ­ധ­മാ­ണെ­ന്ന്‌ ബാ­വു­ലു­കൾ വി­ശ്വ­സി­ക്കു­ന്നു­. രതി­യെ മത­പ­ര­മായ ആചാ­ര­മാ­യാ­ണ്‌ ബാ­വു­ലു­കൾ കരു­തു­ന്ന­ത്‌. കൂ­ടാ­തെ മദ്യ­പാ­നം മനു­ഷ്യ­ന്റെ എല്ലാം മറ­ക്കു­ന്ന­തി­നു­ള്ള ഉപാ­ധി­യാ­യാ­ണ്‌ കാ­ണു­ന്ന­ത്‌.[2]ബാവുൽ ഗായകരെ പ്രത്യേകമായ വസ്‌ത്രധാരണ രീതി കൊണ്ട്‌ തിരിച്ചറിയാം. നീണ്ട കുപ്പായവും മുണ്ടുമാണ്‌ ഇവരുടെ സാധാരണ വേഷം. കാവി നിറമുളള അരക്കച്ചയും ബാവുലുകൾ ഉപയോഗിക്കാറുണ്ട്‌. നീട്ടിവളർത്തിയ തലമുടിയാണ്‌ ഇവരുടെ മറ്റൊരുപ്രത്യേകത.

ബാവുൾ സംഗീതം[തിരുത്തുക]

ബാവുൾ സം­ഗീ­തോ­പ­ക­ര­ണ­മായ ഏക്‌­താ­ര(ഒ­റ്റ­ത­ന്ത്രി­വീ­ണ)
തീർത്ഥദാസ് ബാവുളും സംഘവും അവതരണത്തിനിടെ

മനുഷ്യസ്നേഹത്തെയും മനുഷ്യനും പ്രകൃതിയുമായുള്ള ബന്ധത്തെയും സമന്വയിപ്പിക്കുന്ന ഭാവഗീതങ്ങളാണ്‌ ബാവുൾ സംഗീതം.[3] നാ­ടൻ സം­ഗീ­തോ­പ­ക­ര­ണ­ങ്ങ­ളായ ഏക്‌­താ­ര(ഒ­റ്റ­ത­ന്ത്രി­വീ­ണ), ദു­താ­ര(ഇ­രു­ത­ന്ത്രി­വീ­ണ), ഡു­ഗ്ഗി, ഗോ­ബ, കോൾ, ഡു­പ്‌­കി ഡ്രം, ഓടക്കുഴൽ, കൈ­മ­ണി, കാൽ­ചി­ല­ങ്ക തു­ട­ങ്ങി­യ­വ­യാ­ണ്‌ പ്രധാന ­വാ­ദ്യ­ങ്ങൾ.മ­ധ്യ­കാല ഇന്ത്യ­യി­ലെ ഭക്തി­കാ­വ്യ പ്ര­സ്ഥാ­ന­ത്തി­ന്റെ ഒരു വലിയ പാ­ര­മ്പ­ര്യ­ത്തി­ന്റെ തു­ടർ­ച്ച കൂ­ടി­യാ­ണ്‌ ഈ പാ­ട്ടു­കൾ. ബാ­വുൽ ഗാന ങ്ങ­ളി­ലെ അലൗ­കിക-കാ­ല്‌­പ­നി­ക­പ്ര­ണ­യ­ത്തി­ന്റെ ഏക­താ­നത എന്ന സന്ദേ­ശം ടാ­ഗോ­റി­നെ­യും, ക്വാ­സി നസ്രുൾ ഇസ്ലാ­മി­നേ­യും പോ­ലെ യു­ള്ള ദേ­ശീയ കവി­ക­ളെ സ്വാ­ധീ­നി­ച്ചി­ട്ടു­ണ്ട്‌. രബീ­ന്ദ്ര സം­ഗീ­ത­മെ­ന്ന ഗാ­ന­ശാ­ഖ­യു­ടെ ഉത്ഭ­വ­ത്തി­ലും ശക്ത­മായ സ്വാ­ധീ­നം ബാ­വുൽ ഗീ­തി­കൾ­ക്കു­ണ്ട്‌.

ടാഗോറും ബാവുളുകളും[തിരുത്തുക]

ബാവുൾ സംഗീതം ടാഗോറിന്റെ കവിതയെ പക്വവും മൌലികവുമാക്കി.ലാലൻ ഫക്കീർ അദ്ദേഹത്തെ ഏറെ സ്വാധീനിച്ചു. ബാവുൾ സംഗീതത്തിന്റെ ലാളിത്യവും അഗാധമായ തത്വശാസ്ത്രങ്ങൾ തുളുമ്പുന്ന വരികളും ടാഗോറിന് മേലും സ്വാധീനം ചെലുത്തിയിരുന്നു. അദ്ദേഹം ഒരിക്കലെഴുതി :

ഒരിക്കൽ ബാവുൾ വിഭാഗത്തിൽപ്പെട്ട ഒരു യാചകൻറെ ഗാനം കേട്ടു. ആ ലളിതമായ ഗാനത്തിൽ എന്നെ സ്വാധീനിച്ചത് അതിലെ ഭക്തിപ്രഭാവമാണ്. അത് കുടികൊളളുന്നത് മനുഷ്യനിലാണ്, ക്ഷേത്രത്തിലോ മതഗ്രന്ഥങ്ങളിലോ അല്ല. ചിത്രങ്ങളിലോ ബിംബങ്ങളിലോ അല്ല. ഞാൻ അവരുടെ സംഗീതത്തിലൂടെ അവരെ മനസിലാക്കാൻ ശ്രമിച്ചു. അതാണവരുടെ ആരാധനാ സമ്പ്രദായം.

[4]

ബാവുളുകളെക്കുറിച്ച് രാമകൃഷ്ണ പരമഹംസർ[തിരുത്തുക]

അധിക വായനയ്ക്ക്[തിരുത്തുക]

  • Enamul Haq, Muhammad(1975), A history of Sufism in Bangla, Asiatic Society, Dhaka.
  • Qureshi, Mahmud Shah(1977), Poems Mystiques Bengalis. Chants Bauls Unesco. Paris.
  • Siddiqi, Ashraf(1977), Our Folklore Our Heritage, Dhaka.
  • Karim, Anwarul(1980), The Bauls of Bangladesh. Lalon Academy, Kushtia.
  • Capwell, Charles(1986), The Music of the Bauls of Bengla. Kent State University Press, USA 1986. ISBN 0873383176.
  • Dimock, Edward C. (1989), The Place of the Hidden Moon: Erotic Mysticism in the Vaisnava-Sahajiya Cult of Bengal, The University of Chicago Press, Chicago. ISBN-10: 0-226-15237-5 ISBN13: 978-0-226-15237-0
  • Bandyopadhyay, Pranab(1989), Bauls of Bengal. Firma KLM Pvt, Ltd., calcutta.
  • Mcdaniel, June(1989), The Madness of the Saints. Chicago.
  • Sarkar, R. M.(1990), Bauls of Bengal. New Delhi.
  • Brahma, Tripti(1990), Lalon : His Melodies. Calcutta.
  • Gupta, Samir Das(2000), Songs of Lalon. Sahitya Prakash, Dhaka.
  • Karim, Anwarul(2001), Rabindranath O Banglar Baul (in Bengali), Dhaka.
  • Capwell, Charles (2011), Sailing on the Sea of Love THE MUSIC OF THE BAULS OF BENGAL, The University of Chicago Press, Chicago. ISBN 9780857420046

അവലംബം[തിരുത്തുക]

  1. ക്രി­സ്പിൻ ജോ­സ­ഫ്. "ബാവുൾ സംഗീതം - ഒരു പഠനം". Mar 1, 2010. മലയാളം വെബ് പോർട്ടൽ. ശേഖരിച്ചത് 18 മാർച്ച് 2013. 
  2. http://malayal.am/%E0%B4%B5%E0%B4%BF%E0%B4%A8%E0%B5%8B%E0%B4%A6%E0%B4%82/%E0%B4%B8%E0%B4%82%E0%B4%97%E0%B5%80%E0%B4%A4%E0%B4%82/350/%E0%B4%AC%E0%B4%BE%E0%B4%B5%E0%B5%81%E0%B4%B3%E0%B5%8D%E2%80%8D-%E0%B4%B8%E0%B4%82%E0%B4%97%E0%B5%80%E0%B4%A4%E0%B4%82-%E0%B4%92%E0%B4%B0%E0%B5%81-%E0%B4%AA%E0%B4%A0%E0%B4%A8%E0%B4%82
  3. http://veekshanam.com/content/view/2965/
  4. http://www.thesundayindian.com/ml/story/lalan-academy/23/1023/

പുറം കണ്ണികൾ[തിരുത്തുക]

Commons:Category
വിക്കിമീഡിയ കോമൺസിലെ Baul എന്ന വർഗ്ഗത്തിൽ ഇതുമായി ബന്ധപ്പെട്ട കൂടുതൽ പ്രമാണങ്ങൾ ലഭ്യമാണ്:
"http://ml.wikipedia.org/w/index.php?title=ബാവുൾ&oldid=1953018" എന്ന താളിൽനിന്നു ശേഖരിച്ചത്