ബസേലിയോസ്‌ ക്ലീമിസ്

വിക്കിപീഡിയ, ഒരു സ്വതന്ത്ര വിജ്ഞാനകോശം.
മാർ ബസേലിയോസ്‌ ക്ലീമിസ്
മലങ്കര കത്തോലിക്കാ സഭയുടെ പ്രഥമ കർദ്ദിനാൾ
സഭ സീറോ മലങ്കര കത്തോലിക്കാ സഭ
അതിരൂപത തിരുവനന്തപുരം
See തിരുവനന്തപുരം
മുൻഗാമി സിറിൾ മാർ ബസേലിയസ്
പിൻഗാമി Incumbent
പട്ടത്ത്വം ജൂൺ 11, 1986
വ്യക്തി വിവരങ്ങൾ
ജനനം (1959-06-15) ജൂൺ 15, 1959 (55 വയസ്സ്)
മുക്കൂർ, തിരുവല്ല
Coat of arms of Baselios Cleemis.svg

സീറോ മലങ്കര കത്തോലിക്കാ സഭയുടെ നിയുക്ത പ്രഥമ നിയുക്ത കർദ്ദിനാളും ഇപ്പോഴത്തെ മേജർ ആർച്ച് ബിഷപ്പും കാതോലിക്കോസുമാണ് മോറോൻ മാർ ബസേലിയോസ്‌ ക്ലീമിസ്.

ജീവിതരേഖ[തിരുത്തുക]

1959 ജൂൺ 15-ന് പത്തനംതിട്ട ജില്ലയിലെ തിരുവല്ലക്ക് സമീപം മുക്കൂർ എന്ന സ്ഥലത്താണ് മാർ ക്ലീമിസ് ജനിച്ചത്. ഐസക്ക് തോട്ടുങ്കൽ എന്നായിരുന്നു ആദ്യനാമം. തിരുവല്ല മൈനർ സെമിനാരിയിലെ വിദ്യാഭ്യാസത്തിന് ശേഷം ആലുവാ മംഗലപ്പുഴ സെന്റ്.ജോസഫ്സ് പൊന്തിഫിക്കൽ ഇൻസ്റ്റിട്ട്യൂട്ടിൽ നിന്ന് ഫിലോസഫിയിൽ ബിരുദവും(1979 -1982) പൂന പേപ്പൽ സെമിനാരിയിൽ നിന്ന് ദൈവശാസ്ത്രത്തിൽ ബിരുദവും(1983 - 1986) നേടി.

1986 ജൂൺ 11-ന് പൗരോഹിത്യ പട്ടം സ്വീകരിച്ച അദ്ദേഹം ബാംഗ്ലൂർ ധർമ്മാരാം കോളേജിൽ ദൈവശാസ്ത്രത്തിൽ ബിരുദാനന്തരബിരുദ പഠനം (1986 -1989) നടത്തുകയും 1997-ൽ റോമിലെ ആഞ്ചലിക്കം സർവ്വകലാശാലയിൽ നിന്നും സഭൈക്യദൈവശാസ്ത്ര(Ecumenical Theology)ത്തിൽ ഡോക്ടറേറ്റ് നേടുകയും ചെയ്തു.

തിരികെ കേരളത്തിലെത്തിയ അദ്ദേഹം ബത്തേരി രൂപതയുടെ വികാരി ജനറൽ സ്ഥാനം വഹിച്ചു. 18 ജൂൺ 2001-ൽ ജോൺ പോൾ രണ്ടാമൻ മാർപ്പാപ്പ അദ്ദേഹത്തെ തിരുവനന്തപുരം രൂപതയുടെ സഹായമെത്രാൻ സ്ഥാനത്തേക്ക് നിയോഗിച്ചു. 15 ആഗസ്റ്റ് 2001-ൽ ഐസക്ക് മാർ ക്ലീമിസ് എന്ന പേരിൽ സ്ഥാനാരോഹിതനായി. 2003 സെപ്തംബെർ 11 -ന് തിരുവല്ല രൂപതയുടെ മെത്രാനായ അദ്ദേഹം തിരുവല്ല രൂപതക്ക് അതിരൂപത പദവി ലഭിച്ചതിനാൽ 2006 ജൂൺ 10-ന് തിരുവല്ല അതിരൂപതയുടെ പ്രഥമ ആർച്ച് ബിഷപ്പ് സ്ഥാനത്തേക്ക് ഉയർത്തപ്പെട്ടു[1]. 2007 ജനുവരി 18-ന് മേജർ ആർച്ച് ബിഷപ്പായിരുന്ന മാർ സിറിൽ ബസേലിയോസ് കാതോലിക്കോസിന്റെ നിര്യാണത്തെ തുടർന്ന് 2007 ഫെബ്രുവരി 10-ന് മാർ ക്ലീമിസിനെ സഭ ആ സ്ഥാനത്തേക്ക് മാർപ്പാപ്പായുടെ അംഗീകാരത്തോടെ തെരഞ്ഞെടുത്തു. 2007 മാർച്ച് 5-ന് അദ്ദേഹം മോറാൻ മാർ ബസേലിയോസ്‌ ക്ലീമിസ് എന്ന നാമത്തിൽ തിരുവനന്തപുരം പട്ടം സെന്റ് മേരീസ് കത്തീഡ്രലിൽ വെച്ച് സീറോ-മലങ്കര കത്തോലിക്ക സഭയുടെ രണ്ടാമത്തെ മേജർ ആർച്ച് ബിഷപ്പ്-കാതോലിക്കോസ് സ്ഥാനത്തേക്ക് ആരോഹിതനായി.

കർദ്ദിനാൾ പദവി[തിരുത്തുക]

ബസേലിയോസ്‌ ക്ലീമിസിനെ സഭയിലെ പ്രഥമ കർദ്ദിനാളായി ബെനഡിക്ട് പതിനാറാമൻ മാർപ്പാപ്പ 2012 ഒക്ടോബർ 24-ന് പ്രഖ്യാപനം ചെയ്തു. നവംബർ 24-ന് കർദ്ദിനാളായി സ്ഥാനാരോഹണം ചെയ്യപ്പെട്ടു[1].

അവലംബം[തിരുത്തുക]

പുറത്തേക്കുള്ള കണ്ണികൾ[തിരുത്തുക]

"http://ml.wikipedia.org/w/index.php?title=ബസേലിയോസ്‌_ക്ലീമിസ്&oldid=1836707" എന്ന താളിൽനിന്നു ശേഖരിച്ചത്