ഡക്കാത്ത്‌ലോൺ

വിക്കിപീഡിയ, ഒരു സ്വതന്ത്ര വിജ്ഞാനകോശം.
ഡക്കാത്ത്‌ലറ്റുകൾ

ഡക്കാത്ത്‌ലോൺ ഒരു കായിക മത്സരമാണ്. പത്ത് ട്രാക്ക് ആൻഡ് ഫീൽഡ് ഇനങ്ങൾ ചേർന്നുള്ള കായികോത്സവമാണിത്. ഓരോ കായികതാരവും പത്തിനങ്ങളിൽ മത്സരിച്ചു വിജയിക്കുകയാണ് ഇതിന്റെ രീതി. പൊതുവേ രണ്ടു ദിവസങ്ങളിലായാണ് മത്സരം നടക്കുന്നത്.

ഒന്നാം ദിവസം[തിരുത്തുക]

  • നൂറു മീറ്റർ ഓട്ടം,
  • ലോംഗ്ജംപ്
  • 16 പൗണ്ട് ഷോട്ട്പുട്ട്
  • ഹൈജമ്പ്
  • 400 മീറ്റർ ഓട്ടം

എന്നിവയിലാണ് മത്സരിക്കേണ്ടത്.

രണ്ടാം ദിവസം[തിരുത്തുക]

  • 110 മീറ്റർ ഹർഡിൽസ്
  • ഡിസ്കസ് ത്രോ
  • പോൾവാൾട്ട്
  • ജാവലിൻ ത്രോ
  • 1500 മീറ്റർ ഓട്ടം

എന്നീ ഇനങ്ങളാണുണ്ടാവുക.

നിബന്ധനകൾ[തിരുത്തുക]

ഇന്റർനാഷണൽ അമച്വർ അത്‌ലറ്റിക് ഫെഡറേഷന്റെ നിബന്ധനകൾക്കനുസൃതമായാണ് മത്സരങ്ങൾ വിലയിരുത്തപ്പെടുന്നത്. ഓരോ ഇനത്തിനും 1 മുതൽ 1000 വരെ പോയിന്റുകൾ നൽകും. പത്തിനങ്ങളിലുമായി ഏറ്റവും കൂടുതൽ പോയിന്റ് നേടുന്ന ആളായിരിക്കും വിജയിയാകുന്നത്.

1912-ൽ ഡെക്കാത്ത്‌ലോൺ ഒളിമ്പിക്സിലും ഉൾപ്പെടുത്തപ്പെട്ടു. 1915-ലാണ് പ്രഥമ യു. എസ്. ഡെക്കാത്ത്‌ലോൺ ചാമ്പ്യൻഷിപ്പ് നടന്നത്. 1936 വരെ ഇത് ഏകദിന മത്സരമായിരുന്നു. 1936-ൽ ദ്വിദിന മത്സരമാക്കി മാറ്റി.

ജിം തോർപ്പായിരുന്നു പ്രഥമ ഒളിമ്പിക്സ് ഡെക്കാത്ത് ലോൺ ജേതാവ്.[1] 1963-ൽ തായ്‌വാനിലെ ഡി. കെ. യാങ് 9,121 പോയിന്റ് കരസ്ഥമാക്കിക്കൊണ്ട് 9,000 പോയിന്റ് കടക്കുന്ന പ്രഥമ അത്‌ലറ്റ് എന്ന ഖ്യാതി നേടി.

അവലംബം[തിരുത്തുക]

പുറത്തേക്കുള്ള കണ്ണികൾ[തിരുത്തുക]

Heckert GNU white.svg കടപ്പാട്: കേരള സർക്കാർ ഗ്നൂ സ്വതന്ത്ര പ്രസിദ്ധീകരണാനുമതി പ്രകാരം ഓൺലൈനിൽ പ്രസിദ്ധീകരിച്ച മലയാളം സർ‌വ്വവിജ്ഞാനകോശത്തിലെ ഡെക്കാത്ത്ലോൺ എന്ന ലേഖനത്തിന്റെ ഉള്ളടക്കം ഈ ലേഖനത്തിൽ ഉപയോഗിക്കുന്നുണ്ട്. വിക്കിപീഡിയയിലേക്ക് പകർത്തിയതിന് ശേഷം പ്രസ്തുത ഉള്ളടക്കത്തിന് സാരമായ മാറ്റങ്ങൾ വന്നിട്ടുണ്ടാകാം.
"http://ml.wikipedia.org/w/index.php?title=ഡക്കാത്ത്‌ലോൺ&oldid=1697287" എന്ന താളിൽനിന്നു ശേഖരിച്ചത്