ചുരം

വിക്കിപീഡിയ, ഒരു സ്വതന്ത്ര വിജ്ഞാനകോശം.
ഇതേ പേരിലുള്ള ചലച്ചിത്രത്തെ കുറിച്ചറിയാൻ, ദയവായി ചുരം (ചലച്ചിത്രം) കാണുക.
വയനാട് ചുരം

കുത്തനെയുള്ള കയറ്റം കയറിപ്പോകുന്ന മലമ്പാതകളെ ചുരം എന്നു പറയുന്നു[1]. കേരളത്തിന്റെ കിഴക്കുള്ള സഹ്യപർ‌വ്വതത്തിൽ താമരശ്ശേരി ചുരം, നാടുകാണി ചുരം എന്നിവയാണ്‌ പ്രധാന ചുരങ്ങൾ. മലനിരക്ക് കുറുകേയുള്ള, മനുഷ്യസഞ്ചാരത്തിനു സഹായകമായ ഉയരം കുറഞ്ഞ തുറസ്സുകളേയും - മലക്കു കുറുകേയുള്ള വഴി എന്ന പരിമിതാർത്ഥത്തിൽ - ഈ പേരിട്ടു വിളിക്കാറുണ്ട്. ഉദാഹരണമാണ് പാലക്കാടിനടുത്തുള്ള വാളയാർ ചുരം. പഴയ രേഖകളിൽ ഇതിനെ വാളയാർ തുറ എന്നാണ് രേഖപ്പെടുത്തിക്കാണുന്നത്. യാത്രകൾ‍ക്കും, കുടിയേറ്റങ്ങൾക്കും, കച്ചവടത്തിനും, യുദ്ധങ്ങൾ‍ക്കും പ്രധാന ഗമനാഗമനമാർഗ്ഗമായി ചരിത്രാതീതകാലം മുതൽ ചുരങ്ങൾ വർത്തിച്ചിരുന്നു.

പ്രശസ്തമായ ചുരങ്ങളിൽ ചിലതാണ്‌ ഖൈബർ ചുരം, നാഥുലാ ചുരം തുടങ്ങിയവ.

അവലംബം[തിരുത്തുക]

  1. ശബ്ദതാരാവലി
"http://ml.wikipedia.org/w/index.php?title=ചുരം&oldid=1976695" എന്ന താളിൽനിന്നു ശേഖരിച്ചത്