ഗോലാൻ കുന്നുകൾ

വിക്കിപീഡിയ, ഒരു സ്വതന്ത്ര വിജ്ഞാനകോശം.
ഗോലാൻ കുന്നുകൾ
هضبة الجولان
רמת הגולן
ഹെർമോൺ കുന്നിനു (പശ്ചാത്തലം) സമീപമുള്ള റാം തടാകം. വടക്കുകിഴക്കൻ ഗോലാൻ കുന്നുകളിലാണിത്
നിർദേശാങ്കം: 32°58′54″N 35°44′58″E / 32.98167°N 35.74944°E / 32.98167; 35.74944Coordinates: 32°58′54″N 35°44′58″E / 32.98167°N 35.74944°E / 32.98167; 35.74944
Country ഇസ്രായേലിന്റെ അധിനിവേശത്തിൻ കീഴിലുള്ള സിറിയൻ ഭൂവിഭാഗം.[1][2]
വിസ്തീർണ്ണം
 • Total 1,800 km2(700 sq mi)
 • ഇസ്രായേലിന്റെ അധിനിവേശത്തിൽ 1,200 km2(500 sq mi)
Highest elevation 2,814 m(9 ft)
Lowest elevation 0 m(0 ft)

ലെവന്റ് മേഖലയിലെ ഒരു പ്രദേശമാണ് ഗോലാൻ കുന്നുകൾ (അറബി: هضبة الجولان Haḍbatu 'l-Jawlān അല്ലെങ്കിൽ مرتفعات الجولان Murtafaʻātu l-Jawlān, ഹീബ്രു: רמת הגולן‎, Ramat ha-Golan (ശബ്ദം) ), ഗോലാൻ അല്ലെങ്കിൽ സിറിയൻ ഗോലാൻ [3] ഗോലാൻ കുന്നുകൾ എന്ന പ്രയോഗം ഏതു പ്രദേശത്തെയാണ് സൂചിപ്പിക്കുന്നത് എന്നത് പല മേഖലകളിലും വ്യത്യസ്തമായാണ് വിവരിക്കപ്പെടുന്നത്.

ഈ പ്രദേശത്ത് അപ്പർ പ്രാചീനശിലായുഗം മുതലെങ്കിലും മനുഷ്യവാസമുള്ളതിന്റെ തെളിവുകൾ ലഭിച്ചിട്ടുണ്ട്.[4] ബൈബിൾ പ്രകാരം ഒഗ് രാജാവിന്റെ ഭരണകാലത്ത് ബഷാൻ പ്രദേശത്തുള്ള ഒരു അമോണൈറ്റ് രാജ്യം ഇസ്രായേൽ കീഴടക്കിയിരുന്നു.[5] പഴയനിയമകാലത്ത് മുഴുവൻ ഗോലാൻ കുന്നുകൾ "ഇസ്രായേലിലെ രാജാക്കന്മാരും ആധുനിക ദമാസ്കസിനടുത്തുള്ള അരാമിയന്മാരും തമ്മിൽ ഈ പ്രദേശം കേന്ദ്രമാക്കി നിയന്ത്രണത്തിനായുള്ള മത്സരം നടന്നിരുന്നു"[6] ഇറ്റൂറിയനുകളോ, അറബുകളോ അരമായ ജനതയോ ബി.സി. രണ്ടാം നൂറ്റാണ്ടിൽ ഇവിടെ താമസമാക്കുകയുണ്ടായി. ബൈസന്റൈൻ കാലഘട്ടം വരെ ഇവർ ഇവിടെയുണ്ടായിരുന്നു.[7][8][9] എ.ഡി. 636-ൽ ഈ പ്രദേശത്ത് ജൂതന്മാരുടെ താമസത്തിന് അവസാനമായി. ഉമാർ ഇബ്ൻ അൽ-ഖത്താബിന്റെ കീഴിൽ അറബികൾ ഇവിടം ആക്രമിച്ചു കീഴടക്കിയതാണ് ഇതിനു കാരണം.[10] പതിനാറാം നൂറ്റാണ്ടിൽ ഓട്ടോമാൻ സാമ്രാജ്യം ഗോലാൻ കീഴടക്കി. അതിനുശേഷം ഇത് ദമാസ്കസ് വിലായത്തിന്റെ ഭാഗമായിരുന്നു. 1918-ൽ ഫ്രഞ്ച് നിയന്ത്രണത്തിലെത്തും വരെ ഈ സ്ഥിതി തുടർന്നു. 1946-ൽ ഫ്രഞ്ച് മാൻഡേറ്റ് അവസാനിച്ചപ്പോൾ ഈ പ്രദേശം പുതുതായി സ്വാതന്ത്ര്യം ലഭിച്ച സിറിയൻ അറബ് റിപ്പബ്ലിക്കിന്റെ ഭാഗമായി.

സിറിയയുടെ ഭൂവിഭാഗമാണെന്ന് അന്താരാഷ്ട്ര തലത്തിൽ അംഗീകരിക്കപ്പെട്ടിട്ടുള്ള ഈ പ്രദേശം 1967 മുതൽ ഇസ്രായേലിന്റെ ഭരണത്തിൻ കീഴിലാണ്.[1] 1967-ലെ ആറു ദിവസ യുദ്ധത്തിനുശേഷം, പർപ്പിൾ ലൈൻ എന്നറിയപ്പെടുന്ന വെടിനിറുത്തൽ രേഖ രൂപീകരിക്കപ്പെട്ടപ്പോൾ ഈ പ്രദേശം ഇസ്രായേലിന്റെ നിയന്ത്രണത്തിലാവുകയായിരുന്നു.[11]

1967 ജൂൺ 17-നു ശേഷം ഇസ്രായേലി കാബിനറ്റ് ഒരു സമാധാന ഉടമ്പടിക്ക് പകരമായി ഗോലാൻ കുന്നുകൾ സിറിയയ്ക്ക് മടക്കി നൽകാനുള്ള പ്രമേയം വോട്ടെടുപ്പിലൂടെ പാസാക്കി. 1967 സെപ്റ്റംബർ 1-ന് ഈ നീക്ക്കം അറബ് ലോകം ഖാർത്തോം പ്രമേയത്തിലൂടെ തള്ളിക്കളഞ്ഞു.[12][13] 1973-ലെ യോം കിപ്പൂർ യുദ്ധത്തിനുശേഷം, ഇസ്രായേൽ ഈ പ്രദേശത്തിന്റെ 5% സിറിയയുടെ നിയന്ത്രണത്തിൽ നൽകാൻ തീരുമാനിച്ചു. ഈ പ്രദേശം വെടിനിർത്തൽ രേഖയ്ക്ക് കിഴക്കോട്ട് വ്യാപിക്കുന്ന സൈനികരില്ലാത്ത പ്രദേശമാണ്. യു.എൻ. സമാധാന സേനയുടെ നിയന്ത്രണത്തിലാണ് ഈ ഭൂവിഭാഗം.

ഇസ്രായേലിന്റെ നിയന്ത്രണത്തിലുള്ള പ്രദേശങ്ങൾ സൈനിക ഭരണത്തിലായിരുന്നു. ഇസ്രായേൽ ഗോലാൻ ഹൈറ്റ്സ് നിയമം പാസാക്കിയതോടെ ഇസ്രായേലി നിയമവും ഭരണവും ഈ പ്രദേശമാകെ 1981 മുതൽ ബാധകമായി. ഇതോടെ ഇവിടെ ജൂത കുടിയേറ്റവും ആരംഭിച്ചു.[14] ഈ നീക്കം ഐക്യരാഷ്ട്രസഭയുടെ സുരക്ഷാസമിതി 497-ആമത് യു.എൻ. പ്രമേയത്തിലൂടെ അപലപിക്കുകയുണ്ടായി.[15][16] "സ്വന്തം നിയമങ്ങളും നിയമവാഴ്ച്ചയും ഭരണവും സിറിയൻ ഗോലാൻ കുന്നുകളിൽ നടപ്പിലാക്കാനുള്ള ഇസ്രായേലിന്റെ തീരുമാനം അന്താരാഷ്ട്ര നിയമമനുസരിച്ച് അസാധുവാണ്" എന്നായിരുന്നു പ്രമേയത്തിന്റെ ഉള്ളടക്കം. 242-ആമത് യു.എൻ. പ്രമേയമനുസരിച്ച് തങ്ങളുടെ നീക്കം സാധുതയുള്ളതാണെന്നാണ് ഇസ്രായേൽ അഭിപ്രായപ്പെടുന്നത്. "ബലപ്രയോഗം നടക്കുമെന്ന ഭീഷണിയോ പ്രവൃത്തിയോ ഇല്ലാത്തതും സുരക്ഷിതമായതുമായ അതിർത്തികൾ ഉറപ്പുവരുത്തണം" എന്നാണ് ഈ പ്രമേയം പറയുന്നത്.[17] എന്നിരുന്നാലും അന്താരാഷ്ട്ര സമൂഹം ഇസ്രായേലിന്റെ അവകാശവാദം തള്ളിക്കളയുകയും ഈ പ്രദേശം സിറിയയുടേതാണെന്ന നിലപാടിൽ ഉറച്ചുനിൽക്കുകയും ചെയ്യുന്നു.[1][18][19]


യിത്സാക്ക് റാബിൻ, എഹൂദ് ബറാക്ക്, എഹൂദ് ഓൾമെർട്ട് എന്നിവർ തങ്ങൾ ഗോലാൻ കുന്നുകൾ സമാധാനത്തിനു പകരമായി സിറിയയ്ക്ക് കൈമാറാൻ തയ്യാറാണെന്ന് പ്രസ്താവിച്ചിരുന്നു. 2010-ൽ ഇസ്രായേലി വിദേശകാര്യമന്ത്രിയായ അവിഗ്ഡോർ ലൈബർമാൻ സിറിയയോട് ഈ ഭൂവിഭാഗം തിരികെപ്പിടിക്കാം എന്ന മോഹം ഉപേക്ഷിക്കാൻ ആവശ്യപ്പെടുകയുണ്ടായി.[20] സിറിയൻ ഗോലാൻ ഡ്രൂസ് ജനതയുടെ 10% ഇസ്രായേലി പൗരത്വം സ്വീകരിക്കാൻ തയ്യാറായിട്ടുണ്ട്.[21] സി.ഐ.എ. വേൾഡ് ഫാക്റ്റ്ബുക്ക് അനുസരിച്ച് 2010-ൽ 41 ഇസ്രായേലി ആവാസപ്രദേശങ്ങൾ ഇവിടെയുണ്ട്.[22]

അവലംബം[തിരുത്തുക]

  1. 1.0 1.1 1.2
  2. "Golan Heights profile". BBC. ശേഖരിച്ചത് 30 November 2011. 
  3. "Human rights in the occupied Syrian Golan". Human Rights Council. United Nations General Assembly. 27 February 2009. ശേഖരിച്ചത് 19 December 2011. 
  4. Tina Shepardson. Stones and Stories: Reconstructing the Christianization of the Golan, Biblisches Forum, 1999.
  5. Dt 3:1, Dt 3:2, Dt 3:3, Dt 3:4, Dt 3:5, Dt 3:6, Dt 3:7
  6. Tatro, Nicolas. "The Golan Heights: A Battlefield of the Ages". The Los Angeles Times. ശേഖരിച്ചത് 29 November 2011. 
  7. Avraham Negev, Shimon Gibson (2005). Archaeological Encyclopedia of the Holy Land (Paperback എഡി.). Continuum. p. 249. ഐ.എസ്.ബി.എൻ. 0-8264-8571-5. 
  8. Dan Urman; Paul Virgil McCracken Flesher (1998). Ancient synagogues: historical analysis and archaeological discovery. BRILL. p. 423. ഐ.എസ്.ബി.എൻ. 978-90-04-11254-4. ശേഖരിച്ചത് 2 March 2011. 
  9. Eric M. Meyers (1996). The Oxford encyclopedia of archaeology in the Near East, Volume 2 (Hardcover എഡി.). Oxford University Press. p. 421. ഐ.എസ്.ബി.എൻ. 0-19-511216-4. 
  10. "The Golan Heights: Geography, Geology and History". Jewish Virtual Library. ശേഖരിച്ചത് 29 November 2011. 
  11. "Agreement on Disengagement between Israeli and Syrian Force". Report of the Secretary-General concerning the Agreement on Disengagement between Israeli and Syrian Forces. United Nations. ശേഖരിച്ചത് 29 November 2011. 
  12. Dunstan, Simon (2009). The Six Day War 1967: Jordan and Syria. Osprey. 
  13. Herzog, Chaim, The Arab Israeli Wars, New York: Random House (1982) p.190-191
  14. Golan Heights Law, MFA.
  15. UN Security Council Resolution 497
  16. Korman, Sharon, The Right of Conquest: The Acquisition of Territory by Force in International Law and Practice, Oxford University Press, pp. 262–263 
  17. Y.Z Blum "Secure Boundaries and Middle East Peace in the Light of International Law and Practice" (1971) pages 24–46
  18. Occupied territory:
  19. Korman, Sharon. The right of conquest: the acquisition of territory by force in international law and practice, Oxford University Press, 1996. pg. 265. ISBN 0-19-828007-6. "The continued occupation of the Syrian Golan Heights is recognized by many states as valid and consistent with the provisions of the United Nations Charter, on a self-defence basis. Israel, on this view, would be entitled to exact as a condition of withdrawal from the territory the imposition of security measures of an indefinite character--such as perpetual demilitarization, or the emplacement of a United Nations force--which would ensure, or tend to ensure, that the territory would not be used against it for aggression on future occasions. But the notion that Israel is entitled to claim any status other than that of belligerent occupant in the territory which it occupies, or to act beyond the strict bounds laid down in the Fourth Geneva Convention, has been universally rejected by the international community--no less by the United States than by any other state."
  20. "Israel's Lieberman cautions Syria". Al Jazeera. 4 February 2010. ശേഖരിച്ചത് 8 April 2011. "'We must make Syria recognise that just as it relinquished its dream of a greater Syria that controls Lebanon ... it will have to relinquish its ultimate demand regarding the Golan Heights,' Lieberman said." 
  21. At a Glance: The Golan Heights World News Australia, 6 June 2011
  22. CIA - The World Factbook - Syria

ഗ്രന്ഥസൂചിക[തിരുത്തുക]

  • Biger, Gideon (2005). The Boundaries of Modern Palestine, 1840–1947. London: Routledge. ISBN 0-7146-5654-2.
  • Bregman, Ahron (2002). Israel's Wars: A History Since 1947. London: Routledge. ISBN 978-0-415-28716-6.
  • Louis, Wm. Roger (1969). "The United Kingdom and the Beginning of the Mandates System, 1919–1922". International Organization, 23(1), pp. 73–96.
  • Maar'i, Tayseer, and Usama Halabi (1992). "Life under occupation in the Golan Heights". Journal of Palestine Studies 22: 78–93. ഡി.ഒ.ഐ.:10.1525/jps.1992.22.1.00p0166n. 
  • Maoz, Asher (1994). "Application of Israeli law to the Golan Heights is annexation". Brooklyn Journal of International Law. 20, afl. 2: 355–96. 
  • Morris, Benny (2001). Righteous Victims. New York, Vintage Books. ISBN 978-0-679-74475-7.
  • Sheleff, Leon (1994). "Application of Israeli law to the Golan Heights is not annexation". Brooklyn Journal of International Law. 20, afl. 2: 333–53. 
  • Zisser, Eyal (2002). "June 1967: Israel's capture of the Golan Heights". Israel Studies 7,1: 168–194. 
  • Richard, Suzanne (2003). Near Eastern Archaeology: A Reader. Eisenbrauns. ഐ.എസ്.ബി.എൻ. 978-1-57506-083-5 

പുറത്തേയ്ക്കുള്ള കണ്ണികൾ[തിരുത്തുക]

"http://ml.wikipedia.org/w/index.php?title=ഗോലാൻ_കുന്നുകൾ&oldid=1983247" എന്ന താളിൽനിന്നു ശേഖരിച്ചത്