കേന്ദ്രീയ വിദ്യാലയം

വിക്കിപീഡിയ, ഒരു സ്വതന്ത്ര വിജ്ഞാനകോശം.
കേന്ദ്രീയ വിദ്യാലയ സംഘഠൻ
Tatvam Pooshan Apaavrunu
സ്ഥാനം
India
Information
ആരംഭിച്ചത് 1962
School board Central Board of Secondary Education (CBSE)
Authority Ministry of Human Resource [MHRD]
Website

കേന്ദ്ര മാനവ വിഭവശേഷി മന്ത്രാലയത്തിന് കീഴിലുള്ള കേന്ദ്രസർക്കാർ സ്‌കൂൾ സമ്പ്രദായമാണ് കേന്ദ്രീയ വിദ്യാലയം. 1963ൽ സെൻട്രൽ സ്‌കൂൾ എന്ന പേരിൽ സിബിഎസ്ഇയുമായി അഫിലിയേറ്റ് ചെയ്താണ് ഈ സ്‌കൂൾസമ്പ്രദായം പ്രവർത്തനമാരംഭിച്ചത്. പിന്നീടാണ് ഇതിന്റെ പേര് കേന്ദ്രീയ വിദ്യാലയം എന്നാക്കിമാറ്റിയത്. ഇന്ത്യൻ പ്രതിരോധ വകുപ്പിൽ പ്രവർത്തിക്കുന്നവരുടെ കുട്ടികൾക്ക് ഗുണമേന്മയുള്ള വിദ്യാഭ്യാസം നൽകുകയെന്നതാണ് കേന്ദ്രീയ വിദ്യാലയത്തിന്റെ ലക്ഷ്യം. ഇന്ത്യയിലൊട്ടാകെ പ്രവർത്തിക്കുന്ന ഈ സ്‌കൂളുകളിൽ ഏകീകൃത സിലബസ് ആണ് പിന്തുടരുന്നത് എന്നതിനാൽ വിദ്യാർഥികളുടെ രക്ഷിതാക്കൾ ജോലി സ്ഥലം മാറ്റം ലഭിച്ച് വിവിധ പ്രദേശങ്ങളിലേക്ക് പോയാലും പ്രയാസം സൃഷ്ടിക്കാതിരിക്കുന്നു. കേന്ദ്രീയ വിദ്യാലയ സംഘഠൻ എന്ന വകുപ്പാണ് കേന്ദ്രീയ വിദ്യാലയങ്ങളുടെ മേൽനോട്ടം വഹിക്കുന്നത്.ന്യൂഡൽഹിയിലാണ് ഇതിന്റെ ആസ്ഥാനം.

സ്ഥലങ്ങൾ[തിരുത്തുക]

ലോകമാകെ 1090 കേന്ദ്രീയ വിദ്യാലയങ്ങളാണുള്ളതിൽ 1087 എണ്ണമാണ് ഇന്ത്യക്കകത്തുള്ളത്. മൂന്നെണ്ണം ഇന്ത്യക്ക് പുറത്തുള്ള രാജ്യങ്ങളിലാണ്. 11,29,481 വിദ്യാർഥികളും(2012 ഒക്ടോബർ 1 ലെ കണക്ക്) 56,445 ജോലിക്കാരുമാണ് ഇപ്പോൾ കേന്ദ്രീയവിദ്യാലയത്തിന് കീഴിൽ ജോലിചെയ്യുന്നത്. കാഠ്മണ്ഡു, മോസ്കോ, ടെഹ്‌റാൻ എന്നിവിടങ്ങളിലാണ് ഇന്ത്യക്ക് പുറത്തുള്ള കേന്ദ്രീയ വിദ്യാലയങ്ങൾ പ്രവർത്തിക്കുന്നത്.

സവിശേഷതകൾ[തിരുത്തുക]

എല്ലാ സ്‌കൂളുകളിലും ഏകീകൃത സിലബസ്സും രണ്ടു ഭാഷാ ബോധനവും നടക്കുന്നു. ഇവയെല്ലാം കോ-എജ്യുക്കേഷൻ രീതിപ്രകാരം പ്രവർത്തിക്കുന്നതുമാണ്. ആറ് മുതൽ എട്ടാം ക്ലാസ് വരെ സംസ്‌കൃത പഠനം ഈ സ്‌കുളുകളിൽ നിർബന്ധിത പാഠ്യവിഷയമാണ്.

ഇതുകൂടി കാണുക[തിരുത്തുക]

"http://ml.wikipedia.org/w/index.php?title=കേന്ദ്രീയ_വിദ്യാലയം&oldid=1774287" എന്ന താളിൽനിന്നു ശേഖരിച്ചത്