കരോലിൻ മറ്റിൽഡ ഡോഡ്‌സൺ

ഇംഗ്ലീഷ് വിലാസം

https://ml.wikipedia.org/wiki/Caroline_Matilda_Dodson

"A Woman of the Century"

കരോളിൻ മട്ടിൽഡ ഡോഡ്‌സൺ (ഡിസംബർ 17, 1845 - ജനുവരി 9, 1898) ഒരു അമേരിക്കൻ വൈദ്യയായിരുന്നു.

കരോലിൻ മറ്റിൽഡ ഡോഡ്‌സൺ 1845 ഡിസംബർ 17 ന് അമേരിക്കയിലെ അയോവയിലെ കിയോസാക്വയ്ക്ക് സമീപം ജനിച്ചു. അവളുടെ പിതാവ്, സ്റ്റൈൽസ് റിച്ചാർഡ് ഡോഡ്‌സൺ, റിച്ചാർഡ് ഡോഡ്‌സണിന്റെയും ഹന്ന വാട്‌സണിന്റെയും മകനായിരുന്നു. അവളുടെ അമ്മ, ശ്രീമതി. കരോലിൻ മട്ടിൽഡ (നീ ഹാരിസൺ) ഡോഡ്‌സൺ, സ്റ്റീഫൻ ഹാരിസണിന്റെയും മേരി ഡോഡ്‌സണിന്റെയും മകളായിരുന്നു. മിസ് ഡോഡ്‌സന്റെ അച്ഛനും അമ്മയും പെൻസിൽവാനിയയിലെ ഹണ്ടിംഗ്ഡൺ വാലി സ്വദേശികളും 1836-ൽ വിവാഹിതരുമായിരുന്നു. അവളുടെ അമ്മ ശ്രീമതി. സി. മറ്റിൽഡ ഡോഡ്‌സൺ വിവാഹം കഴിഞ്ഞ് ഏകദേശം ആറാഴ്‌ചയ്‌ക്ക് ശേഷം, അവർ പെൻസിൽവാനിയ വിട്ട് പടിഞ്ഞാറോട്ട് പോയി അയോവയിലെ വാൻ ബ്യൂറൻ കൗണ്ടിയിൽ താമസമാക്കി. സ്റ്റൈൽസ് ആർ. ഡോഡ്‌സൺ 1847-ൽ മരിച്ചു, അന്ന് അദ്ദേഹത്തിന്റെ വിധവയ്ക്ക് നാല് പെൺമക്കളുണ്ട്, ഇളയവൾക്ക് രണ്ട് വയസ്സിൽ താഴെ മാത്രം പ്രായമുണ്ടായിരുന്നുള്ളൂ. അവളുടെ സഹോദരിമാരുടെ പേര് മെൽവിന (മ. 1862), മേരി, സൂസൻ എന്നായിരുന്നു ആ ശൈത്യകാലത്ത് അമ്മ സ്വന്തം വീട്ടിൽ പാഠങ്ങൾ പഠിപ്പിച്ചു. 1848-ലെ വസന്തകാലത്ത് അവൾ കുടുംബത്തോടൊപ്പം പെൻസിൽവാനിയയിലെ പിതാവിന്റെ വീട്ടിലേക്ക് മടങ്ങി. 1857 നവംബറിൽ കരോലിൻ ജ്ഞാനസ്നാനമേറ്റു, അതിനുശേഷം അവൾ ബാപ്റ്റിസ്റ്റ് പള്ളിയിൽ അംഗമായി.

സ്വകാര്യ അധ്യാപകരുടെ കീഴിലുള്ള വീട്ടിലിരുന്നുള്ള പഠനവും പിന്നീട് അമ്മയിൽ നിന്നുള്ള ആദ്യകാല പാഠങ്ങൾക്ക് അനുബന്ധമായി. ജില്ലാ സ്കൂളിലെ പഠനവും ആയി അവൾ വളർന്നു. ഏകദേശം പന്ത്രണ്ട് വയസ്സുള്ളപ്പോൾ, അവളെ ഒരു അക്കാദമിയിലേക്കും സാധാരണ ഇൻസ്റ്റിറ്റ്യൂട്ടിലേക്കും അയച്ചു. 1861 ലെ ശൈത്യകാലത്ത് അവൾ പഠിപ്പിക്കാൻ തുടങ്ങി. ചെറിയ ഇടവേളകളിൽ സ്‌കൂളിൽ തിരിച്ചെത്തിയ അവർ, 1871-ലെ ശരത്കാലം വരെ വിദ്യാലയത്തിൽ , പഠിപ്പിച്ചു പോന്നു. പെൻസിൽവാനിയയിലെ വുമൺസ് മെഡിക്കൽ കോളേജിൽ മെട്രിക്കുലേറ്റ് ചെയ്യുന്നതുവരെ അധ്യാപന തൊഴിൽ പിന്തുടർന്നു. ഡോ.ആൻ പ്രെസ്റ്റണായിരുന്നു അന്ന് ഡീൻ. 1872-ലെ വേനൽക്കാലത്ത് അവൾ ഫിലാഡൽഫിയയിലെ വുമൺസ് ഹോസ്പിറ്റലിലെ നഴ്സസ് ട്രെയിനിംഗ് സ്കൂളിൽ ചെലവഴിച്ചു. ആവശ്യമായ കോഴ്‌സ് പൂർത്തിയാക്കി, നഴ്‌സുമാർക്കുള്ള പരിശീലന സ്‌കൂളിന്റെ സർട്ടിഫിക്കറ്റ് ഡോഡ്‌സണിന് ലഭിച്ചു. 1873-ലെ വേനൽക്കാലത്ത്, വാർഡുകളിലും ഔട്ട് പ്രാക്ടീസിലും വിദ്യാർത്ഥിനിയായി അവൾ അതേ ആശുപത്രിയിൽ ചെലവഴിച്ചു. അവൾ 1874 മാർച്ചിൽ ഡിപ്ലോമ നേടി, വൈദ്യശാസ്ത്രം പ്രാക്ടീസ് ചെയ്ത ആദ്യത്തെ സ്ത്രീകളിൽ ഒരാളായ ഡോ. റൂത്ത് എ . ജെറിയുടെ അടുത്ത് ഉപരിപഠനത്തിനായി മിഷിഗണിലെ ഇപ്സിലാന്റിയിലേക്ക് പോയി.

ഔദ്യോഗിക ജീവിതം

ജെറിയുടെ കൂടെ ഒരു വർഷം ആശുപത്രിയിലും സ്വകാര്യ പ്രാക്ടീസിലും ചെലവഴിച്ച ശേഷം ഡോഡ്സൺ ന്യൂയോർക്കിലെ റോച്ചസ്റ്ററിലേക്ക് പോയി, അവിടെ ഒരു പരിശീലനവുമായി ബന്ധപ്പെട്ട് ഒരു മരുന്ന് കട തുറന്നു. 1877-ൽ, അവളുടെ അമ്മ വീണ്ടും പടിഞ്ഞാറോട്ട് പോയി, മറ്റിൽഡയും അയോവയിലേക്ക് പോയി, ഹഡ്‌സൺ, ഗ്രേറ്റ് തടാകങ്ങൾ വഴി പോയ സമയ്ത്ത് പെൻസിൽവാനിയയിലെ പിറ്റ്സ്ബർഗിൽ നടന്ന കലാപത്തിൽ ഒരു കാർ മുഴുവനും സാധനങ്ങൾ വിലപിടിപ്പുള്ളഅവൾക്ക് നഷ്ടപ്പെട്ടു.

പടിഞ്ഞാറൻ യാത്രയ്ക്ക് ശേഷം അവൾ ഫിലാഡൽഫിയയിലേക്ക് മടങ്ങി, ലാഭകരമെന്ന് തോന്നുന്ന എന്തു ജോലിയും ചെയ്തു. കുറച്ചുകാലം, അവളുടെ കുടുംബത്തിലെ മൂന്ന് പേരുടെ ജീവിതച്ചെലവ് വഹിക്കാൻ അവൾ ആഴ്ചയിൽ US$5 വീതം ചെലവഴിച്ചിരുന്നു, എന്നാൽ ആരോടും ഒന്നും ആവശ്യപ്പെടാതെ, തന്നെ ഫിലാഡൽഫിയ സൊസൈറ്റി ഫോർ ഓർഗനൈസിംഗ് ചാരിറ്റിയിൽ നിന്ന് ഒരു ജില്ലയുടെ സൂപ്രണ്ടായി പ്രവർത്തിക്കാനുള്ള ഓഫറുകൾ വന്നു. ഡോഡ്‌സൺ ആ സ്ഥാനം സ്വീകരിച്ചു, എട്ട് വർഷക്കാലം, അവളുടെ സ്വകാര്യ വൈദ്യശാസ്ത്രവുമായി ബന്ധപ്പെട്ട് ആ സ്ഥാനം നിലനിർത്തി.

നാഷണൽ വുമൺസ് ഹെൽത്ത് അസോസിയേഷൻ ഓഫ് അമേരിക്ക

ഒരു അധ്യാപികയെന്ന നിലയിൽ, മികച്ച വിദ്യാഭ്യാസ രീതികൾക്കായി അവർ ധൈര്യത്തോടെ എഴുതുകയും സംസാരിക്കുകയും ചെയ്തു, പഠനത്തിനുള്ള അവസരങ്ങൾ വിശാലമാക്കാൻ വാദിച്ചു. ഒരു പൊതു പ്രസ്ഥാനം ജനങ്ങളെ ബോധവൽക്കരിക്കാനും സ്വയം പരിചരണത്തെക്കുറിച്ചുള്ള അറിവ് പ്രചരിപ്പിക്കാനും സഹായിക്കുമെന്ന് അവർ കണ്ടു. ഇതിനായി, ഏറെ ആലോചനകൾക്കുശേഷം, 1890 ജൂലൈ 23-ന് ഫിലാഡൽഫിയയിലെ അസോസിയേഷൻ ഹാളിൽ ഒരു പൊതുയോഗം നടത്താൻ ആഹ്വാനം ചെയ്യുകയും നാഷണൽ വുമൺസ് ഹെൽത്ത് അസോസിയേഷൻ ഓഫ് അമേരിക്ക എന്ന പേരിൽ ഒരു സംഘടന അരംഭിക്കുകയും ചെയ്തു. 1890 നവംബർ 1 ന് അസോസിയേഷൻ ചാർട്ടേഡ് ചെയ്തു. ഡോഡ്സൺ ആദ്യത്തെ പ്രസിഡന്റായി തിരഞ്ഞെടുക്കപ്പെട്ടു. അസോസിയേഷന്റെ പദ്ധതി വിശാലവും വിപുലമായ പ്രവർത്തനത്തിന് നൽകപ്പെട്ടതുമായിരുന്നു. ആരോഗ്യ വിഷയങ്ങളുടെ ചർച്ചയിലൂടെ പൊതുജനങ്ങളുമായി കൂടുതൽ അടുത്ത ബന്ധത്തിലേക്ക് മെഡിക്കൽ പ്രൊഫഷനെ കൊണ്ടുവരിക എന്നതായിരുന്നു ഇതിന്റെ ലക്ഷ്യം.