ഇന്ദ്രിയം (ചലച്ചിത്രം)

ജോർജ് കിത്തു സംവിധാനം ചെയ്ത് 2000-ൽ പുറത്തിറങ്ങിയ മലയാള ചലച്ചിത്രമാണ് ഇന്ദ്രിയം. വിക്രം, നിഷാന്ത് സാഗർ, ബോബൻ അലമുദൻ, ലെന, വാണി വിശ്വനാഥ് തുടങ്ങിയവർ അഭിനയിച്ചിരിക്കുന്ന ഈ ചിത്രം ഒരു പ്രേതകഥയാണ് പറയുന്നത്. ഒരു കൂട്ടം കോളജ് സുഹൃത്തുക്കൾ മുതുവൻമല കാട്ടിലെത്തുകയും അവരെ ഒരു യക്ഷി ഉപദ്രവിക്കുകയും ചെയ്യുന്നതാണ് ചിത്രത്തിന്റെ പ്രമേയം. പ്രദർശനത്തിനെത്തിയതിനു ശേഷമുള്ള ആദ്യനാളുകളിൽ മികച്ച വരുമാനം നേടിയ ഈ ചിത്രം അക്കാലത്തെ വലിയ ബോക്സോഫീസ് ഹിറ്റുകളിലൊന്നായി മാറുകയും ചെയ്തു. ചിത്രത്തിലെ ഡി.ടി.എസ് ശബ്ദ സമ്പ്രദായത്തിന്റെ ഉപയോഗം ഏറെ പ്രശംസ നേടിയിരുന്നു. 2000 ഡിസംബറിൽ മന്ദിര കോട്ടൈ എന്ന പേരിൽ തമിഴിലേക്കു മൊഴിമാറ്റി ചിത്രം പ്രദർശിപ്പിച്ചിരുന്നു.

അഭിനേതാക്കൾ

• വാണി വിശ്വനാഥ് - നീലി
• വിക്രം - ഉദയൻ
• കൊച്ചിൻ ഹനീഫ - സർക്കിൾ ഇൻസ്പെക്ടർ തീപ്പൊരി വീരഭദ്രൻ
• കൊച്ചു പ്രേമൻ - വള്ളക്കാരൻ ഗോപാലൻ
• പ്രതാപ്‌ ചന്ദ്രൻ - വടക്കേടത്ത് തിരുമേനി
• രാഘവൻ - പ്രൊഫസ്സർ.ശങ്കരനാരായണൻ
• ദേവൻ - രാജരാജ വർമ്മ തിരുമനസ്സ്
• രവി വള്ളത്തോൾ - രവി വർമ്മ
• നന്ദു - പ്രോഫസ്സർ.ജോസഫ്‌ എരുമേലി
• നിഷാന്ത് സാഗർ - സണ്ണി
• ആറന്മുള പൊന്നമ്മ - മുത്തശ്ശി
• ലെന - ശ്രീദേവി
• യദു കൃഷ്ണൻ - വിജയ്‌
• ബോബൻ ആലുമ്മൂടൻ - ഹരി
• നാരായണൻകുട്ടി - എ എസ് ഐ ഹംസ
• ശരത്ദാസ് - അനൂപ്‌
• കെ പി എ സി അസീസ് - കിട്ടുണ്ണി
• ഹക്കിം രാവുത്തർ - ചിണ്ടൻ