ഇംപാല

ഇംഗ്ലീഷ് വിലാസം

http://ml.wikipedia.org/wiki/Impala

ഇംപാല Impala
Young male Impala in Serengeti, Tanzania
Female Impala in Mikumi National Park, Tanzania
പരിപാലന സ്ഥിതി
ഒട്ടും ആശങ്കാജനകമല്ല (IUCN 3.1)
ശാസ്ത്രീയ വർഗ്ഗീകരണം
സാമ്രാജ്യം:	ജന്തു
ഫൈലം:	കോർഡേറ്റ
ക്ലാസ്സ്‌:	സസ്തനി
നിര:	Artiodactyla
കുടുംബം:	Bovidae
ഉപകുടുംബം:	Aepycerotinae Gray, 1872
ജനുസ്സ്:	Aepyceros Sundevall, 1847
വർഗ്ഗം:	A. melampus
ശാസ്ത്രീയ നാമം
Aepyceros melampus (Lichtenstein, 1812)
Subspecies
A. m. petersi A. m. melampus
Distribution of the Impala Red =A. m. melampus Blue = A. m. petersi

ആഫ്രിക്കയിൽ കാണപ്പെടുന്ന ഒരിനം കലമാനാണ് (antelope) ഇംപാല. (ശാസ്ത്രനാമം: എപ്പിസെറസ് മെലാ‌‌മ്പസ്). വേഗത്തിലോടുന്ന ഇംപാലമാനിന്റെ ഒതുങ്ങിയ ശരീരമാണ് ഇംപാലകറുകൾക്ക് ആ പേരുലഭിക്കാൻ കാരണമായത്.

വിവരണം

കിഴക്കേ ആഫ്രിക്കയിലാണ് ഇതു ധാരാളമായി കാണപ്പെടുന്നത്. പത്തു മുതൽ അൻപതുവരെ അംഗങ്ങളുള്ള കൂട്ടങ്ങളായി സമതലങ്ങൾക്കു തൊട്ടുള്ള കുറ്റിക്കാടുകളിലും മറ്റും ഇവ സഞ്ചരിക്കുന്നു. പ്രാന്ത പ്രദേശങ്ങളിൽ ജലാശയങ്ങളുള്ള കൊടുംകാടുകളുടെയും ഇടതൂർന്ന കുറ്റിക്കാടുകളുടെയും സമീപത്താണ് ഇവ ജീവിക്കുന്നത്. പന്ത്രണ്ടു മീറ്റർ ദൂരംവരെ ഇതിനു ചാടുവാൻ കഴിയും. വേഗത്തിൽ ഓടാനുള്ള കഴിവ് ഹിംസ്രജീവികളിൽ നിന്നും രക്ഷപ്പെടാൻ പലപ്പോഴും പ്രയോജനപ്പെടാറുണ്ട്. പുല്ലും ഇലകളുമാണ് ഇതിന്റെ പ്രധാന ആഹാരം.

ലക്ഷണങ്ങൾ

ഒരു മീറ്ററിൽ കൂടുതൽ ഉയരവും രണ്ടര മീറ്ററിലേറെ നീളവുമുണ്ടാകും. തിളങ്ങുന്ന ചുവപ്പുകലർന്ന തവിട്ടു നിറമാണ് ഇംപാലയുടേത്. അടിഭാഗം വെള്ളയായിരിക്കും. കണ്ണിനു ചുറ്റുമായും മോന്തയുടെ (snout) വശങ്ങളിലും ചെടെ ഉൾഭാഗങ്ങളിലും വെളുത്ത അടയാളങ്ങൾ കാണാം. രോമാവൃതമായ വാലിന് കറുപ്പു നിറമായിരിക്കും. ആൺ മാനിന് നീണ്ടു നേർത്ത കൊമ്പുകളുണ്ട്. ഇവയുടെ അടിയിൽ ധാരാളം വലയങ്ങൾ കാണാം.

പ്രത്യുൽപാദനം

ആൺമാൻ പല പെൺമാനുകളുമായി ഇണചേരുന്നു. എട്ടു മാസമാണ് ഗർഭകാലം. ഒരു പ്രസവത്തിൽ ഒന്നു മുതൽ മൂന്നു വരെ കുഞ്ഞുങ്ങൾ ഉണ്ടായിരിക്കും.

പുറംകണ്ണികൾ

വിക്കിമീഡിയ കോമൺസിലെ Aepyceros എന്ന വർഗ്ഗത്തിൽ ഇതുമായി ബന്ധപ്പെട്ട കൂടുതൽ പ്രമാണങ്ങൾ ലഭ്യമാണ്:

• Impala: summary from the African Wildlife Foundation