A

ഇംഗ്ലീഷ് വിലാസം

http://ml.wikipedia.org/wiki/A

a എന്ന വാക്കിനർത്ഥം മലയാളം വിക്കി നിഘണ്ടുവിൽ കാണുക

ലത്തീൻ അക്ഷരമാല
	Aa	Bb	Cc	Dd
Ee	Ff	Gg	Hh	Ii	Jj
Kk	Ll	Mm	Nn	Oo	Pp
Qq	Rr	Ss	Tt	Uu	Vv
	Ww	Xx	Yy	Zz

ലത്തീൻ അക്ഷരമാലയിലെ ഒന്നാമത്തെ അക്ഷരമാണ്‌ A. ഇംഗ്ലീഷിൽ ഏ(pronounced /eɪ/) എന്നാണ്‌ ഇതിന്റെ പേര്.

ചരിത്രം

ഈജിപ്തിലെ ഹെയ്റോഗ്ലിഫിക് ലിപിയിലുള്ള കാളത്തലയുടെ ചിത്രാക്ഷരത്തിൽനിന്നാണ്‌ ഈ ലിപിയുടെ ഉല്പത്തി.

Egyptian	Proto-Semitic ox's head	Phoenician aleph	Greek Alpha	Etruscan A	Roman A

ഏകദേശം ബി.സി.1600-നടുത്ത് ഫൊണീഷ്യൻ അക്ഷരമാലയിൽ ഈ അക്ഷരത്തിന്‌ രേഖീയരൂപം കൈവരുന്നു. അലിഫ് എന്നാണ്‌ ഈ അക്ഷരത്തിനു പേര്. ഇതിൽനിന്നാണ്‌ പല ഭാഷകളിലെയും സമാന അക്ഷരങ്ങൾ ഉണ്ടാകുന്നത്.

Blackletter A	Uncial A	Another Blackletter A
Modern Roman A	Modern Italic A	Modern Script A

ഫൊണീഷ്യനിലും മറ്റു സെമറ്റിക് ഭാഷകളിലും ശ്വാസദ്വാരീയസ്പർശത്തെ കുറിക്കാനാണ്‌ അലിഫ് ഉപയോഗിക്കുന്നത്.ഗ്രീക്കുകാർ ഈ അക്ഷരമാല സ്വീകരിച്ചപ്പോൾ അവരുടെ ഉച്ചാരണത്തിലില്ലാത്ത പ്രസ്തുത സ്വനിമത്തിനു പകരം /a/ എന്ന സ്വരത്തിന്റെ ചിഹ്നമായി ഇതിനെ കണക്കാക്കി. ആൽഫ എന്നാണ്‌ ഗ്രീക്കിൽ ഈ അക്ഷരത്തെ വിളിച്ചത്. ഇട്രൂറിയക്കാർവഴി ഗ്രീക് അക്ഷരമാല ഇറ്റാലിയൻ ഉപദ്വീപിൽ പ്രചരിക്കുകയും റോമക്കാർ ലത്തീൻ എഴുതാൻ ഈ ലിപി ഉപയോഗക്കുകയും ചെയ്തു. ലത്തീൻ അക്ഷരമാലയിൽ സ്ഥാനംനേടിയ ഈ അക്ഷരം ഇന്ന് ഇംഗ്ലീഷ് അടക്കമുള്ള ഭാഷകൾ (പ്രധാനമായും ഇറ്റാലിയൻ-ജർമ്മാനിക് ഗോത്രങ്ങളിൽപ്പെട്ട ഭാഷകൾ) എഴുതാൻ ഉപയോഗിച്ചുവരുന്നു.

Typographic variants include a double-story and single-story a.

ചെറിയക്ഷരത്തിന്‌ രണ്ടുരൂപങ്ങൾ ഉണ്ട്. കയ്യെഴുത്തിലും ചെരിച്ചെഴുത്തിലും (ɑ)എന്നും (ലത്തീൻ ആൽഫ എന്നു പേർ)അച്ചടിയിൽ a എന്ന രൂപവും സാധാരണയായി ഉപയോഗിക്കുന്നു. രണ്ട് ലിപികളും വലിയക്ഷരത്തിൽനിന്ന് രൂപംകൊണ്ടവയാണ്‌. പലവിധം മിനുക്കുകൾ(en:serif) ഈ അക്ഷരങ്ങളിൽ വരുത്താറുണ്ട്.

ധ്വനിമൂല്യം

ഇംഗ്ലീഷിൽ A എന്ന അക്ഷരം ഒന്നിലധികം സ്വനിമങ്ങളെ പ്രതിനിധീകരിക്കുന്നു.

1. നിമ്‌നോച്ചമായ അഗ്ര അവർത്തുളിതസ്വരം(æ ) - (/æ/ -padഎന്നതിലെ ഉച്ചാരണം
2. നിമ്‌നമായ മൂല അവർത്തുളിതസ്വരം(ɑː )- /ɑː/)-father എന്നതിലെ ഉച്ചാരണം
3. /eɪ/ എന്ന ദ്വിസ്വരം-ace, major തുടങ്ങിയവയിലെ ഉച്ചാരണം. അക്ഷരത്തിന്റെ പേരിനും ഈ ഉച്ചാരണംതന്നെ. മധ്യകാല ഇംഗ്ലീഷിൽനിന്ന് ആധുനിക ഇംഗ്ലീഷിനു‍ വന്ന പ്രധാനപ്പെട്ട ഒരു ഉച്ചാരണപരിണാമമാണിത്. Aഇംഗ്ലീഷിൽ ഇവ്വിധം ദ്വിസ്വരമാകാനുണ്ടായ കാരണങ്ങളെ‌ ഓട്ടോ ജെസ്പേഴ്സന്റെ വ്യാപകസ്വരപരിണാമസിദ്ധാന്തം വിവരിക്കുന്നുണ്ട്.
4. ലത്തീൻ അക്ഷരമാല ഉപയോഗിക്കുന്ന മറ്റു മിക്ക ഭാഷകളിലും A നിമ്‌നമായ കേന്ദ്ര അവർത്തുളിതസ്വരമായോ നിമ്‌നമായ മൂല അവർത്തുളിതസ്വരമായോ ആണ്‌ ഉച്ചരിക്കുന്നത്.

ദീർഘസ്വനിമങ്ങളെയും ഹ്രസ്വസ്വനിമങ്ങളെയും A കൊണ്ടാണ്‌ ഇംഗ്ലീഷിൽ സൂചിപ്പിക്കുന്നത്.

ഉപയോഗം

ഏറ്റവും കൂടുതൽ ഉപയോഗിക്കപ്പെടുന്ന ലത്തീൻ അക്ഷരങ്ങളിൽ Aയ്ക്ക് ഇംഗ്ലീഷ് ഭാഷയിൽ മൂന്നാം സ്ഥാനമാണ്. സ്പാനിഷ്, ഫ്രഞ്ച് ഭാഷകൾ A-യുടെ ഉപയോഗത്തിൽ‍ രണ്ടാം സ്ഥാനത്താണ്‌‌. ഇംഗ്ലീഷിൽ ആകെ ഉപയോഗിക്കുന്നതിൽ ഏകദേശം 8.2% അക്ഷരങ്ങളും സ്പാനിഷിൽ 6.2% അക്ഷരങ്ങളും ഫ്രഞ്ചിൽ 4% അക്ഷരങ്ങളും A-യാണ്‌.

കമ്പ്യൂട്ടിങ് കോഡുകൾ

യൂണികോഡിൽ വലിയക്ഷരത്തിന്‌ U+0041 -ഉം ചെറിയക്ഷരത്തിന്‌ U+0061-ഉം ആണ്‌ കോഡുകൾ.

ഇവ കൂടി കാണുക

അ

അലിഫ്

ആൽഫ