റൺലെവൽ

ഇംഗ്ലീഷ് വിലാസം

http://ml.wikipedia.org/wiki/Runlevel

യുണിക്സ് സദൃശ്യ ഓപ്പറേറ്റിങ് സിസ്റ്റങ്ങളിൽ തൽസമയത്തെ പ്രവർത്തനനിലയെ കാണിക്കുന്ന സംഖ്യയാണ് റൺലെവൽ. 0 മുതൽ 6 വരെയായി ഏഴ് റൺലെവലുകളാണ് സാധാരണയായി കണ്ടുവരുന്നത്. ഓരോ റൺ ലെവലിലും ആ കമ്പ്യൂട്ടർ നൽകുന്ന സേവനങ്ങൾക്ക് മാറ്റമുണ്ടായിരിക്കും.

ഓപ്പറേറ്റിങ് സിസ്റ്റം ബൂട്ട് ചെയ്യുമ്പോൾ മുൻനിശ്ചയപ്രകാരമുള്ള ഏതെങ്കിലും ഒരു റൺലെവലിലായിരിക്കും കമ്പ്യൂട്ടർ പ്രവർത്തിക്കുക. താഴെക്കാണുന്നവ റൺലെവലുകൾക്ക് ഉദാഹരണങ്ങളാണ്.

• സിംഗിൾ യൂസർ മോഡ്
• നെറ്റ്‌വർക്കിങ് സേവനമില്ലാതെ മൾട്ടിയൂസർ മോഡ്
• നെറ്റ്‌വർക്കിങ് സേവനമുള്ള മൾട്ടിയൂസർ മോഡ്
• സിസ്റ്റം ഷട്ട്ഡൗൺ
• സിസ്റ്റം റീബൂട്ട്

ഇത്തരം റൺലെവലുകൾക്ക് ഓരോ ഓപ്പറേറ്റിങ് സിസ്റ്റവും നൽകുന്ന സംഖ്യയും വ്യത്യസ്തമാണ്. init എന്ന പ്രോഗ്രാം ഉപയോഗിച്ച് ഒരു റൺലെവലിൽ നിന്നും മറ്റൊരു റൺലെവലിലേക്ക് മാറാൻ സാധിക്കും.

ലിനക്സിൽ

പ്രധാനപ്പെട്ട ചില ലിനക്സ് വിതരണങ്ങൾ പിന്തുടരുന്ന റൺലെവലുകൾ‌

സംഖ്യ	പേര്	വിവരണം
0	ഹോൾട്ട്	സിസ്റ്റം പ്രവർത്തനരഹിതമാക്കുന്നു.
1	സിംഗിൾ-യൂസർ മോഡ്	സുപ്രധാനകാര്യങ്ങൾ നിർവഹിക്കുന്നതിനുള്ള മോഡ്.[1]
2	മൾട്ടി-യൂസർ മോഡ്	Does not configure network interfaces and does not export networks services.[2]
3	നെറ്റ്‌വർക്കിങ്ങോടു കൂടിയ മൾട്ടി യൂസർ മോഡ്	സിസ്റ്റം സാധാരണഗതിയിൽ പ്രവർത്തിപ്പിക്കുന്നു.[3]
4	ഉപയോഗത്തിലില്ല/ഉപയോക്താവിന് നിർവചിക്കാവുന്നത്.	പ്രത്യേകാവശ്യങ്ങൾക്ക്
5	സാധാരണ രീതിയിൽ സിസ്റ്റം പ്രവർത്തനമാരംഭിക്കുന്നു (സചിത്രസമ്പർക്കമുഖത്തോടെ)	റൺലെവൽ 3-നോടൊപ്പം ഡിസ്പ്ലേ മാനേജറും.
6	റീബൂട്ട്	സിസ്റ്റം റീബൂട്ട്