അണുപ്രസരണം
വിക്കിപീഡിയ, ഒരു സ്വതന്ത്ര വിജ്ഞാനകോശം.
| അണുകേന്ദ്രഭൗതികം |
 |
| അണുകേന്ദ്രഭൗതികം |
| റേഡിയോ ആക്റ്റിവിറ്റി ക്ഷയം അണുവിഘടനം അണുസംയോജനം |
| Classical decays |
| ആല്ഫാ ക്ഷയം · ബീറ്റാ ക്ഷയം · ഗാമാ വികിരണം · ക്ലസ്റ്റര് ക്ഷയം |
| Advanced decays |
| ഇരട്ട ബീറ്റാക്ഷയം · Double electron capture · Internal conversion · Isomeric transition |
| Emission processes |
| ന്യൂട്രോണ് ഉല്സര്ജ്ജനം · പോസിട്രോണ് ഉല്സര്ജ്ജനം · പ്രോട്ടോണ് ഉല്സര്ജ്ജനം |
| Capturing |
| Electron capture · Neutron capture R · S · P · Rp |
| Fission |
| Spontaneous fission · Spallation · Cosmic ray spallation · Photodisintegration |
| ന്യൂക്ലിയോസിന്തെസിസ് |
| Stellar Nucleosynthesis മഹാവിസ്ഫോടന ന്യൂക്ലിയോസിന്റെസിസ് സൂപ്പര് നോവ ന്യൂക്ലിയോസിന്തെസിസ് |
| Scientists |
|
|
ബാഹ്യപ്രേരണയില്ലാതെ ചില മൂലകങ്ങള് ഉന്നതോര്ജ്ജത്തിലുള്ള വികിരണങ്ങളും, കണങ്ങളും തനിയേ ഉത്സര്ജ്ജിക്കുന്നു. ഈ പ്രതിഭാസത്തെയാണ് അണുപ്രസരണം. (റേഡിയോ ആക്റ്റിവിറ്റി) എന്നു പറയുന്നത്. ഈ പ്രതിഭാസം പ്രകടിപ്പിക്കുന്ന മൂലകങ്ങളെ അണുപ്രസരക മൂലകങ്ങള് എന്നും പറയുന്നു.
ഇത്തരം മൂലകങ്ങള് ഉത്സര്ജ്ജിക്കുന്ന കണങ്ങളും വികിരണങ്ങളും ജീവജാലങ്ങള്ക്ക് ഹാനികരമാണെങ്കിലും സുരക്ഷിതപരിധിയിലുള്ള വികിരണങ്ങള് രോഗങ്ങള് കണ്ടെത്തുന്നതിലും, ചികിത്സിക്കുന്നതിനും, ഭക്ഷണപദാര്ത്ഥങ്ങള് കേടുകൂടാതെ സൂക്ഷിക്കുന്നതിനും, എണ്ണക്കുഴലുകളുടേയും മറ്റും കേടുകള് കണ്ടുപിടിക്കുന്നതിനും ഉപയോഗിക്കുന്നു.
ഉള്ളടക്കം |
[തിരുത്തുക] ചരിത്രം
ഫ്രഞ്ചു ശാസ്ത്രജ്ഞനായ ഹെന്രി ബെക്കറല് 1896-ല് ആണ് റേഡിയോ ആക്റ്റിവിറ്റി എന്ന പ്രതിഭാസം ആദ്യമായി കണ്ടെത്തിയത്. ഒരു യുറേനിയം സംയുക്തത്തെ കറുത്ത കടലാസില് പൊതിഞ്ഞു ഫോട്ടോഗ്രാഫിക് തകിടിനു മുന്പില് വച്ചു. തകിട് ഡെവലപ്പ് ചെയ്ത് നോക്കിയപ്പോള് ഈ സംയുക്തത്തില് നിന്നുള്ള ഏതോ രശ്മികള് അതില് പതിച്ചിരുന്നെന്നു അദ്ദേഹം മനസിലാക്കി. മേരി ക്യൂറിയാണ് ഈ പ്രതിഭാസത്തെ റേഡിയോ ആക്റ്റിവിറ്റി എന്നു നാമകരണം നടത്തിയത്.
[തിരുത്തുക] കാരണം
അണുപ്രസരക മൂലകങ്ങളുടെ അണുകേന്ദ്രം അസ്ഥിരമായതാണ്. അതു കൊണ്ട് അവ സ്വതവേ പിളരുകയും തല്ഫലമായി ആണവവികിരണങ്ങള് പുറപ്പെടുവിക്കുകയും ചെയ്യുന്നു. ഇതാണ് അണുപ്രസരണത്തിനു നിദാനം.
[തിരുത്തുക] വികിരണങ്ങള്
മൂന്നുതരത്തിലുള്ള വികിരണങ്ങളാണ് ഒരു റേഡിയോ ആക്റ്റീവ് മൂലകത്തില് നിന്നും പുറപ്പെടുന്നത്.
ഇവയില് ആല്ഫാ രശ്മികള് ഏറ്റവും ശക്തി കുറഞ്ഞതും ഗാമാ ഏറ്റവും ശക്തിയേറിയതുമാണ് എങ്കിലും മൂന്നു തരം വികിരണങ്ങളും അപകടകാരികളാണ്.
ആല്ഫാകണങ്ങളെ ഒരു കടലാസുതാളിന് തടയാന് സാധിക്കും. എന്നാല് ബീറ്റാകണങ്ങള് ഇതിലൂടെ തുളച്ചു കടക്കുമെങ്കിലും ഒരു അലൂമിനിയം തകിടിന് അതിനെ തടയാനാകും. എന്നാല് ഗാമാ വികിരണം ഇവയേക്കാളേറെ ശക്തമാണ്. കട്ടിയുള്ള കറുത്തീയത്തിന് ഗാമാവികിരണങ്ങളെ തടഞ്ഞു നിര്ത്താനുള്ള കഴിവുണ്ട്.
[തിരുത്തുക] റേഡിയോ ആക്റ്റിവിറ്റി ക്ഷയം
ഒരു മൂലകത്തിന്റെ അണുകേന്ദ്രം ആല്ഫയോ ബീറ്റയോ കണങ്ങള് പുറപ്പെടുവിക്കുമ്പോള് അണുവിന് മാറ്റം സംഭവിക്കുകയും അത് മറ്റൊരു മൂലകത്തിന്റെ അണുവായി മാറുന്നു. ഈ പ്രക്രിയയെ റേഡിയോ ആക്റ്റീവ് ക്ഷയം (Decay) എന്നു പറയുന്നു. തുടര്ച്ചയായ ഇത്തരം നാശത്തിലൂടെ രൂപം കൊള്ളുന്ന മൂലകങ്ങളുടെ ശ്രേണിയെ ആണ് റേഡിയോ ആക്റ്റീവ് ശ്രേണി എന്നു പറയുന്നത്.
[തിരുത്തുക] റേഡിയോ ആക്റ്റിവിറ്റിയുടെ അളവ്
റേഡിയോ ആക്റ്റിവിറ്റിയുടെ എസ്.ഐ. ഏകകം ബെക്കറല് (Becquerel) ആണ് ചുരുക്കി Bq എന്നെഴുതും. ഒരു വസ്തുവിലെ ഒരു അണു റേഡിയോ ആക്റ്റീവ് നാശത്തിനു വിധേയമാകാന് ഒരു സെക്കന്റ് സമയം എടുക്കുന്നുവെങ്കില് റേഡിയോ ആക്റ്റിവിറ്റി ഒരു ബെക്കറല് ആണെന്നു പറയാം.
റേഡിയോ ആക്റ്റിവിറ്റി അളക്കുന്നതിനുള്ള ഉപകരണമാണ് ഗീഗര് കൌണ്ടര്. ഹാന്സ് ഗീഗര് എന്ന ഭൗതികശാസ്ത്രജ്ഞനാണ് ഈ ഉപകരണം കണ്ടെത്തിയത്.
[തിരുത്തുക] പശ്ചാത്തലവികിരണം
പ്രകൃതിയില് പാറകളിലും ധാതുക്കളിലുമായി ധാരാളം റേഡിയോ ആക്റ്റീവ് മൂലകങ്ങള് കണ്ടുവരുന്നു. അവ കുറഞ്ഞ അളവിലുള്ള റേഡിയോ ആക്റ്റിവിറ്റി പ്രകടമാക്കുകയും ചെയ്യുന്നു. ജീവജാലങ്ങള്ക്ക് അപകടകരമല്ലാത്ത ഈ പ്രവര്ത്തനത്തെ പശ്ചാത്തല വികിരണം (Background radiation) എന്നാണ് അറിയപ്പെടുന്നത്.
[തിരുത്തുക] അയോണീകരണ വികിരണം
റേഡിയോ ആക്റ്റീവ് വികിരണങ്ങളും കണങ്ങളും ഒരു വസ്തുവിലൂടെ കടന്നു പോകുമ്പോള് അവയിലെ ആറ്റങ്ങളില് നിന്ന് ഇലക്ട്രോണുകളെ പുറത്തേക്ക് തെറിപ്പിക്കുകയും അങ്ങനെ ആ അണുക്കള് അയോണുകളായി പരിവര്ത്തനം ചെയ്യപ്പെടുകയും ചെയ്യുന്നു. ഇത്തരം വികിരണത്തെ അയോണീകരണ വികിരണം (Ionizing radiation) എന്നാണ് അറിയപ്പെടുന്നത്. അയോണീകരണ വികിരണം ജീവകലകളെ നശിപ്പിക്കുന്നതിനാല് ജീവജാലങ്ങള്ക്ക് അപകടകരമാണ്. എങ്കിലും ഈ വികിരണത്തെ നിയന്ത്രിച്ച് അര്ബുദം പോലെയുള്ള അപകടകാരികളായ ശരീരകോശങ്ങളെ നശിപ്പിക്കാന് ഉപയോഗിക്കുന്നു.
[തിരുത്തുക] ഇറേഡിയേഷന്
ഒരു വസ്തുവിനെ റേഡിയോ ആക്റ്റീവ് വികിരണത്തിന് വിധേയമാക്കുന്ന പ്രക്രിയയാണ് ഇറേഡിയേഷന് (irradiation). കുറഞ്ഞ അളവിലുള്ള വികിരണാഘാതം പഴങ്ങള് പോലെയുള്ള ഭക്ഷ്യവസ്തുക്കളെ കേടുകൂടാതെ സൂക്ഷിക്കുന്നതിന് സഹായകരമാണ്. ഭക്ഷണത്തിനോ അതു കഴിക്കുന്നവര്ക്കോ ഹാനികരമാകാതെ ഭക്ഷണത്തെ കേടുവരുത്തുന്ന ചെറുജീവികള് ഈ വികിരണം മൂലം നശിക്കുന്നു.
[തിരുത്തുക] അര്ദ്ധായുസ്സ്
ഒരു വസ്തുവിന്റെ റേഡിയോ ആക്റ്റിവിറ്റി നേര് പകുതിയായി കുറയാന് എടുക്കുന്ന കാലയളവിനെയാണ് അര്ദ്ധായുസ്സ് എന്നു പറയുന്നത്.
റേഡിയോ ആക്റ്റിവിറ്റി പ്രകടമാക്കുന്ന മൂലകങ്ങളോരോന്നിന്റേയും അര്ദ്ധായുസ്സ് ഒരു സ്ഥിര കാലയളവാണ്. ഈ കാലയളവില് വസ്തുവിലെ കൃത്യം പകുതി റേഡിയോ ആക്റ്റീവ് അണുക്കള് നാശത്തിനു വിധേയമാകുന്നു. അടുത്ത അര്ദ്ധായുസ്സ് കാലയളവിനു ശേഷം ഇത്തരം അണുക്കള് നാലിലൊന്നായും തൊട്ടടുത്ത അര്ദ്ധായുസ്സിനു ശേഷം എട്ടിലൊന്നായും കുറയുകയും, ഈ പ്രക്രിയ തുടരുകയും ചെയ്യുന്നു.
ഓരോ റേഡിയോ ആക്റ്റീവ് ഐസോട്ടോപ്പിന്റേയും അര്ദ്ധായുസ്സ് സെക്കന്റുകളുടെ ഒരംശം മുതല് ലക്ഷക്കണക്കിനു വര്ഷങ്ങള് വരെയാകാം.
[തിരുത്തുക] അവലംബം
- ഡോര്ലിങ് കിന്ഡര്സ്ലെയ് - കണ്സൈസ് എന്സൈക്ലോപീഡിയ സയന്സ് - ലേഖകന്: നീല് ആര്ഡ്ലി
