രചന നാരായണൻകുട്ടി

വിക്കിപീഡിയ, ഒരു സ്വതന്ത്ര വിജ്ഞാനകോശം.
രചന നാരായണൻകുട്ടി
ജനനം 22 മാർച്ച് 1985
തൃശ്ശൂർ
തൊഴിൽ അഭിനേത്രി
സജീവം 2010 - 2013
മാതാപിതാക്കൾ നാരായണൻ കുട്ടി
നാരായണി

മലയാളചലച്ചിത്രനടിയും മഴവിൽ മനോരമയിലെ മറിമായം[1] എന്ന ആക്ഷേപ ഹാസ്യ പരിപാടിയിൽ വൽസല എന്ന കഥാപാത്രം ചെയ്യുന്ന നടിയും കോമഡി ഫെസ്റ്റിവൽ എന്ന പരിപാടിയുടെ അവതാരകയും ആണ് രചന നാരായണൻകുട്ടി.[2]

ജീവിതരേഖ[തിരുത്തുക]

നാരായണൻ കുട്ടിയുടേയും നാരായണിടേയും രണ്ടു മക്കളിൽ ഒരാളായിട്ട് തൃശ്ശൂർ ജില്ലയിൽ ആണ് രചനയുടെ ജനനം. വിദ്യാർത്ഥിയായിരുന്നപ്പോൾ സ്‌ക്കൂൾ കലോത്സവങ്ങളിൽ ശാസ്ത്രീയനൃത്തം, ഓട്ടൻ തുള്ളൽ, കഥകളി, കഥാപ്രസംഗം തുടങ്ങിയ ഇനങ്ങളിൽ പങ്കെടുത്തു. നാലാം ക്‌ളാസുമുതൽ പത്തുവരെ തൃശൂർ ജില്ലാ കലാതിലകമായിരുന്നു. പിന്നീട് യൂണിവേഴ്‌സിറ്റി കലാതിലകമായും തിരഞ്ഞെടുക്കപ്പെട്ടിട്ടുണ്ട്.

അഭിനയജീവിതം[തിരുത്തുക]

തൃശൂർ ടൌണിൽ ഒരു മാനേജ്മെന്റ് സ്കൂളിൽ ഇംഗീഷ് അധ്യാപികയായി ജോലി ചെയ്തിരുന്ന അവസരത്തിൽ മിനിസ്ക്രീനിൽ അഭിനയ രംഗത്തെത്തി. മുമ്പ് റേഡിയോ ജോക്കിയായും രചന പ്രവർത്തിച്ചിട്ടുണ്ട്. രചന നായികയായ ആദ്യചലച്ചിത്രമാണ് ലക്കി സ്റ്റാർ. ജയറാം നായകനായ ഈ ചിത്രത്തിന്റെ സംവിധായകൻ ദീപു അന്തിക്കാടാണ്.

ചലച്ചിത്രങ്ങൾ[തിരുത്തുക]

നം. വർഷം ചിത്രം വേഷം മറ്റ് അഭിനേതാക്കൾ സംവിധായകൻ കുറിപ്പുകൾ
1 2001 തീർത്ഥാടനം[3] ജയറാം, സുഹാസിനി, മോണിക്ക, പൊന്നമ്മ ബാബു ബി. കണ്ണൻ നായികയുടെ സുഹൃത്ത്
2 2013 ലക്കി സ്റ്റാർ[4][5] ജാനകി ജയറാം, മാമുക്കോയ, മുകേഷ്, ടി.ജി. രവി ദീപു അന്തിക്കാട് നായിക
3 2013 ആമേൻ[4] ക്ലാര ഫഹദ് ഫാസിൽ, ഇന്ദ്രജിത്ത്, സ്വാതി റെഡ്ഡി, ജോയ് മാത്യു ലിജോ ജോസ് പെല്ലിശ്ശേരി
4 2013 101 ചോദ്യങ്ങൾ[6] ഇന്ദ്രജിത്ത്, ലെന, ജഗതി ശ്രീകുമാർ, നിഷാന്ത് സാഗർ സിദ്ധാർത്ഥ് ശിവ
5 2013 വല്ലാത്ത പഹയൻ[1] മണികണ്ഠൻ പട്ടാമ്പി, ശ്രീകുമാൻ, വിനോദ് കോവൂർ, സ്നേഹ ശ്രീകുമാർ ചിത്രീകരണം പുരോഗമിക്കുന്നു

അവലംബം[തിരുത്തുക]

  1. 1.0 1.1 "മറിമായം ടീമിനെ സിനിമയിലെടുത്തു!". മലയാളം ന്യൂസ്. 19 ഫെബ്രുവരി 2013. ശേഖരിച്ചത് 31 മാർച്ച് 2013. 
  2. "Winning Hearts the merry way". ദി ന്യൂ ഇന്ത്യൻ എക്സ്പ്രസ്. ശേഖരിച്ചത് 30 മാർച്ച് 2013. 
  3. നായർ, ജിഷ ജി. "നിനച്ചിരിക്കാതെ തെളിഞ്ഞ ഭാഗ്യനക്ഷത്രം". മനോരമ ഓൺലൈൻ. ശേഖരിച്ചത് 31 മാർച്ച് 2013. 
  4. 4.0 4.1 "രചന നാരായണൻ കുട്ടി". m3db. ശേഖരിച്ചത് 31 മാർച്ച് 2013. 
  5. "രചന നാരായണൻ കുട്ടി:അഭിമുഖം". ഏഷ്യാനെറ്റ് ന്യൂസ്. 9 മാർച്ച് 2013. ശേഖരിച്ചത് 31 മാർച്ച് 2013. 
  6. പി.എസ്., രാകേഷ്‌ (24 മാർച്ച് 2013). "ചോദ്യവഴികളിലെ നവാഗതനേട്ടം". മാതൃഭൂമി. ശേഖരിച്ചത് 31 മാർച്ച് 2013. 
"http://ml.wikipedia.org/w/index.php?title=രചന_നാരായണൻകുട്ടി&oldid=1855098" എന്ന താളിൽനിന്നു ശേഖരിച്ചത്