മാണിക്കവാചകർ

വിക്കിപീഡിയ, ഒരു സ്വതന്ത്ര വിജ്ഞാനകോശം.
തിരു ജ്ഞാനസംബന്ധർ, തിരുനാവുക്കരശ്(അപ്പർ), സുന്തരർ എന്നീ മൂന്ന് പ്രധാന നയനാർമാർ മാണിക്കവാസകരോടൊപ്പം.

ശൈവസന്ന്യാസി ആയിരുന്ന പ്രസിദ്ധ തമിഴ് കവി ആണ് മാണിക്കവാചകർ. എ ഡി 700-നും 800-നും ഇടയ്ക്ക് തിരുവാരൂരിൽ ജീവിച്ചിരുന്നതായി കരുതുന്നു. ഭക്തിരസപ്രധാനമായ തിരുവാചകം എന്ന കാവ്യത്തിന്റെ കർത്താവ്. `കോവൈ' വിഭാഗത്തിൽപ്പെടുന്ന തിരുക്കോവൈയാർ എന്ന കൃതിയും ഇദ്ദേഹം രചിച്ചതാണെന്ന് അഭിപ്രായമുണ്ട്. രാമലിംഗ അടികൾ, തായുമാനവർ തുടങ്ങിയ കവികൾക്ക് പ്രചോദകമായ കൃതിയാണ് തിരുവാചകം.[1]

കൃതികൾ[തിരുത്തുക]

തിരുവാചകം[തിരുത്തുക]

എട്ടാം ശതകത്തിൽ മാണിക്കവാചകർ ശിവപെരുമാനെ സ്തുതിച്ചു പാടിയ പാട്ടുകളാണ് തിരുവാചകം. 51 കാവ്യഖണ്ഡങ്ങൾ ഉൾക്കൊള്ളുന്ന ഈ കൃതിയിൽ ശൈവ തത്ത്വചിന്ത ആവിഷ്കരിക്കുന്നു. ഇതിലെ അറുനൂറ്റൻപത് പാട്ടുകളാണ് ഭക്തിഗാനങ്ങളിൽ ഏറെ പ്രശസ്തം. 'തിരുവാചകത്തിൽ അലിയാത്തവരുടെ മനസ്സ് ഒരു വാചകത്തിലും അലിയുകയില്ല' എന്നാണ് പഴഞ്ചൊല്ല്. [2]

തിരുക്കോവൈയാർ[തിരുത്തുക]

തിരുക്കോവയാർ എന്ന ഗാനസമാഹാരത്തിലെ നാനൂറു പാട്ടുകളും നാനൂറു പ്രണയഗാനങ്ങളാണ്. ശിവഭഗവാനെ നായകനായും തന്നെ പ്രണയിനിയായും സങ്കല്പിച്ചാണ് ഇത് പാടിയിരിക്കുന്നത്. പേർഷ്യൻ സൂഫികളുടെ രഹസ്യവാദപരമായ കവിതകൾക്കു സമാനമാണിവ.

അവലംബം[തിരുത്തുക]

  1. "തിരുവാചകം". സർവവിജ്ഞാനകോശം. ശേഖരിച്ചത് 21 മെയ് 2013. 
  2. "തമിഴ് ഭാഷയും സാഹിത്യവും". സർവ്വവിജ്ഞാനകോശം. ശേഖരിച്ചത് 21 മെയ് 2013. 

പുറം കണ്ണികൾ[തിരുത്തുക]

"http://ml.wikipedia.org/w/index.php?title=മാണിക്കവാചകർ&oldid=1833015" എന്ന താളിൽനിന്നു ശേഖരിച്ചത്