മത്തി
| മത്തി | |
|---|---|
.jpg) |
|
 |
|
| ശാസ്ത്രീയ വർഗ്ഗീകരണം | |
| സാമ്രാജ്യം: | Animalia |
| ഫൈലം: | കോർഡേറ്റ |
| ക്ലാസ്സ്: | Actinopterygii |
| നിര: | Clupeiformes |
| കുടുംബം: | Clupeidae |
| ഉപകുടുംബം: | Clupeinae |
| Alliance: | Sardine |
| genera | |
ലോകത്തിൽ ഏറ്റവുമധികം പിടിക്കപ്പെടുന്ന ഭക്ഷ്യയോഗ്യമായ ഒരു കടൽ മത്സ്യമാണ് മത്തി. ചാള എന്ന പേരിലും അറിയപ്പെടുന്നു. ലോകത്ത് മത്സ്യബന്ധനത്തിലൂടെ ലഭിക്കുന്ന മത്സ്യയിനങ്ങളിൽ മൂന്നിലൊന്നുഭാഗവും മത്തിയാണ്.[1] സാധാരണക്കാരുടെ മത്സ്യം എന്ന അർത്ഥത്തിൽ ഇത് 'പാവപ്പെട്ടവന്റെ മത്സ്യം' എന്നറിയപ്പെടുന്നു. ഇംഗ്ലീഷിൽ സാർഡൈൻ (Sardine), പ്ലിച്ചാർഡ് (pilchard) എന്നറിയപ്പെടുന്നു. സാർഡിനിയ ദ്വീപിനു സമീപം ഇവയെ കണ്ടെത്തിയത് കൊണ്ടാണ് ഇവക്ക് സാർഡൈൻ എന്ന പേര് വരാൻ കാരണം.[2] ലോകത്ത് ഏറ്റവുമധികം മത്തി ലഭിക്കുന്നത് ആഫ്രിക്കൻ രാജ്യമായ മൊറോക്കോ തീരത്താണ്. അറ്റലാന്റിക് സമുദ്രവും പസഫിക് സമുദ്രവും മത്തിയുടെ മുഖ്യ ഉറവിടങ്ങളാണ്.[3] പൊള്ളിച്ചും, വറുത്തും, അച്ചാർ ആക്കിയും മറ്റും മത്തി വിവിധ രൂപത്തിൽ ഉപയോഗിക്കാറുണ്ട്. ഇവ ക്ലൂപിഡേ (Clupeidae)കുടുംബത്തിലെ ഹെറിംഗ് (herring)വർഗ്ഗത്തിൽപെടുന്നു.[4][5]ജലോപരിതലത്തിൽ കൂട്ടമായിക്കാണപ്പെടുന്ന ഇവയുടെ മുഖ്യഭക്ഷണം ഫ്രജിലേറിയ എന്ന ഉത്പ്ലവജീവിയാണ്.
ഉള്ളടക്കം |
പോഷക മൂല്യം [തിരുത്തുക]
മെച്ചപ്പെട്ട ഹൃദയാരോഗ്യം നിലനിർത്താൻ സഹായിക്കുന്ന ഒമേഗ-3 ഫാറ്റി ആസിഡിനാൽ സമ്പുഷ്ടമാണ് മത്തി. പതിവായി ഒമേഗ-3 ഫാറ്റി ആസിഡ് അടങ്ങിയ ഭക്ഷണങ്ങൾ കഴിക്കുന്നത് അൽഷൈമേഴ്സ് രോഗം വരാതിരിക്കാൻ സഹായിക്കുമെന്ന് സമീപകാല പഠനങ്ങൾ പറയുന്നു[6]. ഒമേഗ-3 കൂടാതെ ജീവകം ഡി,കാൽസ്യം, ബി12,മാംസ്യം എന്നിവയും മത്തിയിൽ അടങ്ങിയിട്ടുണ്ട്[7].പ്രതിദിനം സാധാരണ കഴിക്കുന്ന മത്തിയിൽ നിന്ന് 13 ശതമാനം ജീവകം ബി 12 ലഭിക്കുന്നു.
മത്തി(ചാള) പൊരിച്ചതു് ഉണ്ടാക്കുന്ന വിധം [തിരുത്തുക]
ചേരുവ [തിരുത്തുക]
-
- കഴുകി നീളത്തിൽ മുറിച്ചുവെച്ച മത്തി - 10 എണ്ണം.
- വെളിച്ചെണ്ണ - 50 മി.ലി ,
- മുളകുപൊടി - 4 ടീസ്പൂൺ ,
- മഞ്ഞൾപ്പൊടി - 1/2 ടീസ്പൂൺ ,
- കുരുമുളക് - 1 ടീസ്പൂൺ ,
- ഉപ്പ്- ആവശ്യത്തിനു്
ഉണ്ടാക്കുന്നവിധം [തിരുത്തുക]
കഴുകിയ വൃത്തിയാക്കിയ മത്തി ഒരു പാത്രത്തിൽ എടുക്കുക. ശേഷം ആവശ്യത്തിനു ഉപ്പു ചേർത്തു് നന്നായി കൈകൊണ്ടു ഇളക്കുക. കരുതിവച്ച ചേരുവകൾ അതിലേക്കു് ഇടുക. നന്നായി വീണ്ടും ഇളക്കുക. ശേഷം തിളപ്പിച്ച വെളിച്ചണ്ണയിലേയ്ക്കു ചേരുവകൾ ചേർത്തു ഇളക്കിയ മത്തി ഇടുക. ആവശ്യത്തിനു് മൊരിഞ്ഞുകഴിയുമ്പോൾ എടുത്തു വയ്ക്കുക.
ചിത്രങ്ങൾ [തിരുത്തുക]
-
മത്തി
-
മത്തി വറുക്കാൻ തയ്യാറാക്കിയത്
-
-
മത്തി മുറിച്ച് വച്ചത്
-
മത്തി ചുട്ടെടുക്കുന്നു
മറ്റ് ലിങ്കുകൾ [തിരുത്തുക]
- മത്തി വ്യത്തിയാക്കി പാക്ക് ചെയ്യുന്നത് മൈൻ ഉൽക്കടൽ മത്തി(Sardine) അക്വേറിയത്തിൽ നിന്ന്
അവലംബം [തിരുത്തുക]
- ↑ മാതൃഭൂമി ഹരിശ്രീ, 2011 ഒക്ടോബർ , പേജ് 5
- ↑ "What's an oily fish?". Food Standards Agency. 2004-06-24.
- ↑ "BBC Good Food". BBC.
- ↑ Sardine Online Etymology Dictionary. Retrieved 15 April 2012.
- ↑ "Sardine". The Good Food Glossary. BBC Worldwide. 2009. ശേഖരിച്ചത് 2009-11-01.
- ↑ www.mailtribune.com, November 6, 2007 "Oily brain food ... Yum". Accessed April 3, 2009.
- ↑ New York State Health Department. "Vitamin D and Healthy Bones" Accessed May 17, 2008.
 |
മൽസ്യങ്ങളുമായി ബന്ധപ്പെട്ട ഈ ലേഖനം അപൂർണ്ണമാണ്. ഇതു വികസിപ്പിക്കുവാൻ സഹായിക്കുക. |
