ബിസ്മില്ലാഹി
വിക്കിപീഡിയ, ഒരു സ്വതന്ത്ര വിജ്ഞാനകോശം.
 |
ഈ ലേഖനം ഏതെങ്കിലും സ്രോതസ്സുകളില് നിന്നുള്ള വേണ്ടത്ര തെളിവുകളെ ഉള്ക്കൊള്ളുന്നില്ല. ദയവായി യോഗ്യങ്ങളായ സ്രോതസ്സുകളില് നിന്നുമുള്ള അവലംബങ്ങള് ചേര്ത്ത് ലേഖനം മെച്ചപ്പെടുത്തുക. നിലവാരമില്ലാത്ത വസ്തുതകള് ചോദ്യം ചെയ്യപ്പെടുകയും നീക്കപ്പെടുകയും ചെയ്തേക്കാം. |
മുസ്ലിങ്ങള് ധാരാളമായി ഉപയോഗിക്കുന്ന ബിസ്മില്ലാഹി റഹ്മാനി റഹീം എന്നതിന്റെ ചുരുക്ക നാമമാണ് ബിസ്മില്ലാഹ്.(ar:بسملة) ഏത് നല്ല കാര്യങ്ങള് തുടങ്ങുമ്പോഴും മുസ്ലിങ്ങള് ബിസ്മി ചൊല്ലി തുടങ്ങുന്നു.“പരമ കാരുണികനും കരുണാനിധിയുമായ അല്ലാഹുവിന്റെ പേരില് ഞാന് ആരംഭിക്കുന്നു” എന്നാണ് ഇതിനര്ത്ഥം. ഖുര് ആനിലെ എല്ലാ സൂറകളുടെയും തുടക്കത്തില് ഈ വാക്യം ഉപയോഗിക്കുന്നു. ഇത് ഒരു കൂട്ടക്ഷര ലെറ്റര് ആയി യൂണികോഡിലെ കോഡ്പോയ്ന് U+FDFD ﷽ ചേര്ത്തിട്ടുണ്ട്.
[തിരുത്തുക] പശ്ചാത്തലം
പേരില് എന്നു വെച്ചാല് ഈ വിഷയത്തില് ഞാന് കാലെടുത്തുവെക്കുന്നത് എന്റെ സ്വന്തം ഇഷ്ടകാരമല്ല. ഇതു പൂര്ത്തിയാക്കാനും വിജയിപ്പിക്കാനും എനിക്ക് കഴിവില്ല. എന്റെ യജമാനനായ അല്ലാഹു പൂര്ണ്ണ കഴിവുള്ളവനാണ്.അവന്റെ അനുഗ്രഹം നിമിത്തവും അവന്റെ കഴിവില് വിശ്വസിച്ചും അവന് സഹായീക്കുമെന്നു പ്രതീക്ഷിച്ചും ഞാനിതിനു ഒരുങ്ങുകയാണ്. അവന് മഹാ കാരുണികനാണ്. ശത്രുക്കളേയും മിത്രങ്ങളെയും വേര്തിരിക്കാതെ വ്യാപകമായ നിലയില് കാരുണ്യം ചൊരിയുന്നവനാണ്.കാരുണ്യം അവന്റെ ഉറച്ച സവിശേഷതയാണവനെ നിശേധിക്കുകയും ധിക്കരിക്കുകയും ചെയ്യുന്നവര്ക്ക് പോലും അവന് കരുണ ചൊരിഞ്ഞു കൊണ്ടിരിക്കുന്നു. എനിക്ക് വളരെ അധികം വീഴ്ച വരുന്നുണ്ടെങ്കിലും ഞാന് അവനില് വിശ്വസിക്കുകയും അവനെ ബഹുമാനിക്കുകയും കഴിവില് പെട്ടേടത്തോളം സൂഷ്മതപാലിക്കുകയും ചെയ്യുന്നുണ്ട്. അതുകൊണ്ട് അവന്റെ അനുഗ്രഹവും കാരുണ്യവും തേടി അവന്റെ പേരില് ഞാനിതാരംഭിക്കുന്നു എന്നൊക്കയാണ് പേരില് എന്നത്കൊണ്ട് അര്ത്ഥമാക്കുന്നത്.
വെള്ളം കുടിക്കുമ്പോഴും, അനുവദിക്കപ്പെട്ട ജീവിയെ ഭക്ഷിക്കാന് വേണ്ടി അറുക്കുമ്പോഴും,വിത്ത് വിതക്കുമ്പോഴും വാഹനത്തില് കാലെടുത്തു വെക്കുമ്പോഴും ഭാര്യ ഭര്ത്താക്കന്മാര് തുടങ്ങി ജീവിതത്തിനെ വ്യത്യസ്ഥ മേഖലകളില് മുഇ്മിനീങ്ങള് ബിസ്മി ഉപയോഗിക്കുന്നു.
[തിരുത്തുക] ക്രിസ്ത്യാനികള്ക്കിടയില്
അറബി സംസാരിക്കുന്ന ക്രിസ്ത്യാനികള് പലപ്പോഴും ബസ്മാലാ (Arabic: بسملة) എന്ന പദം ത്രിത്വവാക്യമായ "പിതാവിന്റെയും പുത്രന്റെയും പരിശുദ്ധാത്മാവിന്റെയും നാമത്തില്" (باسم الآب والابن والروح القدس, bismi-l-’abi wa-l-ibni wa-r-rūḥi l-qudusi) എന്നതിനു സൂചകമായി ഉപയോഗിക്കുന്നു.
