ബിയാട്രിസ് സെൻസി

A portrait of Cenci variously attributed to Reni or Sirani, supposedly from life, praised by Stendhal, Dickens, and Hawthorne and inspiring Shelley's verse play of her life.

ബിയാട്രിസ് സെൻസി (ഇറ്റാലിയൻ: [beaˈtriːtʃe ˈtʃɛntʃi]; ജീവിതകാലം: 6 ഫെബ്രുവരി 1577 - 11 സെപ്റ്റംബർ 1599) തന്റെ പിതാവായിരുന്ന കൌണ്ട് ഫ്രാൻസെസ്കോ സെൻസിയെ കൊലപ്പെടുത്തിയ ഒരു റോമൻ കുലീന യുവതിയായിരുന്നു. തുടർന്ന് റോമിൽ നടന്ന കൊലപാതക വിചാരണ അവളെക്കുറിച്ച് നിലനിൽക്കുന്ന ഒരു ഇതിഹാസത്തിന് തുടക്കമിട്ടു.  കുറ്റം ചുമത്തപ്പെട്ട അവളെ 1599 ൽ ശിരഛേദം ചെയ്തു.

ചരിത്രം

എർസിലിയ സാന്റാക്രോസിന്റെയും അക്രമാസക്തനും വിഷയാസക്തനുമായ കൌണ്ട് ഫ്രാൻസെസ്കോ സെൻസിയുടെയും പുത്രിയായിരുന്നു ബിയാട്രിസ്. ബിയാട്രീസിന് ഏഴു വയസ്സുള്ളപ്പോൾ മാതാവ് മരണമടയുകയും (ജൂൺ 1584); ബിയാട്രീസിനെയും മൂത്ത സഹോദരി അന്റോണിനയെയും റോമിലെ കൊളോണ ജില്ലയിലെ ഫ്രാൻസിസ്കൻ കന്യാസ്ത്രീകൾക്കായുള്ള  സാന്താ ക്രോസ് എ മോണ്ടെസിറ്റോറിയോ എന്ന ചെറിയ മഠത്തിലേക്ക് അയക്കുകയും ചെയ്തു.