ഫാർഖോർ വ്യോമത്താവളം
| ഫാർഖോർ വ്യോമത്താവളം | |
|---|---|
| പർഖാർ, താജിക്കിസ്ഥാൻ | |
  ഫാർഖോർ വ്യോമത്താവളം | |
| തരം | സൈനിക വ്യോമത്താവളം |
| Site information | |
| Owner | താജിക്കിസ്ഥാൻ വായുസേന |
| Controlled by | താജിക്കിസ്ഥാൻ വായുസേന ഭാരതീയ വായുസേന |
| Site history | |
| Materials | Asphalt |
| Garrison information | |
| Occupants | താജിക്കിസ്ഥാൻ വായുസേന ഭാരതീയ വായുസേന |
താജിക്കിസ്ഥാനിലെ ഫാർഖോർ നഗരത്തിനടുത്തുള്ള ഒരു സൈനിക വ്യോമത്താവളമാണ് ഫാർഖോർ വ്യോമത്താവളം (Farkhor Air Base). തലസ്ഥാനമായ ദുഷാൻബേയിൽ നിന്നും 130 kilometres (81 mi) തെക്കുകിഴക്കായി ഇതു സ്ഥിതിചെയ്യുന്നു.[1][2]താജിക്കിസ്ഥാൻ വ്യോമസേനയുടെ സഹായത്തോടെ ഭാരതീയ വായുസേനയാണ് ഇത് പ്രവർത്തിപ്പിക്കുന്നത്[3] ഇന്ത്യയ്ക്ക് വെളിയിൽ ഉള്ള ഇന്ത്യയുടെ ആദ്യത്തെ സൈനികത്താവളമാണ് ഇത്. (രണ്ടാമത് താവളം ഭൂട്ടാനിലെ പാരോ താഴ്‌വരയിലാണ്).[4]
ചരിത്രം[തിരുത്തുക]
1996/97 ൽ റിസർച്ച് ആൻഡ് അനാലിസിസ് വിങ് (RAW), വടക്കൻ അഫ്‌ഘാൻ സഖ്യത്തിന് സാധനങ്ങൾ എത്തിക്കാനും തങ്ങളുടെ ഹെലികോപ്റ്ററുകൾ നന്നാക്കുവാനും വിവരങ്ങൾ ശേഖരിക്കുന്നതിനും ഫാർഖോർ വ്യോമത്താവളം ഉപയോഗിക്കാൻ താജിക്കിസ്ഥാനുമായി ചർച്ച നടത്താൻ തുടങ്ങി. ആ സമയത്ത്, ഇന്ത്യ ഫാർഖോർ മേഖലയിൽ ഒരു ചെറിയ സൈനിക ആശുപത്രി നടത്തുന്നുണ്ടായിരുന്നു. ഫാർഖോർ ആശുപത്രി, യുദ്ധത്തിൽ പരിക്കേൽക്കുന്ന സൈനികരെ ചികിൽസിക്കാൻ ആയിരുന്നു ഉപയോഗിച്ചിരുന്നത്. 2002 -ൽ ഫാർഖോറിൽ ഒരു എയർബേസ് സ്ഥാപിക്കുന്ന കാര്യം ഇന്ത്യ സ്ഥിരീകരിച്ചു. റഷ്യയുടെ സഹായത്തോടെയാണ് ഇതു ചെയ്തിരുന്നത്. 1980 മുതൽ ഉപയോഗിക്കാതിരുന്ന വ്യോമത്താവളം ഉപയോഗശൂന്യമായ നിലയിൽ ആയിരുന്നു. 2005 ആവുമ്പോഴേക്കും എയർബേസ് പുനഃസ്ഥാപിക്കാൻ 2003 -ൽ ഇന്ത്യൻ സർക്കാർ ഒരു സ്വകാര്യനിർമ്മാണക്കമ്പനിക്ക് ഒരു കോടി ഡോളറിന് കരാർ നൽകിയെങ്കിലും കരാറുകാരൻ അതിൽ വീഴ്ച വരുത്തിയപ്പോൾ ഇന്ത്യയുടെ ബോർഡർ റോഡ് ഓർഗനൈസേഷൻ പിന്നീട് പ്രവൃത്തി പൂർത്തിയാക്കുകയായിരുന്നു. ആ ആശുപത്രി പിന്നീട് അടച്ചുപൂട്ടിയശേഷം മറ്റൊരു സ്ഥലത്ത് ഇന്ത്യ-താജിക്കിസ്ഥാൻ ഫ്രണ്ട്ഷിപ്പ് ഹോസ്പിറ്റൽ ഉണ്ടാക്കി.
പ്രാധാന്യം[തിരുത്തുക]
ഇന്ത്യൻ ഉപഭൂഖണ്ഡത്തിൽ വലിയ രീതിയിൽ ഇടപെടാനുള്ള അവസരമാണ് ഈ താവളം ഇന്ത്യൻ സൈന്യത്തിന് ഒരുക്കുന്നത് എന്ന് വിലയിരുത്തപ്പെടുന്നു. ഫാർഖോർ വ്യോമത്താവളം പ്രവർത്തനക്ഷമമാകുന്നതോടെ ഇന്ത്യയുടെ സൈനികശേഷിയാൽ തങ്ങൾ ചുറ്റപ്പെടുമെന്ന് പാകിസ്താൻ ഭയപ്പെടുന്നു.[5] നിമിഷങ്ങൾക്കുള്ളിൽ പാകിസ്താനെ ആക്രമിക്കാൻ ഇത് ഇന്ത്യയ്ക്ക് കഴിവു നൽകുമെന്ന് അന്നത്തെ പാകിസ്താൻ പ്രസിഡണ്ട് മുഷറഫ് ആശങ്ക ഉയർത്തുകയുണ്ടായി.[6]
ഇതും കാണുക[തിരുത്തുക]
- മധ്യേഷ്യയിലെ സൈനികസന്നദ്ധതകൾ
- അയ്‌നി വ്യോമത്താവളം, ഇന്ത്യയുടെ സഹായത്തോടെ നവീകരിച്ച മറ്റൊരു സൈനികത്താവളം
അവലംബം[തിരുത്തുക]
- ↑ "Making the water boil in Afghanistan". The Hindu. 9 July 2008. Archived from the original on 2008-07-12. Retrieved 1 February 2012.
{{cite news}}: Italic or bold markup not allowed in:|newspaper=(help) - ↑ Bhardwaj, AP (2010). Study Package For Clat 2nd Edition. Tata McGraw-Hill Education. pp. B-349. ISBN 0-07-107468-6.
- ↑ "India to station MiG-29 fighter-bombers at Tajikistan base". The Tribune. 22 April 2006. Retrieved 1 February 2012.
{{cite news}}: Italic or bold markup not allowed in:|newspaper=(help) - ↑ http://tribune.com.pk/story/1097397/what-the-us-stance-on-f-16s-means-for-pakistan/
- ↑ "India-Afghanistan Relations". The Washington Post. 23 October 2008. Retrieved 1 February 2012.
{{cite news}}: Italic or bold markup not allowed in:|newspaper=(help) - ↑ "India to base planes in Tajikistan". The Tribune. 15 November 2003. Retrieved 1 February 2012.
{{cite news}}: Italic or bold markup not allowed in:|newspaper=(help)
അധികവായനയ്ക്ക്[തിരുത്തുക]
- Tajik air base is ready, gives India its first footprint in strategic Central Asia;Gupta, Shishir; Indian Express; Sunday, February 25, 2007; Accessed on 2013-04-14