പടപ്പാട്ട്
അറബി മലയാള സാഹിത്യത്തിലെ ഒരു വിഭാഗമാണ് പടപ്പാട്ടുകൾ.യുദ്ധത്തിനുപോകുന്ന ഭടന്മാർ പാടുന്ന പാട്ട് എന്നാണ് ഇത്കൊണ്ട് വിവക്ഷിക്കുന്നത്.1836 ൽ രചിക്കപ്പെട്ട സഖൂം പടപ്പാട്ട് ആണ് ആദ്യമായി പഴക്കം ചെന്ന പടപ്പാട്ട് ആയി കണ്ടെടുക്കപ്പെട്ടിട്ടുള്ളത്.1616 ൽ സഖൂൻ പടയൂർ എന്ന പേരിൽ വരിഷായ് മുഹിയുദ്ദീൻ പൂളവാർ എന്ന മധുരൈ സ്വദേശിയാണ് ഇത് രചിക്കപ്പെട്ടത്.പിന്നീട് അറബി മലയാളത്തിലേക്ക് വിവർത്തനം ചെയ്യുകയായിരുന്നു.കായൽപ്പട്ടണത്തുകാരനും മതപണ്ഡിതനുമായിരുന്ന അലിം ഉമർ ലബ്ബ ആണ് ഇത് അറബി മലയാളത്തിലേക്ക് വിവർത്തനം ചെയ്തത്. [1] പ്രസിദ്ധ മാപ്പിളപ്പാട്ട് കവി മോയിൻ കുട്ടി വൈദ്യർ സഖൂൻ പടപ്പാട്ട് വ്യാപകമായി തൻറെ കൃതികൾക്ക് ഇശൽ ആയി ഉപയോഗപ്പെടുത്തിയിരുന്നു.അദ്ദേഹത്തിൻറെ മാസ്റ്റർ പീസ് ആയി പരിഗണിക്കുന്ന ബദർ പടപ്പാട്ടിന് ഇശൽ നൽകുന്നതിൽ സഖൂൻ പടപ്പാട്ടിന് പങ്കുണ്ടായിരുന്നു.
വിവിധ വിഭാഗങ്ങൾ[തിരുത്തുക]
പടപ്പാട്ടുകളെ പൊതുവമായി നാല് വിഭാഗങ്ങളായി തരം തിരിക്കുന്നു.[2]
- ഇസ്ലാമിക നാടോടി കഥകൾ: ഇസ്ലാം മതവുമായി ചരിത്രപരമായി ബന്ധമില്ലെങ്കിലും കേട്ടുപോന്ന നാടോടി കഥകളിലാണ് ഇവ ഉൾപ്പെടുന്നത്. സഖൂം പടപ്പാട്ടിലെയും ജിന്ന് പടപ്പാട്ടിലെയും പാട്ടുകൾ ഈ ഗണത്തിലാണ് ഉൾപ്പെടുന്നത്.
- ഇസ്ലാമിക ചരിത്രം: ഇസ്ലാമിൻറെ ആദ്യകാല ചരിത്രമാണ് ഇതിൽ പ്രതിപാദ്യ വിഷയം.പ്രവാചകൻ മുഹമ്മദ് നബിയുടെ കാലത്ത് നടന്ന യുദ്ധങ്ങളും ഇതിൽ പ്രധാനമായും ഉൾപ്പെടുന്നു. ബദർ പടപ്പാട്ട് ,ഹുനൈൻ പടപ്പാട്ട് ,കർബല പടപ്പാട്ട് എന്നിവ ഈ വിഭാഗത്തിലുൾപ്പെടുന്നു.
- മാപ്പിള ചരിത്രം : പോർച്ചുഗീസ്,ഇംഗ്ലീഷ് വിദേശ ശക്തികളുടെ കോളനിവത്ക്കരണത്തിനെതിരെ കേരളത്തിലെ മുസ്ലിം നേതാക്കളുടെ പോരാട്ടങ്ങളും ജന്മിമർക്കെതിരെയുള്ള സമരങ്ങളുമാണ് വീരകൃത്യങ്ങളാണ് ഈ വിഭാഗത്തിലുൾപ്പെടുന്നത്.കോട്ടൂർപ്പള്ളി മാല,[3] മോയിൻകുട്ടി വൈദ്യരുടെ മലപ്പുറം പടപ്പാട്ട് (188) തുടങ്ങിയവ ഈ ഗണത്തിലുൾപ്പെടുന്നു.[4] and the ചേറൂർ പടപ്പാട്ട് .[5] 'സാരസർഗുണ തിരുതരുളമാല' എന്ന ചേറൂർ പടപ്പാട്ട് (1843-ൽ ഏഴ് മാപ്പിള കലാപകാരികളും ബ്രിട്ടീഷ് പട്ടാള റജിമെന്റിലെ 60-ൽപരം വരുന്ന സൈനികരും തമ്മിൽ ചേറൂരിൽ വെച്ച് ഏറ്റുമുട്ടിയ ചരിത്രസംഭവത്തിന്റെ ആഖ്യാനം), മലപ്പുറം പടപ്പാട്ട് (1734-ൽ മലപ്പുറത്തെ മുസ്‌ലിംകളും പാറനമ്പിയുടെ സൈന്യവും തമ്മിൽ പൂളക്കമണ്ണിൽ ഏറ്റുമുട്ടിയതിന്റെ പുനരാഖ്യാനം ആണ് ഇതിൽ പരാമർശം) [6] ഏറെ പ്രശസ്‌തമായ ചേറൂർ പടപ്പാട്ട് അറബി മലയാളത്തിൽ അച്ചടിച്ചുകൊണ്ടിരിക്കേ ബ്രിട്ടീഷ് പട്ടാളം പ്രസ്സ്‌ കണ്ടുകെട്ടിയിരുന്നു[7] ആദ്യ വീരഗാഥകളിൽ ഏറ്റവും ശ്രദ്ധേയമാണ് വെളിയങ്കോട് കുഞ്ഞി മരക്കാരെ കുറിച്ചുള്ളത്.17 വയസ്സായ മാപ്പിളപെൺകുട്ടിയെ പോർച്ചുഗീസ് തെമ്മാടികളുടെ കയ്യിൽ നിന്ന് രക്ഷിക്കുന്നതാണ് ഇതിൻറെ ഇതിവൃത്തം.പക്ഷെ അവസാനം കുഞ്ഞിമരക്കാർ പോർച്ചുഗീസുകാരാൽ കൊല്ലപ്പെടുകയായിരുന്നു.[8]
- കാൽപ്പനിക പാട്ടുകൾ: തീർത്തും ഭാവാനാപൂർണ്ണമായ സൃഷ്ടികളാണ് ഇതിലുൾപ്പെടുന്നത്.എലിപ്പട എന്ന കൃതിയിൽ പഞ്ചതന്ത്രം കഥകളിലെ പൂച്ചയും എലികളും തമ്മിൽ 3 ദിവസത്തോളം നീണ്ടുനിന്ന സാങ്കൽപ്പിക യുദ്ധമാണ് ഉൾപ്പെടുന്നത്.
അവലംബം[തിരുത്തുക]
- ↑ Pg 49, Zaqqum Padappattu, Mappilappattu - Padhavum Padhanavum ( Mappila songs - Study and Lessons) - Balakrishnan Vallikkunnu and Dr. Umar Tharamel, D.C. Books, 2006
- ↑ Pg 47-48, Zaqqum Padappattu, Mappilappattu - Padhavum Padhanavum ( Mappila songs - Study and Lessons) - Balakrishnan Vallikkunnu and Dr. Umar Tharamel, D.C. Books, 2006
- ↑ Pg 53,Islamic society on the South Asian frontier: the Māppiḷas of Malabar, 1498-1922, Stephen Frederic Dale,Clarendon Press, 1980
- ↑ ഉദ്ധരിച്ചതിൽ പിഴവ്: അസാധുവായ
<ref>ടാഗ്;Padhavum7എന്ന പേരിലെ അവലംബങ്ങൾക്ക് എഴുത്തൊന്നും നൽകിയിട്ടില്ല. - ↑ Pg 171, Malabar Rebellion, 1921-1922,M. Gangadhara Menon, Vohra Publishers & Distributors, 1989
- ↑ [1][പ്രവർത്തിക്കാത്ത കണ്ണി]
- ↑ http://shababweekly.net/wp/?p=1398#sthash.yY7rkQjb.dpuf[പ്രവർത്തിക്കാത്ത കണ്ണി]
- ↑ ഉദ്ധരിച്ചതിൽ പിഴവ്: അസാധുവായ
<ref>ടാഗ്;Padhavum56എന്ന പേരിലെ അവലംബങ്ങൾക്ക് എഴുത്തൊന്നും നൽകിയിട്ടില്ല.