നൈസെറ്റോ അൽകാല സമോറ
നൈസെറ്റോ അൽകാല സമോറ | |
---|---|
6th President of the Spanish Republic 1st President of the Second Republic | |
ഓഫീസിൽ December 11, 1931 – April 7, 1936 | |
പ്രധാനമന്ത്രി | Manuel Azaña Alejandro Lerroux Diego Martínez Barrio Alejandro Lerroux Ricardo Samper Alejandro Lerroux Joaquín Chapaprieta Torregrosa Manuel Portela Valladares Manuel Azaña |
മുൻഗാമി | King Alfonso XIII |
പിൻഗാമി | Manuel Azaña Diego Martínez Barrio (acting) |
President of the Council of Ministers 1st President of the Council of Ministers of the Second Republic | |
ഓഫീസിൽ April 14 – October 14, 1931 | |
മുൻഗാമി | Juan Bautista Aznar-Cabañas |
പിൻഗാമി | Manuel Azaña |
വ്യക്തിഗത വിവരങ്ങൾ | |
ജനനം | July 6, 1877 Priego de Córdoba |
മരണം | February 18, 1949 Buenos Aires |
രാഷ്ട്രീയ കക്ഷി | Conservative Republican Party |
രണ്ടാം സ്പാനിഷ് റിപ്പബ്ലിക്കിന്റെ പ്രസിഡന്റായിരുന്നു നൈസെറ്റോ അൽകാല സമോറ (6 ജൂലൈ 1877 – 18 ഫെബ്രുവരി1949). 1877 ജൂലൈ 6-ന് കോർദോവയിലെ പ്രിഗോയിലാണ് നൈസെറ്റോ അൽകാല ജനിച്ചത് [1]</ref>. 1905-ൽ സ്പെയിനിലെ കോർട്ടെസിലെ (നിയമസഭ) അംഗമായി ഇദ്ദേഹം തെരഞ്ഞെടുക്കപ്പെട്ടു. 1917-ൽ മരാമത്തുമന്ത്രി, 1922-ൽ യുദ്ധകാര്യമന്ത്രി എന്നീ സ്ഥാനമാനങ്ങൾ കൈകാര്യം ചെയ്തു.
1930-ൽ നൈസെറ്റോ അൽകാല ഒരു റിപ്പബ്ലിക്കൻ വാദിയായിത്തീരുകയും തുടർന്നു ലാജാറയിലുണ്ടായ സൈനിക വിപ്ലവത്തിൽ പങ്കെടുത്തതിനാൽ ജയിലിലടയ്ക്കപ്പെടുകയും ചെയ്തു. പിന്നീട് 1931 ഏപ്രിലിൽ മാഡ്രിഡിലുണ്ടായ മുനിസിപ്പൽ തെരഞ്ഞെടുപ്പിനെത്തുടർന്നു വിപ്ലവക്കമ്മിറ്റി നേതാവായി. അൽഫോൻസോ XIII-നെ സ്ഥാനത്യാഗം ചെയ്യിക്കുന്നതിൽ മുൻകൈയെടുത്തത് ഇദ്ദേഹമാണ്. 1931 ഏപ്രിൽ 14-ന് അൽഫോൻസോയുടെ സ്ഥാനത്യാഗത്തെത്തുടർന്ന്, സ്പെയിനിലെ താത്കാലിക ഗവൺമെന്റിന്റെ പ്രധാനമന്ത്രിയായി ചുമതലയേറ്റു. പുതിയ ഭരണഘടനയിലെ 24, 26 എന്നീ പൗരോഹിത്യ വിരുദ്ധ വകുപ്പുകളെച്ചൊല്ലിയുണ്ടായ ഭിന്നതകളെത്തുടർന്ന് 1931 ഒക്ടോബർ 14-ന് രാജിവച്ചു. എന്നാൽ 1931 ഡിസംബർ 11-ന് സ്പെയിനിലെ രണ്ടാം റിപ്പബ്ളിക്കിന്റെ ആദ്യത്തെ പ്രസിഡന്റായി തെരഞ്ഞെടുക്കപ്പെട്ടു. രാഷ്ട്രീയത്തിൽ ഒരു മിതവാദിയായതിനാൽ 1936 ഫെബ്രുവരിയിൽ ഉണ്ടായ ഇടതു-വലതുകക്ഷികളുടെ ശക്തിയായ എതിർപ്പുമൂലം രാജി വയ്ക്കേണ്ടിവന്നു. തുടർന്ന് ഫ്രാൻസിലേക്കും അവിടെനിന്ന് അർജന്റീനയിലേക്കും പലായനം ചെയ്തു. 1949 ഫെ. 18-ന് ബ്യൂനസ് അയേഴ്സിൽ ഇദ്ദേഹം അന്തരിച്ചു.
അവലംബം[തിരുത്തുക]
കടപ്പാട്: കേരള സർക്കാർ ഗ്നൂ സ്വതന്ത്ര പ്രസിദ്ധീകരണാനുമതി പ്രകാരം ഓൺലൈനിൽ പ്രസിദ്ധീകരിച്ച മലയാളം സർവ്വവിജ്ഞാനകോശത്തിലെ നൈസെറ്റോ അൽകാല സമോറ എന്ന ലേഖനത്തിന്റെ ഉള്ളടക്കം ഈ ലേഖനത്തിൽ ഉപയോഗിക്കുന്നുണ്ട്. വിക്കിപീഡിയയിലേക്ക് പകർത്തിയതിന് ശേഷം പ്രസ്തുത ഉള്ളടക്കത്തിന് സാരമായ മാറ്റങ്ങൾ വന്നിട്ടുണ്ടാകാം. |