നരേന്ദ്ര ധാബോൽക്കർ

വിക്കിപീഡിയ, ഒരു സ്വതന്ത്ര വിജ്ഞാനകോശം.
നരേന്ദ്ര ധാബോൽക്കർ
NarendraDabholkar.jpg
ജനനം 1945 നവംബർ 1(1945-11-01)
മരണം 2013 ഓഗസ്റ്റ് 20(2013-08-20) (പ്രായം 67)
Pune, Maharashtra, India
തൊഴിൽ സാമൂഹ്യ പ്രവർത്തകൻ
ജീവിത പങ്കാളി(കൾ) Shaila
കുട്ടികൾ Mukta, Hamid
വെബ്ബ്‌സൈറ്റ്
antisuperstition.org

ഇന്ത്യൻ കബഡി ടീമംഗവും അന്ധവിശ്വാസങ്ങൾക്കും ദുർമന്ത്രവാദത്തിനുമെതിരെ പൊരുതിയ സാമൂഹിക പ്രവർത്തകനുമായിരുന്നു നരേന്ദ്ര ധാബോൽക്കർ (മരണം : 19 ഓഗസ്റ്റ് 2013). മഹാരാഷ്ട്ര സർക്കാരിന്റെ ഏറ്റവും വലിയ കായിക പുരസ്‌കാരമായ ശിവ് ഛത്രപതി രാജ്യ ക്രീഡ ജീവൻ ഗൗരവ് പുരസ്‌കാർ നേടിയിട്ടുണ്ട്.[1]

ജീവിതരേഖ[തിരുത്തുക]

1945 നവംബർ 1നു അച്ച്യുതിന്റെയും താരാഭായിയുടെയും മകനായാണ് ധാബോൽക്കർ ജനിച്ചത്. അദ്ദേഹത്തിന്റെ മുതിർന്നജ്യേഷ്ടൻ പ്രശസ്തനായ വിദ്യാഭ്യാസചിന്തകനും ഗാന്ധിയനുമായ ദേവദത്ത ധാബോൽക്കർ ആണ്. മിറാജ് മെഡിക്കൽ കോളേജിൽ നിന്നും എം.ബി.ബി.എസ് ബിരുദം നേടിയ ധാബോൽക്കർ 12 വർഷത്തോളം ഡോക്റ്റർ ആയി സേവനമനുഷ്ടിച്ചു. സമൂഹത്തിൽ വളർന്നു വരുന്ന അന്ധവിശ്വാസങ്ങളും, ചൂഷണങ്ങളും ശ്രദ്ധയിൽപ്പെട്ടതോടെ അദ്ദേഹം മുഴുവൻ സമയ സാമൂഹൈകപ്രവർത്തകനും സാമൂഹിക പരിഷ്കർത്താവുമായി മാറി.മഹാരാഷ്ട്ര അന്ധശാസ്ത്ര നിർമൂലൻ സമിതിയുടെ നേതാവായിരുന്നു. ബാബ അധാവയുമായി സഹകരിച്ചും പ്രൊഫ. ശ്യാം മാനവിന്റെ അഖിൽ ഭാരതീയ അന്ധശ്രദ്ധനിർമൂലൻ സമിതിയയുടെ (ABANS) എക്‌സിക്യുട്ടീവ് പ്രസിഡന്റായും പ്രവർത്തിച്ചു. പുരോഗമനാശയങ്ങളുടെ പ്രചരണത്തിനായി പുറത്തിറക്കുന്ന സാധന എന്ന മാസികയുടെ പത്രാധിപരാണ്. [2]

ദുർമന്ത്രവാദവും മറ്റ് അനാചാരങ്ങളും നിരോധിക്കുന്ന, അന്ധവിശ്വാസ ദുരാചാരനിർമാർജജന നിയമം (Anti-superstition and black magic bill) പാസാക്കാൻ മഹാരാഷ്ട്ര സർക്കാരിനുമേൽ സമ്മർദം ചെലുത്തിവരികയായിരുന്നു. 2013 ൽ വെടിയേറ്റ് മരിച്ചു.

കൊലപാതകം സംബന്ധിച്ച അന്വേഷണം[തിരുത്തുക]

ആദ്യം കേസന്വേഷിച്ച മഹാരാഷ്ട്ര പോലീസ് യുക്തിവാദിയായ ധാബോൽക്കറിന്റെ കൊലപാതകക്കേസിൽ തുമ്പുണ്ടാക്കാനായി മന്ത്രവാദിയുടെ സഹായം തേടുകയുണ്ടായി എന്ന് പത്രറിപ്പോർട്ടുകളുണ്ടായിരുന്നു.[3] ധാബോൽക്കറിന്റെ ആത്മാവിനെ വിളിച്ചുവരുത്തി കൊലപാതകികളെ സംബന്ധിച്ച വിവരം ശേഖരിക്കുകയായിരുന്നു പോലീസിന്റെ ലക്ഷ്യം.[4]

കേസന്വേഷണച്ചുമതല പിന്നീട് സി.ബി.ഐ.യ്ക്ക് കൈമാറപ്പെട്ടു.

പുരസ്കാരങ്ങൾ[തിരുത്തുക]

  • പത്മശ്രീ (മരണാനന്തരം 2014 ൽ)
  • ശിവ് ഛത്രപതി രാജ്യ ക്രീഡ ജീവൻ ഗൗരവ് പുരസ്‌കാർ

അവലംബം[തിരുത്തുക]

  1. "നരേന്ദ്ര ധാബോൽക്കർ വെടിയേറ്റ് മരിച്ചു". മാതൃഭൂമി. 2013 ഓഗസ്റ്റ് 20. ശേഖരിച്ചത് 2013 ഓഗസ്റ്റ് 20. 
  2. "Anti-superstition activist Narendra Dabholkar shot dead in Pune". thehindu. 2013 ഓഗസ്റ്റ് 20. ശേഖരിച്ചത് 2013 ഓഗസ്റ്റ് 20. 
  3. "‘Cops used black magic in anti-superstition activist Narendra Dabholkar's murder case’". 7 ജൂലൈ 2014. ശേഖരിച്ചത് 12 ജൂലൈ 2014. 
  4. ഖേതാൻ, ആഷിഷ്. "Murder? Search My Soul". ഔട്ട്ലുക്ക്. ശേഖരിച്ചത് 12 ജൂലൈ 2014. 
"http://ml.wikipedia.org/w/index.php?title=നരേന്ദ്ര_ധാബോൽക്കർ&oldid=1966216" എന്ന താളിൽനിന്നു ശേഖരിച്ചത്