ജ്ഞാനോദയകാലം

ഇംഗ്ലീഷ് വിലാസം

http://ml.wikipedia.org/wiki/Age_of_Enlightenment

ജ്ഞാനോദയകാലം പതിനെട്ടാം നൂറ്റാണ്ടിൽ യൂറോപ്പിലും, അമേരിക്കയിലും ഉറവെടുത്ത ഒരു സാംസ്കാരിക പ്രസ്ഥാനമാണ് (cultural movement). ജ്ഞാനസമ്പാദനം, യുക്തിചിന്തയുടെ അഥവാ വിശകലനാത്മക ചിന്തയുടെ വളർച്ച, സാമൂഹ്യപരിഷ്കരണം തുടങ്ങിയവ ലക്ഷ്യമിട്ട് 18 - ാം നൂറ്റാണ്ടിനോടടുപ്പിച്ച് യൂറോപ്പിൽ രൂപംകൊണ്ട സാംസ്കാരിക പ്രസ്ഥാനത്തെയാണ് ജ്ഞാനോദയ കാലം (Age of Enlightenment) എന്നു വിശേഷിപ്പിക്കുന്നത്. 17-ാം നൂറ്റാണ്ടിന്റെ ആദ്യ പകുതിയിലാരംഭിച്ച് 18-ാം നൂറ്റാണ്ടിന്റെ ആദ്യപകുതിയിലവസാനിച്ച ഇക്കാലത്തെ യുക്തിചിന്തയുടെ കാലം (age of reason) എന്നും അറിയപ്പെടുന്നു. ജ്ഞാനോദയ കാലം അഥവാ പ്രബോധോദയ കാലം ബൌദ്ധിക പരിവർത്തനത്തിന് ആക്കം കൂട്ടുകയും ഭരണകൂടത്തിന്റെയും പൌരോഹിത്യത്തിന്റെയും അസഹിഷ്ണുതയേയും അതിക്രമങ്ങളേയും ചോദ്യം ചെയ്യുകയും ചെയ്തു. സ്പിനോസ, ജോൺലോക്ക്, ബെയ്ലി, ഐസക് ന്യൂട്ടൺ തുടങ്ങിയവരായിരുന്നു ജ്ഞാനോദയകാലത്തിന് ബൌദ്ധിക നേതൃത്വം നൽകിയത്. 19-ാം നൂറ്റാണ്ടോടെ കാല്പനികതയ്ക്ക് പ്രാമുഖ്യം ലഭിക്കുകയും ഹേതുവാദത്തിന് (യുക്തിവാദം) ബൌദ്ധികമണ്ഡലത്തിൽ സ്വാധീനം കുറയുകയും ചെയ്തതോടെ ജ്ഞാനോദയകാലത്തിന് തിരിച്ചടി നേരിട്ടു.