ചാൾസ് ഡെമൂത്

വിക്കിപീഡിയ, ഒരു സ്വതന്ത്ര വിജ്ഞാനകോശം.
ചാൾസ് ഡെമൂത്
Self-Portrait, 1907
ജനനം(1883-11-08)നവംബർ 8, 1883
മരണംഒക്ടോബർ 23, 1935(1935-10-23) (പ്രായം 51)
ദേശീയതAmerican
അറിയപ്പെടുന്നത്Watercolor, Painting
പ്രസ്ഥാനംPrecisionism

ചാൾസ് ഡെമൂത് അമേരിക്കൻ ചിത്രകാരനായിരുന്നു. 1883 നവംബർ 8-ന് ലങ്കാസ്റ്ററിൽ ജനിച്ചു. ചെറുപ്പം മുതൽ ചിത്രകല സ്വയം പഠിച്ചു. 1905 മുതൽ 13 വരെ പെൻസിൽവാനിയ അക്കാദമി ഒഫ് ഫൈൻ ആർട്ട്സിൽ പഠനം നടത്തി.

ക്യൂബിസ്റ്റു രചനാശൈലി[തിരുത്തുക]

ഇതിനിടയ്ക്ക് 1907 മുതൽ ഒരു വർഷം യൂറോപ്പ് സന്ദർശിക്കുകയും നിയോ-ഇംപ്രഷനിസ്റ്റുകളുടേയും ക്യൂബിസ്റ്റുകളുടേയും രചനാശൈലി മനസ്സിലാക്കുകയും ചെയ്തു. അമേരിക്കയിൽ ക്യൂബിസ്റ്റ് ശൈലി അവതരിപ്പിച്ചത് ഇദ്ദേഹമാണ്. ഹാഗ് ബ്രെക്കന്റിഡ്ജിൽ നിന്നും നിശ്ചലചിത്രരചന സ്വായത്തമാക്കിയ ഇദ്ദേഹം ആ രംഗത്തും മികച്ച സംഭാവനകൾ നൽകിയിട്ടുണ്ട്. പൂക്കളേയും നിശ്ചലജീവിത ദൃശ്യങ്ങളേയും അധികരിച്ചുള്ള ഇദ്ദേഹത്തിന്റെ രചനകൾ ശ്രദ്ധേയങ്ങളാണ്.

ചാൾസ് ഡെമൂത്തിന്റെ രചനകൾ[തിരുത്തുക]

ആദ്യകാലത്ത് ജലച്ചായത്തിലും പിന്നീട് എണ്ണച്ചായത്തിലുമായിരുന്നു ചിത്രങ്ങൾ വരച്ചത്. ചിത്രങ്ങളുടെ തലക്കെട്ടുകളിൽ മിക്കപ്പോഴും വിരുദ്ധോക്തി പ്രയോഗിക്കുക പതിവായിരുന്നു. ഫോർ ടൂ ഫാക്ടറി ചിമ്മിനീസ് ഒരുദാഹരണം. ഇദ്ദേഹത്തിന്റെ ഏറ്റവും വിഖ്യാതമായ ചിത്രം ഐ സാ ദ് ഫിഗർ ഫൈവ് ഇൻ ഗോൾഡ് (1928) ആണ്. ബൽസാക്, ഹെൻട്രി ജെയിംസ്, സോള, പോ എന്നിവർക്കുവേണ്ടി ഡെമൂത് വരച്ച ഇല്ലസ്ട്രേഷനുകൾ വിശ്വപ്രസിദ്ധമാണ്. തന്റെ വിരുദ്ധോക്തിപരമായ ജീവിതവീക്ഷണം വെളിപ്പെടുത്തുന്ന ഒരു നാടകവും ഇദ്ദേഹം രചിച്ചിട്ടുണ്ട് അസുരെ അസേർഡ് (1913). 1935 ഒക്ടോബർ 23-ന് ലങ്കാസ്റ്ററിൽ ഇദ്ദേഹം നിര്യാതനായി.

പുറത്തേക്കുള്ള കണ്ണികൾ[തിരുത്തുക]

കടപ്പാട്: കേരള സർക്കാർ ഗ്നൂ സ്വതന്ത്ര പ്രസിദ്ധീകരണാനുമതി പ്രകാരം ഓൺലൈനിൽ പ്രസിദ്ധീകരിച്ച മലയാളം സർ‌വ്വവിജ്ഞാനകോശത്തിലെ ഡെമൂത്, ചാൾസ് (1883 - 1935) എന്ന ലേഖനത്തിന്റെ ഉള്ളടക്കം ഈ ലേഖനത്തിൽ ഉപയോഗിക്കുന്നുണ്ട്. വിക്കിപീഡിയയിലേക്ക് പകർത്തിയതിന് ശേഷം പ്രസ്തുത ഉള്ളടക്കത്തിന് സാരമായ മാറ്റങ്ങൾ വന്നിട്ടുണ്ടാകാം.
"https://ml.wikipedia.org/w/index.php?title=ചാൾസ്_ഡെമൂത്&oldid=2435688" എന്ന താളിൽനിന്ന് ശേഖരിച്ചത്