കുത്താമ്പുള്ളി സാരി

വിക്കിപീഡിയ, ഒരു സ്വതന്ത്ര വിജ്ഞാനകോശം.

തൃശൂർ ജില്ലയിലെ കുത്താമ്പുള്ളി ഗ്രാമത്തിൽ പരമ്പരാഗതമായ രീതിയിൽ നെയ്തെടുക്കുന്ന സാരികളാണ് കുത്താമ്പുള്ളി സാരികൾ എന്നറിയപ്പെടുന്നത്. കസവിന്റെ പ്രത്യേകതയാണ് ഈ സാരികളെ ഏറെ പ്രശസ്തമാക്കുന്നത്. 2011 സെപ്തംബറിൽ കുത്താമ്പുള്ളി സാരിയ്ക്ക് ഭൗമസൂചിക അംഗീകാരം ലഭിച്ചു.[1]

ചരിത്രം[തിരുത്തുക]

കുത്താമ്പുള്ളി സാരികൾ പ്രധാനമായും നെയ്തെടുക്കുന്നത് പഴയ മൈസൂർ സംസ്ഥാനത്ത് വേരുകളുള്ള ദേവാംഗ സമുദായത്തിൽ പെട്ടവരാണ്. 500 വർഷങ്ങൾക്ക് മുൻപ് കൊച്ചി രാജകുടുംബം കൊട്ടാരത്തിലേക്കാവശ്യമുള്ള വസ്ത്രങ്ങൾ നിർമ്മിക്കുവാനായി ഇവരുടെ പൂർവ്വികരെ ഇവിടെയെത്തിച്ചതായി കരുതപ്പെടുന്നു.[2] 1972-ൽ 102 അംഗങ്ങളുമായി രജിസ്റ്റർ ചെയ്ത് പ്രവർത്തനം ആരംഭിച്ച കുത്താമ്പുള്ളി കൈത്തറി വ്യവസായ സഹകരണ സംഘത്തിൽ 2008 ഫെബ്രുവരിയിലെ കണക്കുകൾ പ്രകാരം 814 അംഗങ്ങൾ ഉണ്ട്. സാരികൾക്ക് പുറമേ ധോത്തികളും വേഷ്ടികളും ഒക്കെ ഇവർ നിർമ്മിക്കുന്നു.

അവലംബം[തിരുത്തുക]

"http://ml.wikipedia.org/w/index.php?title=കുത്താമ്പുള്ളി_സാരി&oldid=1790634" എന്ന താളിൽനിന്നു ശേഖരിച്ചത്