കാഞ്ച ഐലയ്യ
ഇന്ത്യയിലെ ഒരു സാമൂഹ്യ പ്രവർത്തകനും ഗ്രന്ഥകാരനുമാണ് കാഞ്ച ഐലയ്യ. ഇന്ത്യൻ ജാതിവ്യവസ്ഥക്കെതിരായ ദലിത് മുന്നേറ്റത്തിൻറെ സൈദ്ധാന്തികൻ. ഹൈദരാബാദിലെ ഉസ്മാനിയ സർവകലാശാലയിൽ പൊളിറ്റിക്കൽ സയൻസ് വിഭാഗം തലവനാണ്. ആദ്യത്തെ ദലിത്ബഹുജൻ ആനുകാലികമായ നലുപുവിൻറെ അമരക്കാരിലൊരാൾ.
ഉള്ളടക്കം |
[തിരുത്തുക] ജീവിതരേഖ
ദക്ഷിണേന്ത്യയിലെ ഒരു ഗ്രാമീണ കുടുംബത്തിൽ പിന്നാക്ക ജാതികളിലൊന്നായ കുറുമ ഗൊല്ല സമുദായത്തിൽ 1952 ഒക്ടോബർ 5 ന് ജനനം. ചെറുപ്പത്തിലേ അനുഭവിക്കേണ്ടി വന്ന ജാതിവ്യവസ്ഥയുടെ ക്രൂരതകൾ അദ്ദേഹത്തിൻറെ ആക്റ്റിവിസത്തേയും പ്രത്യയശാസ്ത്രത്തേയും രൂപപ്പെടുത്തിയെടുക്കുന്നതിൽ നിർണ്ണായക പങ്കു വഹിച്ചു. ഉസ്മാനിയ യൂനിവേഴ്സിറ്റിയിൽ നിന്നും രാഷ്ട്ര തന്ത്രത്തിൽ ഡോക്ടറേറ്റ് നേടി. ‘ശ്രീ ബുദ്ധന്റെ രാഷ്ട്രീയ തത്ത്വചിന്ത’യായിരുന്നു ഗവേഷണവിഷയം.
[തിരുത്തുക] ആക്റ്റിവിസം
ഇന്ത്യയിലെ ദലിത് ബഹുജന പ്രസ്ഥാനത്തിൻറെ മുന്നണിപ്പോരാളിയായാണ് ഐലയ്യ അറിയപ്പെടുന്നത്. കൂടാതെ ആൾ ഇന്ത്യാ ക്രിസ്ത്യൻ കൌൺസിലുമായും അമേരിക്ക ആസ്ഥാനമായുള്ള ദലിത് ഫ്രീഡം നെറ്റ്വർക്കുമായും അദ്ദേഹത്തിനു ബന്ധമുണ്ട്. “ഞാൻ എന്തു കൊണ്ട് ഹിന്ദുവല്ല”, “എരുമദേശീയത”, “ദൈവമെന്ന രാഷ്ട്രമീമാംസകൻ: ബ്രാഹ്മണിസത്തോടുള്ള ബുദ്ധൻറെ വെല്ലുവിളി”, തുടങ്ങി ഏറെ പുസ്തകങ്ങളെഴുതിയിട്ടുണ്ട്. കൂടാതെ ദേശീയ ദിനപത്രങ്ങളിലും പ്രസിദ്ധീകരണങ്ങളിലും തുടർച്ചയായി ലേഖനങ്ങളെഴുതുന്നു. കാഞ്ച ഐലയ്യയുടെ ഏറ്റവും പുതിയ പുസ്തകമാണ് പോസ്റ്റ് ഹിന്ദു ഇന്ത്യ (Post-Hindu India).[1] സെയ്ജ് പബ്ലിക്കേഷനാണ് ഇത് പ്രസിദ്ധീകരിച്ചിട്ടുള്ളത്.
[തിരുത്തുക] അവലംബം
[തിരുത്തുക] ഇതും കാണുക
 |
ജീവചരിത്രവുമായി ബന്ധപ്പെട്ട ഈ ലേഖനം അപൂർണ്ണമാണ്. ഇതു വികസിപ്പിക്കുവാൻ സഹായിക്കുക. |
