ഇല നിന്ന പാട്
ഇല അതു നിന്ന തണ്ടിൽനിന്നും പൊഴിയുമ്പോൾ ആ തണ്ടിൽ അതു നിന്ന സ്ഥലത്തു കാണപ്പെടുന്ന അടയാളം അല്ലെങ്കിൽ പാട് ആണ് ഇല നിന്ന പാട്. ഈ അടയാളം കാണപ്പെടുന്ന സ്ഥലത്ത് ആണ് ഇലയുടെ ഞെട്ട് തണ്ടിനോട് ബന്ധിച്ചിരുന്നത്. ഒരു സസ്യത്തിന്റെ ശാഖയുണ്ടാകുന്ന സ്ഥലത്ത് ഒരു ഇലയുടെ പാട് കാണാവുന്നതാണ്.
രൂപീകരണം[തിരുത്തുക]
ഇലയുടെ പാട് സ്വാഭാവികമായി ഉണ്ടാകുന്നതാണ്. മിക്കപ്പോഴും ഇലപൊഴിയും വനങ്ങളിലും മറ്റു വളർച്ചാസീസണിന്റെ അവസാനം തണ്ടിനും ഇലയുടെ ഞെട്ടിനുമിടയിൽ അബ്സിസ്സ പടലം (abscissa layer) എന്നു പേരുള്ള ഒരു പടലം കോശങ്ങളുണ്ടാകുന്നു. ഈ അബ്സിഷൻ പടലം ഇല തണ്ടിൽനിന്നും വേർപെട്ടുപോകാനുള്ള ഇടമായി വർത്തിക്കുന്നു. ഇവിടെവച്ച് ഇല തണ്ടിൽനിന്നും വേർപെട്ട് അവിടെ ഒരു വളരെ മിനുസമുള്ള പ്രത്യേക രൂപത്തോടുകൂടിയ മുറിവുണ്ടാകുന്നു. ഇല വേർപെട്ട ഉടനേതന്നെ ആ ഭാഗത്ത് സംരക്ഷണമായി കോർക്ക് കോശങ്ങൾ നിൽക്കുന്നു. സ്റ്റിപ്യൂളുകൾ ഉണ്ടെങ്കിൽ അവയും പൊഴിയുമ്പോൾ ഇലകൾ പൊഴിയുമ്പോൾ ഉണ്ടാകുന്ന പാടുകൾ ഉണ്ടാകാറുണ്ട്.[1]
സംവഹനവ്യൂഹത്തിന്റെ പാട്[തിരുത്തുക]
സംവഹനവ്യൂഹങ്ങൾ ഇലകളിൽ ജലത്തെയും ലവണങ്ങളെയും സംവഹനം നടത്താനായുള്ള സംവിധാനമാണ്. ഇലകൾ മുറിഞ്ഞുപോയ ഭാഗത്ത് വൃത്തത്തിലോ മറ്റ് ആകൃതികളിലോ കാണാവുന്നതാണ്. ഇവയും ഇലയിൽനിന്നും തണ്ടിലേയ്ക്ക് പോയിരുന്ന ഭാഗത്ത് അവയുടെ പാടുകൾ കാണാനാകും.[2] ഈ സംവഹനവ്യൂഹത്തിന്റെ ഇലഞെട്ടിലെ പാടുകളുടെ എണ്ണത്തിന്റെ അടിസ്ഥാനത്തിൽ സ്പീഷിസുകളെ തരംതിരിക്കാനുള്ള മാനദണ്ഡമാക്കാറുണ്ട്.
അവലംബം[തിരുത്തുക]
- ↑ "Winter twigs". Oregon state university. Archived from the original on 2017-09-10. Retrieved 8 November 2015.
- ↑ Dirr, Michael Illustrations by Bonnie Dirr (1990). Manual of woody landscape plants (4. ed., rev. ed.). [S.l. ISBN 0-87563-344-7.
{{cite book}}: CS1 maint: location missing publisher (link)