അമിയൻസ് യുദ്ധം

ഇംഗ്ലീഷ് വിലാസം

http://ml.wikipedia.org/wiki/Battle_of_Amiens_(1918)

അമിയൻസ് യുദ്ധം
ഒന്നാം ലോകയുദ്ധം
അമിയൻസ് യുദ്ധം, 1918.
കാലയളവ് 8–11 August 1918 (major combat) സ്ഥലം East of Amiens, Picardy, France ഫലം Decisive Entente victory
പങ്കെടുത്തവർ
France United Kingdom Australia Canada United States	German Empire
സേനാനായകർ
Ferdinand Foch Sir Douglas Haig Sir John Monash Sir Arthur Currie John Pershing	Georg von der Marwitz Erich Ludendorff
സൈനികശേഷി
12 French divisions 5 Australian divisions 4 Canadian divisions 3 British divisions 1 American division 1,900 aircraft 532 tanks	10 active divisions 4 reserve divisions 365 aircraft
ജീവഹാനിയും നാശനഷ്ടങ്ങളും
22,200 dead, wounded, or missing	24,000 dead, wounded, or missing 50,000 captured

ഒന്നാം ലോകയുദ്ധത്തിന്റെ അവസാനഘട്ടത്തിൽ സഖ്യശക്തികളും ജർമൻ സേനയും തമ്മിൽ ഫ്രാൻസിലെ അമിയൻസിനു സമീപത്തുവച്ചു നടന്ന യുദ്ധത്തെയാണ് അമിയൻസ് യുദ്ധം എന്നു പറയുന്നത്. സഖ്യശക്തികൾക്ക് യു.എസ്. സഹായം ലഭിച്ചതിനാൽ അവർ ക്രമേണ മുന്നേറുകയായിരുന്നു. ഫ്രഞ്ചു ജനറലായ മാർഷൽ ഫെർഡിനൻഡ് ഫോഷ് (1851-1929) സഖ്യശക്തികളുടെ സർവസൈന്യാധിപനായി നിയമിക്കപ്പെട്ടിരുന്നു. ജനറൽ സർ ഡഗ്ളസ് ഹേഗ് (Sir Douglas Haig, 1861-1928) ആണ് ഈ യുദ്ധം സഖ്യശക്തികൾക്കുവേണ്ടി ആസൂത്രണം ചെയ്തത്. ജർമൻ സൈന്യാധിപനായ ജനറൽ ലുഡൻഡോർഫിന്റെ (Erich Friedrich Wilhelm von Ludendorf,1865 1937) നേതൃത്വത്തിൽ അമിയൻസ് എന്ന തന്ത്രപ്രധാനമായ പട്ടണം പിടിച്ചെടുക്കുകയായിരുന്നു ജർമൻ സേനയുടെ ലക്ഷ്യം. ഒരു വൻപിച്ച ജർമൻ സേനയ്ക്ക് മൂടൽമഞ്ഞിന്റെ മറവിൽ 40 കി.മീ. മുന്നേറുന്നതിന് സാധിച്ചു. അമിയൻസിൽനിന്ന് 16 കി.മീ. അകലെ ജർമൻ സേന എത്തിയപ്പോൾ സഖ്യശക്തികൾ സുസംഘടിതമായി അവരെ നേരിട്ടു. തുടർന്നുണ്ടായ യുദ്ധത്തിൽ ഇരുപക്ഷക്കാർക്കും ഒട്ടധികം നാശനഷ്ടങ്ങൾ സംഭവിച്ചു. എങ്കിലും സഖ്യശക്തികളുടെ ഒരു മുഖ്യകേന്ദ്രമായിരുന്ന അമിയൻസ് പിടിച്ചെടുക്കുന്നതിനു സാധിക്കാതെ ജർമൻ സൈന്യം പിൻവാങ്ങാൻ നിർബന്ധിതമായി. ഒന്നാംലോക യുദ്ധത്തിൽ ജർമനിയുടെ പരാജയത്തിന്റെ ആരംഭം കുറിച്ചത് ഈ യുദ്ധത്തോടെയാണ്. യുദ്ധചരിത്രത്തിൽ ജർമൻ സേനയുടെ കറുത്ത ദിനം ആരംഭിച്ചു എന്നായിരുന്നു ഈ പരാജയത്തെപ്പറ്റി ജർമൻ സൈന്യാധിപനായിരുന്ന ലുഡൻഡോർഫിന്റെ പ്രതികരണം.

രണ്ടാംലോക യുദ്ധകാലത്ത് അമിയൻസ് പട്ടണം ജർമൻ സേന (1940) കീഴടക്കി വൻപിച്ച നാശനഷ്ടങ്ങൾ വരുത്തി. 1944 ആഗ.-ൽ സഖ്യകക്ഷികളിൽപെട്ട ഇംഗ്ളീഷു സൈന്യം ജർമൻകാരിൽനിന്നും ഈ നഗരം വിമോചിപ്പിച്ചു.

പുറംകണ്ണി

• അമിയൻസ് യുദ്ധം]

കടപ്പാട്: ഈ ലേഖനം, കേരള സർക്കാർ ഗ്നൂ സ്വതന്ത്ര പ്രസിദ്ധീകരണാനുമതി പ്രകാരം ഓൺലൈനിൽ പ്രസിദ്ധീകരിച്ച മലയാളം സർ‌വ്വവിജ്ഞാനകോശത്തിലെ അമിയൻസ് യുദ്ധം എന്ന ലേഖനത്തിന്റെ ഉള്ളടക്കം ഉപയോഗിക്കുന്നുണ്ട്. വിക്കിപീഡിയയിലേക്കു് പകർത്തിയതിനു് ശേഷം പ്രസ്തുത ഉള്ളടക്കത്തിനു് സാരമായ മാറ്റങ്ങൾ വന്നിട്ടുണ്ടാകാം.