അഭിമാനക്കൊല

വിക്കിപീഡിയ, ഒരു സ്വതന്ത്ര വിജ്ഞാനകോശം.

ഒരു സമൂഹത്തിന്റെയോ കുടുംബത്തിന്റെയോ അഭിമാനക്ഷതിനു കാരണമായി എന്ന കുറ്റം ചുമത്തി ഒരു വ്യക്തിയെ ആ കുടുംബത്തിലെ/സമൂഹത്തിലെ മറ്റ് അംഗങ്ങൾ കൊലചെയ്യുന്നതിനെ അഭിമാനക്കൊല അഥവാ ദുരഭിമാനക്കൊല എന്നു വിശേഷിപ്പിക്കുന്നു.

വർഷം തോറും 20,000ത്തിലധികം സ്ത്രീകൾ ദുരഭിമാനക്കൊലക്ക് വിധേയമാകുന്നതായി മദ്ധ്യപൂർവേഷ്യയിലെയും പശ്ചിമേഷ്യയിലെയും വനിതാസംഘടനകൾ വിശ്വസിക്കുന്നു[1]

നിർവചനങ്ങൾ[തിരുത്തുക]

ഹ്യൂമൻ റൈറ്റ്സ് വാച്ച് ദുരഭിമാനക്കൊലയെ താഴെ പറയും പ്രകാരം നിർവചിച്ചിരിക്കുന്നു.

കുടുംബത്തിനു മാനഹാനി വരുത്തി എന്ന കാരണത്താൽ കുടുംബത്തിലെ ആൺ അംഗങ്ങൾ പെൺ അംഗങ്ങൾക്കു നേരെ നടത്തുന്ന പ്രതികാര നടപടികൾ, പൊതുവേ കൊലപാതകം,ആണ് ദുരഭിമാനക്കൊല. തീരുമാനിച്ച വിവാഹത്തിന് തയാറാവാതിരിക്കൽ,ലൈംഗിക അതിക്രമത്തിന്റെ ഇരയാകൽ, വിവാഹമോചനത്തിനു ശ്രമിക്കൽ -അതിക്രമകാരിയായ ഭർത്താവാണെങ്കിലും, അല്ലെങ്കിൽ ചാരിത്ര്യം ചോദ്യംചെയ്യപ്പെടുക തുടങ്ങി പലകാരണങ്ങളാലും ഒരു സ്ത്രീ ഇതിനിരയാവാം. കുടുംബത്തിനു 'മാനഹാനിക്കു കാരണമാവുന്ന രീതിയിൽ പ്രവർത്തിച്ചു എന്ന കേവല വിവരം മതി അവളുടെ ജീവനു ഭീഷണിയുണ്ടാവാൻ[2]

ഒരു കുടുംബത്തിലെ സ്ത്രീയുമായി അനഭിമതമായ ബന്ധത്തിലേർപ്പെട്ടു എന്ന കാരണത്താൽ ആ സ്ത്രീയുടെ ബന്ധുക്കളാൽ ഒരു പുരുഷനും ദുരഭിമാനക്കൊലക്കിരയാകാവുന്നതാണ്. [3] ദുരഭിമാനക്കൊല നടത്തിവരുന്ന സംസ്കാരങ്ങളിൽ ഈ പദം സ്ത്രീയേയും പുരുഷനെയും വധിക്കുന്നതിനെ സൂചിപ്പിക്കാൻ ഉപയോഗിക്കുന്നു [4]

സാമൂഹിക അസമത്വത്തിനെതിരെ പ്രവർത്തിക്കുന്ന വനിതകൾ, മറ്റു സമൂഹങ്ങളുമായി പരസ്യമായി ഇടപഴകുന്ന സ്ത്രീകൾ, മറ്റുമതങ്ങളിലെയും സമൂഹങ്ങളിലേയും ആചാരങ്ങളിലേർപ്പെടുന്നവർ , പൊതുജീവിത,രാഷ്ട്രീയ മേഖലകളിൽ പ്രവർത്തിക്കുന്ന സ്ത്രീകൾ (ഉദാ:ഫെമിനിസ്റ്റുകൾ) എന്നിവർ ആക്രമണത്തിനിരയാകാം. [5]

അവലംബം[തിരുത്തുക]

  1. Robert Fisk (7 September 2010). "Robert Fisk: The crimewave that shames the world". London: The Independent. ശേഖരിച്ചത് 8 September 2010. 
  2. "Violence Against Women and "Honor" Crimes". Human Rights Watch. ശേഖരിച്ചത് 2001-04-06. 
  3. Afghan couple stoned to death – Central & South Asia. Al Jazeera English (2010-08-16). Retrieved on 2011-10-01.
  4. Teen Lovers killed in India Honor Killing. LiveLeak.com
  5. (Swedish)"Fadimes minnesfond". fadimesminne.nu. ശേഖരിച്ചത് 2007-06-06. 

പുറത്തേക്കുള്ള കണ്ണികൾ[തിരുത്തുക]


"http://ml.wikipedia.org/w/index.php?title=അഭിമാനക്കൊല&oldid=1796283" എന്ന താളിൽനിന്നു ശേഖരിച്ചത്