അതിസാരം

ഇംഗ്ലീഷ് വിലാസം

http://ml.wikipedia.org/wiki/Diarrhea

Diarrhea

അതിസാരമുണ്ടാക്കുന്ന രോഗാണുവായ റോട്ടോവൈറസിന്റെ ഇലൿട്രോൺ മൈക്രോഗ്രാഫ്
ICD-10	A09., K59.1
ICD-9	787.91
DiseasesDB	3742
eMedicine	ped/583
MeSH	D003967

പല തവണ, സ്വാഭാവികമല്ലാത്ത രീതിയിലുള്ള മലം പോകുന്ന രോഗമാണ് അതിസാരം. രോഗിയുടെ മലത്തിൽക്കൂടിയാണ് ഇതിന്റെ രോഗാണുക്കൾ മറ്റുള്ളവരിലെക്കു പകരുന്നത്. വിഷബാധയുള്ള ഭക്ഷ്യസാധനങ്ങൾ, പാകമാകാത്ത പഴവർഗ്ഗങ്ങൾ‍, കുടലിലെ ചലനം വർദ്ധിപ്പിക്കുന്ന ബാക്ടീരിയകൾ‍, പ്രോട്ടോസോവകൾ, വിരകൾ മുതലായവ അതിസാരമുണ്ടാക്കുന്നു. അന്നപഥത്തിലെ ക്ഷയം, അർബുദം, റ്റൈഫോയ്ഡ് എന്നീ രോഗങ്ങളുടെ ലക്ഷണമായും അതിസാരമുണ്ടാകാം. ഒരു വയസ്സിനു താഴെയുള്ള കുട്ടികൾക്ക് പച്ചനിറത്തിൽ മലം പോകുന്നത് അതിസാരത്തിന്റെ ലക്ഷണമാണ്. ഇതു തടയാത്തപക്ഷം ശക്തിയായി പനി വരുകയും ശരീരത്തിൽ ജലാംശവും സോഡിയവും മാരകമായവിധം നഷ്ടപ്പെടുകയും ചെയ്യും. കാലാവസ്ഥ, സ്ഥലം, ഭക്ഷണം എന്നിവയുടെ മാറ്റംകൊണ്ടും അതിസാരം ഉണ്ടാകാം. രോഗമുള്ളപ്പോൾ മുട്ട, ഇറച്ചി, ചോറ് ഇവ വർജ്ജിക്കണം. കയൊലിൻ മിക്സ്ചർ‍, സൾഫാഗ്വാനഡിൻ എന്നിവ ഈ രോഗത്തിനു പ്രതിവിധിയാണ്.

ആയുർ വേദത്തിൽ‍, ത്രിദോഷാടിസ്ഥാനത്തിൽ ആറു വിധത്തിലുള്ള അതിസാരങ്ങൾ വിവരിക്കുന്നുണ്ട്. വാതപ്രധാനമായ അതിസാരത്തിൽ നുരയും പതയും ഉള്ളതും പിത്താതിസാരത്തിൽ രക്തവും ദുർന്ധമുള്ളതും കഫാതിസാരത്തിൽ ദഹിക്കാത്തതും കഫത്തോടുകൂടിയതും ആയ മലമാണ് അതിസരിക്കുക. ദഹന പ്രശ്നം മൂലമോ ശാരീര പ്രതിപ്രവർത്തനം മൂലമോ ശരീരത്തിൽ നിന്നും മലം സാധാരണയിൽ കവിഞ്ഞോ സമയ ക്രമം പാലിക്കാതെയോ ഒഴിഞ്ഞു പോവുന്നതിനെയാണ് വയറിളക്കം എന്നു പറയുന്നത്.പൊതുവെ ദ്രവരൂപത്തിലുള്ള ഈ ഒഴിഞ്ഞു പോക്കിന് പ്രതിവിധയായി പ്രഥമ ശുശ്രൂശ തന്നെ മതിയാവുന്നതാണ്. ചർദ്ദിലും ഇതിനോടനുബന്ധിച്ച് ഉണ്ടാവാറുണ്ട്. പ്രത്യേക ലായനിയാണ് ഇതിന് പെട്ടെന്നുള്ള പരിഹാരം. ശരീരത്തിൽ നിന്നും ജലാംശം നഷ്ടപ്പെടുന്നതിനാൽ വെള്ളം ധാരാളമായി കുടിക്കുകയും വേണം. മലബന്ധത്തിന് വിപരീതമായ ഒരു ശാരീരികാവസ്ഥയാണ് വയറിളക്കം.

അവലംബം

കടപ്പാട്: കേരള സർക്കാർ ഗ്നൂ സ്വതന്ത്ര പ്രസിദ്ധീകരണാനുമതി പ്രകാരം ഓൺലൈനിൽ പ്രസിദ്ധീകരിച്ച മലയാളം സർ‌വ്വവിജ്ഞാനകോശത്തിലെ അതിസാരം എന്ന ലേഖനത്തിന്റെ ഉള്ളടക്കം ഈ ലേഖനത്തിൽ ഉപയോഗിക്കുന്നുണ്ട്. വിക്കിപീഡിയയിലേക്കു് പകർത്തിയതിനു് ശേഷം പ്രസ്തുത ഉള്ളടക്കത്തിനു് സാരമായ മാറ്റങ്ങൾ വന്നിട്ടുണ്ടാകാം.