വിവേകദന്തങ്ങള്
വിക്കിപീഡിയ, ഒരു സ്വതന്ത്ര വിജ്ഞാനകോശം.
 |
ഈ ലേഖനം വിക്കിവല്ക്കരിക്കേണ്ടതുണ്ട്; താങ്കളുടെ സഹായം പ്രതീക്ഷിക്കുന്നു. |
മനുഷ്യരുടെ പല്ലുകളില് ഏറ്റവും ഒടുവില് മുളച്ചുവരുന്ന അണപ്പല്ലുകളാണ് വിവേകദന്തങ്ങള് (Wisdom teeth). അറിവായതിന് ശേഷം വരുന്ന പല്ലുകള് എന്ന അര്ത്ഥത്തിലാണ് ഈ പേര്[അവലംബം ആവശ്യമാണ്]. സാധാരണഗതിയില് 28 പല്ലുകള്ക്കുള്ള സ്ഥലമേ വായില് ഉള്ളു. ഏതാണ്ട് 13 വയസ്സിനകം ഈ 28 പല്ലുകള് മുളച്ചിരിക്കും. 17-25 വയസ്സിലാണ് വിവേകദന്തങ്ങള് വളര്ന്ന് വരിക. മുകളിലും താഴെയും മോണയുടെ നാലറ്റങ്ങളില് ഓരോ വിവേകദന്തങ്ങള് ഉണ്ടാകും.
ഉള്ളടക്കം |
[തിരുത്തുക] അന്നും ഇന്നും
മനുഷ്യ പരിണാമത്തിന്റെ ഭാഗമായാണ് വിവേകപല്ലുകള് അത്യാവശ്യമില്ലാത്ത അവയവമായത്. മനുഷ്യന്റെ പരിണാമഘട്ടത്തില് താടിയെല്ലിന്റെ വലിപ്പം കുറഞ്ഞു വരുന്നതായിട്ടാണ് കണ്ടു വരുന്നത്.
പ്രാചീനകാലത്ത് മനുഷ്യന് അസംസ്കൃത ഭക്ഷ്യപദാര്ത്ഥങ്ങള് കടിച്ച് പറിച്ച് ചവച്ചരച്ചാണ് തിന്നിരുന്നത്. അതിന് ബലവും വലിപ്പവും കൂടുതലുള്ള താടിയെല്ലുകളും വേണ്ടിയിരുന്നു. പിന്നീട് മനുഷ്യന്റെ ഭക്ഷണശീലങ്ങള് മാറി. മൃദുവായ ഭക്ഷണം ശീലിച്ച് തുടങ്ങി. അതോടെ താടിയെല്ലിന്റെയും അണപ്പല്ലിന്റെയും ഉപയോഗം കുറഞ്ഞു. ഇതും പരിണാമത്തിന് കാരണമായി കരുതുന്നുണ്ട്.
[തിരുത്തുക] കാരണങ്ങള്
വിവേകദന്തങ്ങള് മുളച്ചു വരാത്തതിന് പല കാരണങ്ങള് ചൂണ്ടിക്കാണിക്കപ്പെട്ടിട്ടുണ്ട്.
[തിരുത്തുക] പ്രശ്നങ്ങള്
മുളച്ചുവളരാന് വേണ്ടത്രസ്ഥലം വായില് ഇല്ലാത്തതു കൊണ്ട് പലപ്പോഴും വിവേകദന്തങ്ങള് നേരേ മുളച്ച് വരാരില്ല. ചാഞ്ഞും ചരിഞ്ഞും വളരുക,മോണയിലോ എല്ലിലോ കുടുങ്ങി പോകുക(Impaction) എന്ന പ്രശ്നങ്ങള് കണ്ടു വരാറുണ്ട്. മറ്റൊരു പ്രശ്നം വൈകി മുളക്കുന്നതിനാലും സ്ഥലം ഇല്ലാത്തതിനാലും താഴത്തെ നിരയിലെ മുന്നിലെ പല്ലുകള് നിര തെറ്റാന് സാദ്ധ്യതയാണ്.
[തിരുത്തുക] ഇംപാക്ഷന് തരം തിരിവ്
വിവേക ദന്തത്തിന്റെ സ്ഥാനം അനുസരിച്ച് കുടുങ്ങല് അഥവാ ഇംപാക്ഷന് പലതരം ഉണ്ട്. ലംബമായതും(vertical) തിര്ശ്ചീനമായതും (horizontal) കോണായി (mesioangular)ചരിഞ്ഞതുമാണ് പ്രധാന തരങ്ങള് പല ഗവേഷകരും തരം തിരിവ് നടത്തിയിട്ടുണ്ട്. പെല്ല് അന്ഡ് ഗ്രിഗറി [1]എന്നിവരുടെ തരം തിരിവാണ് അതില് ഏറ്റവും സ്വീകാര്യമായി കരുതപ്പെടുന്നത് [2]
- സ്ഥാനം 1 - കുടുങ്ങിയ വിവേകദന്തത്തിന്റെ ഏറ്റവും മേല് ഭാഗം ദന്തനിരയുടെ നിരപ്പിനേക്കാള് മേലെയോ അതിനൊപ്പമോ ആയിരിക്കുന്ന അവസ്ഥ
- സ്ഥാനം 2 - കുടുങ്ങിയ വിവേകദന്തത്തിന്റെ ഏറ്റവും മേല് ഭാഗം ദന്തനിരയുടെ നിരപ്പിനേക്കാള് താഴെയും എന്നാല് മോണയുടെ നിരപ്പിനേക്കാള് മേലെയും ആയിരിക്കുന്ന അവസ്ഥ
- സ്ഥാനം 3 - കുടുങ്ങിയ വിവേകദന്തത്തിന്റെ ഏറ്റവും മേല് ഭാഗം മോണയുടെ നിരപ്പിനേക്കാള് താഴെയായി വരുന്ന അവസ്ഥ.
-
- നില 1- കുടുങ്ങിയ വിവേകദന്തത്തിന്റെ പല്ലിന്റെ ഒരു ഭാഗവും (ക്രൗണ്) താടിയെല്ലിന്റെ പിന്ഭാഗത്തായി (റാമസ്) വന്നിട്ടില്ലാത്ത അവസ്ഥ.
- നില 2 കുടുങ്ങിയ വിവേകദന്തത്തിന്റെ പല്ലിന്റെ കുറച്ചു ഭാഗം (ക്രൗണ്) താടിയെല്ലിന്റെ പിന്ഭാഗത്തായി (റാമസ്) വരുന്ന അവസ്ഥ.
- നില 2 കുടുങ്ങിയ വിവേകദന്തത്തിന്റെ പല്ലിന്റെ പകുതിയിലേറെ ഭാഗം (ക്രൗണ്) താടിയെല്ലിന്റെ പിന്ഭാഗത്തായി (റാമസ്) വരുന്ന അവസ്ഥ.
[തിരുത്തുക] ചികിത്സ
ചിലരില് മോണയില് കീറലുണ്ടാക്കിക്കൊടുത്താല് വിവേകദന്തങ്ങള് കുഴപ്പമില്ലാതെ വളര്ന്നു വന്നുകൊള്ളും. മുന്കൂട്ടി എക്സ്റേ എടുത്ത് നോക്കിയാല് ഈ പല്ലുകള്ക്ക് പുറത്ത് വരാന് സ്ഥലമുണ്ടോ എന്നു അറിയാനാകും. മോണയില് അല്ലെങ്കില് എല്ലില് കുടുങ്ങി പോകുക, വീക്കവും വേദനയും ഉണ്ടാവുക എന്നീ പ്രശ്നങ്ങള് ഉണ്ടെങ്കില് ശസ്ത്രക്രിയ മൂലം നീക്കം ചെയേണ്ടി വരും. മേല്വരിയിലെ വിവേകദന്തങ്ങള് നീക്കം ചെയ്യുന്നത് താരതമ്യേന എളുപ്പമാണ്. വിവേകദന്തങ്ങള് പ്രശ്നമില്ലാതെ വളരുന്നവരും ശ്രദ്ധിക്കേണ്ടതുണ്ടു. ഭക്ഷണാവശിഷ്ടങ്ങള് അടിഞ്ഞുകൂടി അണുബാധ വരാന് സാദ്ധ്യത ഏറെയാണ്.
[തിരുത്തുക] ചിത്രസഞ്ചയം
 |
 |
 |
 |
 |
 |
 |
[തിരുത്തുക] അവലംബം
- ↑ www.santetropicale.com/resume/19304.pdf
- ↑ American Journal of Orthodontics and Dentofacial Orthopedics, Volume 129, Issue 1, Pages 36-41
