മോഷെ ദയാൻ

ഇംഗ്ലീഷ് വിലാസം

http://ml.wikipedia.org/wiki/Moshe_Dayan

മോഷെ ദയാൻ
1915 20 മേയ്(1915-05-20)- 1981 ഒക്ടോബർ 16 (പ്രായം 66)
Dayan in 1978
ജനനസ്ഥലം	Degania, Jordan Valley, Vilayet of Beirut (then part of the Ottoman Empire)
മരണസ്ഥലം	Tel Aviv, Israel
Allegiance	British Army Haganah Israel Defence Forces
Years of service	1932 - 1974
പദവി	Brigade commander Lieutenant General Chief of Staff
യുദ്ധങ്ങൾ	World War II 1948 Arab-Israeli War Suez Crisis Six-Day war Yom Kippur War
ബഹുമതികൾ	Distinguished Service Order

ഇസ്രയേലിലെ പ്രമുഖ സൈനിക ജനറലും രാഷ്ട്രീയ നേതാവുമായിരുന്നു മോഷേ ദയാൻ (Hebrew: משה דיין‎, 20 മേയ് 1915 – 16 ഒക്ടോബർ 1981).

ജീവചരിത്രം

ആദ്യ ജീ‍വിതം

1915 മേയ് 20-ന് ജനിച്ചു. പതിനാല് വയസ്സു മുതൽ ദയാൻ സൈനികപ്രവർത്തനങ്ങളിൽ വ്യാപൃതനായി. അറബികളുടെ ആക്രമണത്തിൽനിന്ന് ജൂത അധിവാസ മേഖലകളെ സംരക്ഷിക്കുന്നതിനായി പ്രവർത്തിച്ചുപോന്ന ഹഗാനാ (Haganah) എന്ന ജൂതസേനയിലൂടെയായിരുന്നു പ്രവർത്തനം തുടങ്ങിയത്. ബ്രിട്ടീഷുകാരിൽനിന്ന് ഇദ്ദേഹത്തിന് പരിശീലനവും ലഭിച്ചിരുന്നു. എന്നാൽ ബ്രിട്ടൻ ഹഗാനയെ നിയമവിരുദ്ധമായി പ്രഖ്യാപിച്ചതിനെത്തുടർന്ന് 1939-ൽ ഇദ്ദേഹം അറസ്റ്റിലായി. 1941-ൽ തടവിൽനിന്നു മോചിതനായി. പിന്നീട് സിറിയയെയും ലബനനെയും മോചിപ്പിക്കാൻ സഖ്യസേനയോടൊപ്പം ദയാനും യുദ്ധത്തിൽ പങ്കെടുത്തു. ഈ യുദ്ധത്തിൽ ഇദ്ദേഹത്തിന്റെ ഇടതു കണ്ണ് നഷ്ടമായി. ഇതിനെത്തുടർന്നാണ് ഇദ്ദേഹം ഇടതുകണ്ണിന്റെ ഭാഗത്ത് കറുത്ത മറ ഉപയോഗിച്ചു തുടങ്ങിയത്. പില്ക്കാലത്ത് ഇദ്ദേഹത്തിന്റെ ഒരു തിരിച്ചറിയൽ അടയാളമായിത്തന്നെ ഇത് കരുതപ്പെട്ടുപോന്നു.

പിൽക്കാല ജീവിതം

പലസ്തീൻകാരെ പുറന്തള്ളി ഇസ്രയേൽരാജ്യം സ്ഥാപിക്കാനായി 1948-49 കാലത്ത് നടത്തിയ യുദ്ധത്തിൽ ജറുസലേം കേന്ദ്രീകരിച്ചു യുദ്ധം ചെയ്തിരുന്ന ഒരു സേനാ വിഭാഗത്തിന്റെ കമാൻഡർ ആയിരുന്നു ദയാൻ. 1953-ൽ ഇസ്രയേൽസേനയുടെ നേതൃസ്ഥാനത്തെത്തി. 1956-ലെ സിനായ് ആക്രമണത്തിനു നേതൃത്വം വഹിച്ചത് ഇദ്ദേഹമായിരുന്നു. 1958-ൽ സൈനികസേവനം അവസാനിപ്പിച്ചു. 1959-ൽ ഇസ്രയേൽ പാർലമെന്റിലേക്കു തെരഞ്ഞെടുക്കപ്പെട്ടു. തുടർന്ന് 1964 വരെ കൃഷിവകുപ്പുമന്ത്രിയായി പ്രവർത്തിക്കുകയുമുണ്ടായി. 1967-ലെ 'ആറു ദിവസ'യുദ്ധകാലത്ത് ഇദ്ദേഹം പ്രതിരോധമന്ത്രിപദം വഹിച്ചിരുന്നു. 1974 വരെ ഈ സ്ഥാനത്തു തുടർന്നു. 1977-ൽ വിദേശകാര്യമന്ത്രിയായി. ഇസ്രയേലും ഈജിപ്തുമായുള്ള സമാധാനക്കരാർ ഉണ്ടാക്കുന്നതിനായി ദയാൻ ഏറെ യത്നിച്ചു. ഗവണ്മെന്റിന്റെ ചില നയങ്ങളോട് പൊരുത്തപ്പെട്ടു പോകുവാൻ വിമുഖതയുണ്ടായിരുന്നതിനാൽ ഇദ്ദേഹം 1979-ൽ മന്ത്രിസ്ഥാനം രാജിവച്ചു. സ്റ്റോറി ഒഫ് മൈ ലൈഫ് (1976) എന്ന ആത്മകഥ ഉൾ പ്പെടെ പല ഗ്രന്ഥങ്ങളും രചിച്ചിട്ടുണ്ട്.

മരണം

1981 ഒ. 16-ന് ടെൽ അവീവിൽ ഇദ്ദേഹം നിര്യാതനായി.

ചിത്രശാല

• ചിത്രങ്ങൾ
• 

  Dayan's grave in the Nahalal cemetery

• 

  Moshe Dayan and Menachem Begin exit from an aircraft in Andrews Air Force Base, Maryland, USA

കൂടുതൽ വായനക്ക്

• Lau-Lavi, Napthali, (1968), Moshe Dayan - A Biography. English Book Store, New Delhi (First Indian Reprint 1979).

പുറത്തേക്കുള്ള കണ്ണികൾ

വിക്കി ചൊല്ലുകളിലെ Moshe Dayan എന്ന താളിൽ ഈ ലേഖനവുമായി ബന്ധപ്പെട്ട ചൊല്ലുകൾ ലഭ്യമാണ്‌:

• Moshe Dayan on the Knesset website (in English)
• Raz Kletter (2003) "A Very General Archaeologist - Moshe Dayan and Israeli Archaeology" Journal of Hebrew Scriptures 4.5