മരീചിക

വിക്കിപീഡിയ, ഒരു സ്വതന്ത്ര വിജ്ഞാനകോശം.

ഭൂതലത്തോട് അടുത്ത വായുവിലെ അടുത്തുള്ള തലങ്ങള്‍ തമ്മില്‍ ഗണ്യമായ താപനില വ്യത്യാസം ഉള്ള അവസരങ്ങളില്‍ അനുഭവപ്പെടുന്ന ഒരു പ്രകാശിക പ്രതിഭാസമാണ്‌ മരീചിക.

ചൂടുള്ള റോഡില്‍ കാണപ്പെടുന്ന അധോവൃത്തി പ്രതിബിംബം

ചക്രവാളത്തില്‍ കാണുന്ന അപഭ്രംശം ഊര്‍ധ്വവര്‍ത്തി പ്രതിബിംബം മൂലമാണ് ‍

ഉയര്‍ന്ന താപനിലാ വ്യത്യാസം മൂലം പ്രകാശത്തിന് സാധാരണയില്‍ കവിഞ്ഞ അപഭംഗം തുടര്‍ച്ചയായി സംഭവിച്ച് പൂര്‍ണ്ണ ആന്തര പ്രതിഫലനം (Total Internal Reflection) ഉണ്ടായെന്ന പോലെ വസ്തുക്കളുടെ പ്രതിബിംബം ഉണ്ടാകുന്നു. കൂടിയ താപനില ഭൂതലത്തിനടുത്തും കുറഞ്ഞ താപനില ഉയരെയും വന്നാല്‍ ഉയരെ നിന്ന് താഴേക്ക് വരുന്ന രശ്മികള്‍ മുകളിലേക്ക് വളയുന്നു. അങ്ങനെ, താഴെ ജലമുണ്ടായെന്ന പോലെ വസ്തുക്കളുടെ തലകീഴായുള്ള പ്രതിബിംബം ഉണ്ടാകുന്നു. ഇതിന് അധോവൃത്തി (Inferior) പ്രതിബിംബം എന്ന് പറയുന്നു. നല്ല ചൂടുള്ളപ്പോള്‍ നല്ല പോലെ മിനുസപ്പെടുത്തിയ റോഡിലും മറ്റും ഇത് വ്യക്തമായി കാണാം. വെള്ളമുള്ളതായി തോന്നും.

തറയോടടുത്ത് തണുത്ത തലങ്ങളായാല്‍ പ്രതിഭാസം മറ്റൊരു തലത്തിലാകും. രശ്‌മികള്‍ താഴേക്കാണ് വളയുക. അതിന്റെ ഫലമാ‍യി തറയില്‍ നിന്ന്‍ ഉയര്‍ന്ന്, നിവര്‍ന്ന് തന്നെയുള്ള പ്രതിബിംബം ഉണ്ടാ‍കുന്നു. ഇതിന് ഊര്‍ധ്വവര്‍ത്തി (Superior) പ്രതിബിംബം എന്ന് പറയുന്നു. അപ്പോള്‍ വസ്തുക്കള്‍ വായുവില്‍ ഉയര്‍ന്ന് നില്‍ക്കുന്നതുപോലെയാണ് തോന്നുക.

ഈ ലേഖനം അപൂര്‍ണ്ണമാണ്‌. ഇതു പൂര്‍ത്തിയാക്കുവാന്‍ സഹകരിക്കുക.