ബ്രൈസ് ബേയർ

വിക്കിപീഡിയ, ഒരു സ്വതന്ത്ര വിജ്ഞാനകോശം.

'ഡിജിറ്റൽ ഇമേജിങിന്റെ പിതാവ്' എന്നറിയപ്പെട്ടിരുന്ന പ്രമുഖ അമേരിക്കൻ ശാസ്ത്രഞ്ജനായിരുന്നു ബ്രൈസ് ബേയർ(1929 – 13 നവംബർ 2012). ആധുനിക ഡിജിറ്റൽ ഇമേജ് സെൻസറുകളുടെ മുഖ്യഭാഗമായ 'ബേയർ ഫിൽറ്റർ' വികസിപ്പിച്ചത് ഇദ്ദേഹമായിരുന്നു.

ജീവിതരേഖ[തിരുത്തുക]

ഈസ്റ്റ്മാൻ കൊഡാക്ക് കമ്പനിയിലെ ശാസ്ത്രജ്ഞനായിരുന്നു. 1990 കളുടെ മധ്യേ കൊഡാക്കിൽ നിന്ന് വിരമിച്ചു. സംഭരണം, മെച്ചപ്പെടുത്തൽ, പ്രിന്റിങ് തുടങ്ങി, ഡിജിറ്റൽ ഫോട്ടോഗ്രാഫിയുടെ ഇതര മേഖലകളിലും കാര്യമായ സംഭാവന ചെയ്തിട്ടുള്ള ശാസ്ത്രജ്ഞനാണ് ബേയർ.

ബേയർ ഫിൽറ്റർ[തിരുത്തുക]

ഒരു ഇമേജ് സെൻസറിലെ കളർ ഫിൽറ്ററുകളുടെ ബേയർ ക്രമീകരണം

1976 ൽ ബേയർ വികസിപ്പിച്ച കളർ ഫിൽറ്ററാണ്, ഡിജിറ്റൽ ക്യാമറകളും മൊബൈൽഫോൺ ക്യാമറകളും വീഡിയോ ക്യമാറകളുമുൾപ്പടെ, ആധുനിക ഇമേജിങ് ഉപകരണങ്ങളിലൊക്കെ പ്രയോജനപ്പെടുത്തുന്നത്. കളർചിത്രങ്ങൾ ഒറ്റ സെൻസറിന്റെ സഹായത്തോടെ എടുക്കാൻ ബേയർ ഫിൽറ്റർ സഹായിക്കുന്നു. ബേയറുടെ സ്വന്തം പേര് വഹിക്കുന്ന ആ കളർ ഫിൽറ്ററിൽ, ചുവപ്പ്, പച്ച, നീല ഫിൽറ്ററുകളുടെ ഒരു മൊസേക്ക് ലേഔട്ടാണ് ഉപയോഗിച്ചിരിക്കുന്നത്. മനുഷ്യനേത്രങ്ങൾ നിറങ്ങൾ മനസിലാക്കുന്ന തന്ത്രത്തെ അതേപടി അനുകരിക്കുകയാണ് ബേയർ ഫിൽറ്റർ ചെയ്യുന്നത്. ഒരു സവിശേഷ ആൽഗരിതത്തിന്റെ സഹായത്തോടെ കൃത്യമായ RGB image സൃഷ്ടിക്കാൻ ബേയർ ഫിൽറ്റർ സഹായിക്കുന്നു.[1]

അവലംബം[തിരുത്തുക]

  1. http://www.mathrubhumi.com/tech/bryce-bayer-father-of-digital-imaging-eastman-kodak-bayer-filter-319876.html

പുറം കണ്ണികൾ[തിരുത്തുക]

  • 'ഡിജിറ്റൽ ഇമേജിങിന്റെ പിതാവ്' ബ്രൈസ് ബേയർ അന്തരിച്ചു [1]
"http://ml.wikipedia.org/w/index.php?title=ബ്രൈസ്_ബേയർ&oldid=1735895" എന്ന താളിൽനിന്നു ശേഖരിച്ചത്