ഫൈറ്റോഫ്തോറോ പാമിവോറ
| ഫൈറ്റോഫ്തോറോ പാമിവോറ | |
|---|---|
| ശാസ്ത്രീയ വർഗ്ഗീകരണം | |
| സാമ്രാജ്യം: | Protista |
| ഫൈലം: | Heterokontophyta |
| ക്ലാസ്സ്: | Oomycetes |
| നിര: | Peronosporales |
| കുടുംബം: | Pythiaceae |
| ജനുസ്സ്: | Phytophthora |
| വർഗ്ഗം: | P. palmivora |
| ശാസ്ത്രീയ നാമം | |
| Phytophthora palmivora Butler |
|
| Synonyms | |
|
Phytophthora arecae (L.C. Coleman) Pethybr. |
|
കൂമ്പുചീയലിന് ഹേതുവായ രോഗാണുവാണ് ഫൈറ്റോഫ്തോറോ പാമിവോറ. തെങ്ങും കവുങ്ങും ഉൾപ്പെടുന്ന പനവർഗ്ഗങ്ങളിലാണ് ഈ രോഗം പ്രധാനമായും കണ്ടുവരുന്നത്. നാമ്പോലയ്ക്ക് ചുറ്റുമുള്ള ഒന്നോ രണ്ടോ ഇലകൾക്ക് മഞ്ഞനിറം ഈ രോഗത്തിന്റെ ആരംഭമായി കണക്കാക്കാം. ക്രമേണ നാമ്പ് ഉണങ്ങി വാടിപ്പോകുന്നു. ഓലകളുടെ ചുവടുഭാഗം ഇതോടൊപ്പം തന്നെ അഴുകി ഒരു തരം ദുർഗന്ധം പുറപ്പെടുവിക്കുന്നു. ആരംഭദശയിൽ തന്നെ നിയന്ത്രിച്ചില്ലെങ്കിൽ രോഗം ഗുരുതരമായി ചെടി നശിച്ച് പോകാൻ സാധ്യതയുണ്ട്.നാമ്പ് നശിച്ച് കഴിഞ്ഞു കുറച്ചുനാൾ കൂടി ചുറ്റുമുള്ള ഓലകളും മറ്റും വാടിപ്പോകാതെ അതേപടി നിൽക്കും. എല്ലാ പ്രായത്തിലുള്ള തെങ്ങിനേയും ഇത് ബാധിക്കുമെങ്കിലും ഇളംപ്രായത്തിലുള്ള തെങ്ങുകളിലാണ് കൂടുതൽ പ്രശ്നമായി തീരുന്നത്. അന്തരീക്ഷതാപനില വളരെ കുറഞ്ഞിരിയ്ക്കുകയും ഈർപ്പാംശം കൂടിയിരിക്കുകയും ചെയ്യുന്ന വർഷക്കാലങ്ങളിലാണ് രോഗം കൂടുതലായി കാണപ്പെടുന്നത്.
പ്രാരംഭകാലത്ത് രോഗം കണ്ടുപിടിച്ചാൽ മണ്ടയിൽ ബോർഡോ കുഴമ്പ് പുരട്ടണം. പുരട്ടുന്നതിന് മുമ്പ് രോഗബാധിതമായ ഭാഗങ്ങൾ വെട്ടിമാറ്റി വൃത്തിയാക്കുകയും വേണം. അതിനുശേഷം ഈ ഭാഗം അടുത്ത ഒരു പുതുനാമ്പ് ഉണ്ടാകുന്നതുവരെ കെട്ടിപ്പൊതിഞ്ഞ് സൂക്ഷിക്കണം. രക്ഷപ്പെടുത്താൻ കഴിയാത്തവിധം രോഗം ബാധിച്ച സസ്യങ്ങൾ വെട്ടി തീയിട്ടുനശിപ്പിച്ചുകളയണം.
