പെഗ്ഗി ആഷ് ക്രോഫ്റ്റ്
പെഗ്ഗി ആഷ് ക്രോഫ്റ്റ് | |
|---|---|
 Ashcroft in 1936 | |
| ജനനം | ഡിസംബർ 22, 1907 |
| മരണം | ജൂൺ 14, 1991 (പ്രായം 83) |
അക്കാദമി അമാർഡ് ജേതാവായ ഇംഗ്ലീഷ് നടിയാണ് പെഗി ആഷ് ക്രോഫ്റ്റ് (Peggy Ashcroft). 50 വർഷത്തിനു മുകളിൽ അഭിനയ രംഗത്ത് തിളങ്ങി നിന്ന ഇവർ അഭിനയിച്ച ചിത്രങ്ങളെല്ലാം തന്നെ ഏതെങ്കിലും വിധത്തിൽ ഇന്നും ഓർമിക്കപ്പെടുന്നതാണ്.
ജീവിതം
[തിരുത്തുക]1907 ഡിസംബർ 22ന് ഇംഗ്ലണ്ടിലെ ക്രൊയ്ഡനിലാണ് ഡാം പെഗി ആഷ് ക്രോഫ്റ്റ് ജനിച്ചത്.ലണ്ടനിലെ സെന്ട്രൽ സകൂൾ ഓഫ് സ്പീച്ച് ആൻഡ് ഡ്രാമയിൽ ചേർന്ന ഇവർ വളരെ ചെറിയ പ്രായത്തിൽ തന്നെ ഒരു നല്ല സ്റ്റേജ് നടിയായി മാറിയിരുന്നു.റോബർട്ട് ഡൊനാറ്റിന്റെ ദ തേർട്ടി നയൻ സ്റ്റെപ്പ്സ് എന്ന സിനിമയിൽ അഭിനയിച്ചു കൊണ്ടായിരുന്നു ഇവരുടെ സിനിമാ ജീവിതം ആരംഭിക്കുന്നത്.തുടർന്ന് 1937-ൽ ബിബിസി ടെലിവിഷൻ സർവീസ് അവതരിപ്പിച്ച റ്റുവൽത്ത് നൈറ്റ് എന്ന സിനിമാ പരമ്പരയിൽ അഭിനയിക്കാനും ഇവർക്ക് അവസരം ലഭിച്ചിരുന്നു.
മിസിസ് മൂറിന്റെ എ പാസേജ് റ്റു ഇന്ത്യ എന്ന സിനിമയിലെ അഭിനയത്തോടെയാണ് അവരെ സിനിമാ ലോകം അടുത്തറിഞ്ഞത്.ഇതിലെ അഭിനയത്തിന് 1984ലെ എറ്റവും നല്ല സഹനടിക്കുള്ള ഓസ്കാർ അവാർഡും ലഭിക്കുകയുണ്ടായി. 1984-ൽ,അന്തർദേശീയ അംഗീകാരം ലഭിച്ച ടെലിവിഷൻ പരമ്പരയായ ദ ജുവൽ ഇൻ ദ ക്രൗണിൽ ബാർബി ബാച്ചിലറിന്റെ റോളിൽ പെഗ്ഗി അഭിനയിച്ചിരുന്നു.ഈ ചെറു പരമ്പരയിലെ അഭിനയത്തിന് എറ്റവും നല്ല ടെലിവിഷൻ താരത്തിന് നൽകുന്ന അവാർഡായ ബാഫ്റ്റക്കും ഇവർ അർഹയായി.
ഇതിന് പുറമേ ഷേക്സ്പീരിയൽ കൃതികളിലെ മികച്ച അവതരണത്തിന് 1956-ൽ ഡെയിം കമാൻഡർ ഓഫ് ദി ബ്രിട്ടീഷ് എംപയർ സ്ഥാനവും ഇവർക്കു ലഭിച്ചു.1991 ജൂൺ 14ന് തന്റെ 84- ാംമത്തെ വയസ്സിൽ സിനിമാ ലോകത്തിന് നൽകിയ വിലപ്പെട്ട സംഭാവനകൾ അവശേഷിപ്പിച്ച് ഈ ലോകത്തു നിന്നും വിട പറഞ്ഞു.
അവലംബം
[തിരുത്തുക]111 പ്രശസ്ത വനിതകൾ,പൂർണാ ബുക്ക്സ്